Numbers 1:53 - Labrador Inuttitut Heritage Bible

⁵³ Levikulle tangmârtuksauvut tupiub kigligiutjineᴋtaliub avatânut, ningaumanermut tikitauᴋonagit ilagêktut Israêlib ᴋitorngangit; Levikullo udjertortuksauvut tupermik kigligiutjineᴋtalingmik.

Numbers 1:53 Iomraidhean Croise

I Kronika 23:32

Pinniarᴋovlugillo pinniaraksanik tupperme kattimaviôjome, ivsornaitovingmelo, ikajorᴋovlugillo Aronib erninginik ᴋatangutinginik kivgartornerme Nalekab iglungane.

II Kronika 13:10

Uvagulle Nalegapta Gudipta illagivâtigut, allarlungitapta; ajochertuijullo Nalekamik kivgartortut, Aronib erningit Levitillo sullijaksamingne,

II Kronika 13:11

Ikkipaillo uvlâne tamaine, unnunelo tamaine tunnergutit ôtaksat, isserluanijutiksallo tippitsiariktut Nalegak pivlugo; illijilutiglo ᴋaᴋᴋojanik takkojaksanik sâmut Goldeôjomut illaᴋangitomik; nannergoabviglo Goldeôjok, ᴋollingillo unnune tamaine ikkipait. Uvagut kammagijaksat Nalegak Gudivut pivlugo kammagigaptigik, illipsele ᴋemmalaukpasse.

Jeremia 23:15

Taimaimat imâk oᴋarpoᴋ Nâlagaᴋ Zebaot nalautaijut pivlugit: Ahâk, mamaitoᴋsoarmik nerrititsomavakka, imertilugillo sungarmik; nalautaijunit Jerusalemêtunit takkormôrnek anisimangmat nunamut ilûnânut.

Jeremia 5:31

Nalautaijut nalâgôngitomik nalautaivut, ajokertuijullo aggangmingnut ataniolerput, inuᴋotimalo tamakkoa nâmagivait; ᴋanoᴋ ilingajomâlerᴋisê?

Leviticus 10:6

Mosesiblo Aron ernîgiglo, Eleasare Itamarelo, oᴋautivait: Nessairniarase annorâselo aliktorniarasigik, toᴋoᴋonase, ilagêllo ilûnaita ningarvigilugit perᴋonago; ᴋatangutisele Israêlekut ilûnatik ᴋugviorlit ikitaunek Nâlekab ikitavininga pivlugo.

Numbers 1:50

Levikulle kamajuksangortitaksarivatit kigligiutjineᴋtaliub tupinganik, tâpsomalo perᴋutinginik, ilûnainiglo tâpsomunga ilingajunik; akjarsijuksauvut tupermik perᴋutinginiglo; udjertortuksauvullo tâpsominga, tangmârtuksauvullo tupiub avatânut.

Numbers 1:54

Israêliblo ᴋitorngangit taimailiorput; Nâlekab perᴋojangit Mosesemut tamaita maliklugit, taimâk piniarput.

Numbers 16:46

Mosesiblo Arone oᴋautivâ: Pujôrtitsivit tiguleruk pititsivigilugolo ikomamik tunerguservingmit, ilijivigilugolo isserluanerutiksamik, tuavilutillo ilagêktoᴋsuit aivigikit ulapᴋoserlugillo; ningaumajârneᴋ aningmat Nâlekamit; nusilingnartoᴋ pigiarêrpoᴋ.

Numbers 16:9

Sunaungitoripisiûk, Israêlib Gûdingata annerilaungmase Israêlikut ilagêktoᴋsôninginit, najorniᴋovluse tâpsominga, kivgartorᴋovluse Nâlekab ivsornaitoviᴋotingane, nangerᴋovluselo ilagêktoᴋsuit sângine kivgartorniarluse tâpkoninga,

Numbers 17:7

Mosesiblo ajaupiat torᴋorpait Nâlekab sângane kigligiutjineᴋtaliub tupingane.

Numbers 2:17

Tapkoalo maliklugit Levikut tangmârvinganut ilingajut, tupegilutik kigligiutjineᴋtalingmik, ingergartuksauvut, akkuliovlutik katimgajoᴋsoane; sôrlo tangmârteramik taimâk ingergartuksauvut, atunit inigijaksamingne, saimateᴋotimik nelâne.

Numbers 3:23

Gersonekut ᴋitorngarêngit tangmârtuksauvut ilagêktut tupingata tunuane kangiane.

Numbers 3:29

Kohatekut ᴋitorngarêngit tangmârtuksauvut ilagêktut tupingata seᴋerngane.

Numbers 3:35

Surielelo, Abihailib erninga, angajoᴋaujuksauvoᴋ Merarikut kinguvângine: tâpkoa tangmârtuksauvut ilagêktut tupingata taggâne.

Numbers 3:38

Moseselo Aronelo tâpsomalo erningit tangmârtuksauvut ilagêktut tupingata sângane kitâne seᴋiniub nuivingata nelâne, kamatsiarᴋovlugit ivsornaitoviub kivgartortaujariaᴋarninganik Israêlib ᴋitorngangit pivlugit; takorngartarlo ᴋanilertoᴋ tagvunga toᴋotaujuksauvoᴋ.

Numbers 31:30

Israêlikullo abvanginit tigusijuksauvotit atautsemik 50nit tamainit, inungnit, tuktuvangnillo, siuteᴋortojunillo, saukanillo, tagva nergjutinit tamainit, tunilugillo Levikunut, Nâlekab tupinganik udjertortunut.

Numbers 31:47

Israêlikut abvasiarijanginit Mosese tigusivoᴋ tamât atautsemik 50nit, inungnillo nergjutinillo, tunilugillo Levikunut udjertortunut Nâlekab tupinganik; sôrlo Nâlekab Mosese perᴋongmago.

Numbers 8:19

Levikullo piliutigivakka Aronemut erninginullo Israêlikut akornganit, piniarᴋovlugit Israêlikut kivgartorutinginik ilagêktut tupingane, ulapᴋosêᴋovlugillo Israêlikunik; nusilingnartoᴋarᴋonago Israêlikut akorngane, Israêlikut ᴋanilerajarpatta ivsornaitovingmut.

II Timôteusemut 4:2

Oᴋausek oᴋâlatigiuk ataruilivlutit, piviksaungmangât, piviksaungimangâllônêt; sivôrasârilutillo, siluklutillo, ᴋaiblailutillo ᴋenuersârnermullo ajoᴋertuinermullo ilûnânut.

I Samuel 6:19

Bethsemesemiullo illangit annaujauvut tamana pivlugo Nalekab iklervinga takkolaungmatsuk. Tapsomalo innuksoarnit annauvait 50,000 dit 70 gillo. Tagva innugatsuit kiksalerput Nalegak taimak unnuktigijunik toᴋᴋoᴋojilaungmat innugatsuit akkorngane.