Numbers 1:50 - Labrador Inuttitut Heritage Bible

⁵⁰ Levikulle kamajuksangortitaksarivatit kigligiutjineᴋtaliub tupinganik, tâpsomalo perᴋutinginik, ilûnainiglo tâpsomunga ilingajunik; akjarsijuksauvut tupermik perᴋutinginiglo; udjertortuksauvullo tâpsominga, tangmârtuksauvullo tupiub avatânut.

Numbers 1:50 Iomraidhean Croise

II Kronika 24:6

Tagva attanniub Jojada ajochertuijersoak ᴋaiᴋova, oᴋautilâlo: Sôg Levitit kammagingipigit, kattersoiᴋovlugit Judamiunit Jerusalemiunillo, tunnergutinik, Mosesib Nalekab kivgangata kattersortauᴋojanginik Israelitit akkorngane, perᴋojaktaliub tuppinganut?

Nehemia 12:22

Eliasibiblo, Jojadablo, Johananiblo, Jadduablo nalliuningine, atâtat angajoᴋaunerôjut Levitinit aglaktaulaukput, ajoᴋertuijunillo Dariusib, Persiab atannertangata atanniotiningane.

Nehemia 12:47

Israelitillo ilûnâmasiatik Serubabelib nalliuningane Nehemiablo nalliuningane tunnijilaukput aitusianik imgerpaktunut upkoaniglo udsertortunut, uvlut tamaita aitusianginik; ivsornaititaumajuniglo tunnijivut Levitinut, Levitillo ivsornaititaumajunit aitortuivut Aronib ᴋitornganginut.

Nehemia 12:8

Levitillo tapᴋoangôlaukput: Jesua, Benuni, Kadmiel, Serebja, Juda, Mathanja, nertordlerutiksanut ilingajut, tamna ᴋatangutingillo.

Nehemia 13:22

Levitillo perᴋovakka sujungaitiᴋovlugit ingmingnik, tikkiᴋovlugillo upkoat udsertorlugit, Sabbatib uvlunga ivlerilugo. Gûdîk, tamânna pivlugotauk erᴋarlaunga, ivlerilungalo napᴋoartoksonît pivlugo!

Nehemia 13:5

Âᴋiksoilaungmat taipsomunga innemik angijomik Takᴋamungalo illijilaukpok sivurngane tunnergutiksanik Nerᴋiksanik, Weihrauchemiglo, ilûlerkutiniglo, ᴋakᴋojaksallo tallimaujoanik, Weineliksallo iptinginik orksumiglo, aitûsiaksanik Levitinut, imgerpaktunullo, upkoaniglo udsertortunut, tunnergutiksallo ajoᴋertuijunut.

Imgerut 122:4

Kinguvârêt majorarvigijaksangat, Nâlekab kinguvârêngita, (Gûdib) perᴋojanga Israelitinnut (malliklugo), Nâlekab attinga ᴋujagilugo.

Exodus 31:18

ᴋiakᴋamelo Sinaime Mosese oᴋaᴋatigijarêramiuk tunitjivigivâ aglagvîngnik maggûngnik kigligiutjineᴋtalîngnik, aglagvîngnik ujarângnik, aglagviomajûngnik Gûdib tikinganut.

Exodus 38:21

Tamadja tagva katersortaujut tupermut ilingajut, kigligiutjineᴋtaliub tupinganut, sorlo kititaungmata Mosesib perᴋojanga maliklugo, Levikut atorianginut, Itamâb, Aronib ajoᴋertuijub erningata agganginut.

Numbers 1:53

Levikulle tangmârtuksauvut tupiub kigligiutjineᴋtaliub avatânut, ningaumanermut tikitauᴋonagit ilagêktut Israêlib ᴋitorngangit; Levikullo udjertortuksauvut tupermik kigligiutjineᴋtalingmik.

Numbers 10:21

Kohatekullo aularput, ivsornaitovik akkigarlugo; ipkoalo (Gersonib Merariblo erningita) tupeᴋ napartipât tikiᴋârtinagit.

Numbers 17:7

Mosesiblo ajaupiat torᴋorpait Nâlekab sângane kigligiutjineᴋtaliub tupingane.

Numbers 18:5

Ilipselo udjertortuksauvose ivsornaitovingmik tunerguservingmiglo; ningaumajârneᴋ tikitsungnaiᴋovlugo Israêlikunut.

Numbers 2:17

Tapkoalo maliklugit Levikut tangmârvinganut ilingajut, tupegilutik kigligiutjineᴋtalingmik, ingergartuksauvut, akkuliovlutik katimgajoᴋsoane; sôrlo tangmârteramik taimâk ingergartuksauvut, atunit inigijaksamingne, saimateᴋotimik nelâne.

Numbers 20:11

Mosesiblo aggane isakpait, ᴋairtorlo annauvâ maggoertorlune ajaupiaminut, imerlo kâlerpoᴋ amigangitomik, ilagêktoᴋsuillo imerput, nergjuteᴋotingillo.

Numbers 4:15

Aroniblo erningitalo ivsornaitovik ivsornaitoviublo perᴋutingit immugêrpatigik, tangmârtertut nûtuksaulertilugit; Kohatib erningit ᴋaijuksauvut akkigaromavlugit; aktuijuksaungilalle ivsornaidlartunik, toᴋoᴋonagit. Tamadja Kohatib erningita akkigaraksarijangit ilagêktut tupingane.

Numbers 4:3

Jâreᴋartunit 30nik ununersaniglo jâreᴋartut 50nik tikidlugit, ilûnatik kivgartorᴋataujungnartut, piniarᴋovlugit pijarialingnik ilagêktut tupingane.

Numbers 8:19

Levikullo piliutigivakka Aronemut erninginullo Israêlikut akornganit, piniarᴋovlugit Israêlikut kivgartorutinginik ilagêktut tupingane, ulapᴋosêᴋovlugillo Israêlikunik; nusilingnartoᴋarᴋonago Israêlikut akorngane, Israêlikut ᴋanilerajarpatta ivsornaitovingmut.

Numbers 8:20

Mosesiblo Aroniblo Israêlikullo ilagêngningita ilûnatik Levikut taimailiorvigivait; Nâlekab perᴋojangit ilûnaita Mosesemut maliklugit Levikut pitjutigilugit, taimak Israêlikut piniarvigivait.

Numbers 8:22

Kingornganelo Levikut iterput kivgartûtiksatik ilagêktut tupingane piniaromavlugit Aronib erningitalo sângine; sorlo Nâlekab Mosese perᴋongmago Levikut pitjutigilugit, taimailiorvigivait.

Takotitaunermik 15:5

Tamakkoa kingorngatigut takogivunga, ahâglo Tempele, tupek kigligiutsineᴋtalik, ᴋilangme mattuêrtauvok.