Numbers 1:46 - Labrador Inuttitut Heritage Bible

⁴⁶ Kititaujut tâpkoa katillugit 603,550olauᴋput.

Numbers 1:46 Iomraidhean Croise

Genesis 12:2

Inugasaksoangortitsomavagit saimauserlutillo, attillo nertornartitsomavara saimanartitsomavlutillo.

Genesis 13:16

Kinguvâksatillo unuksivalliatitsomavakka sanniktitut nuname. Sanningnik nunamêtunik kittitsijungnartoᴋarpat, tâpsoma kinguvâksatittauᴋ kittinajarivait.

Genesis 15:5

Anerᴋovâlo sillamut oᴋautivlugolo: Attê, ᴋilak ârlorvigiuk uvloritjallo kittikit, kittilugit sappingikungne. Imâglo oᴋautivâ: Taimaituksauvut kinguvâksatit.

Genesis 17:6

Uvangalo unuksivalliadlartitsomavagit inugasaksoangortitsomavlutillo, illingnillo attanersuit pijomârput.

Genesis 22:17

Tamanna pivlugo saimauseromavagit, kinguvâksatillo unuksivalliatitsomavakka uvloritjatitut ᴋilangmêtutitut, siorᴋatitullo imarbiksûb sikjanganêtutitut. Kinguvâksavillo akkerartortimik upkoaᴋsoangit pigijomârpait.

Genesis 26:3

Nuname mattomane tujormiangolerit, uvangalo illagijomavagit saimauserlutit, illingnut kinguvâksarnullo nunat tamakkoa tamaita tunijomagapkit, angerneralo angernerijara atâtangnut Abrahamut soᴋosijuititsomavara.

Genesis 28:14

Kinguvâksatillo nunab sanningititut unuktigijomârput, siamaromârpotillo paunga taunungalo avungalo aungallo, illikkullo kinguvâksakullo kinguvârêt nunamêtut ilûnamatsiatik saimausertaujomârput.

II Samuel 24:9

Joabiblo attanermut tunnivait innugatsuit kittitaumajut unnurningit. Israelemelo anguteᴋalaukpok 800,000 dinik sôngojunik, saviksoarmik amuarsijungnartunik, Judamelo angutinik 500,000 dinik.

I Atannit 4:20

Judakulle Israelitillo taimâk unuktigijôlaukput siorᴋatitut imarbiksub siksanganêtutitut, nerrivullo, immerlutiglo, serridlalaularmiglo.

I Kronika 21:5

Inugasaksuillo kittisimajut unurningit tunnivait Davidemut. Inugasaksuillo ilûnatik unurningit 1,100,000 deolaukput saviksoarmik amusijut, Judakullo 470,000 diolaukput saviksoarmik amusijut.

II Kronika 13:3

Abialo oppalungaijarpok unatadlarnermut angutit innuosuktut 400,000 dit sorsugungnartut illagilugit. Jerobeamele oppalungaijarpok sorsuᴋattigijomavlugo, angutit innuosuktut 800,000 dit sorsugungnartut illagilugit.

Exodus 12:37

Israêlikullo ingergalerput Ramesesemit Suggotemut, angutainait pisuktut 600,000, sorrutsit kitinagit.

Exodus 38:26

Inungnut tamainut atunit bekamik, tagva sêkelib abvanganik, ivsornaitoviub sêkelinga maliklugo, nâvlugit kititaugiartortut, 20nik jâreᴋartut ᴋângiutijullo, tagva inuit 603,550.

Numbers 1:45

Kititaujullo Israêlib ᴋitorngangine atâtangita kinguvârêngit maliklugit, jâreᴋartut 20nik ununersaniglo, ilûnatik Israêleme unatariartorungnartut;

Numbers 11:21

Moseselo oᴋarpoᴋ: Inuit akornganêvigijakka angutauvut pisukpaktut 600,000; oᴋarpotillo: Tunitjivigijomavakka nerᴋemik, taᴋᴋeᴋ nâvlugo nerriᴋovlugit.

Numbers 14:29

Timise oggojomârput (toᴋungajomârput) sunaᴋajuitome tamattomane, ilûnase kititaulauᴋtose, iluengarluse kititaulaurapse, jâreᴋartose 20nik ununersaniglo, oᴋarnilutjijose uvamnik,

Numbers 2:32

Tapkoangovut Israêlib ᴋitorngangit kititaumajut atâtagijamik ᴋitorngarêngningit maliklugit; tangmârvingnut ilingajut katingajoᴋotingit maliklugit kititaumajut 603,550ovut.

Numbers 23:10

Kina kititsijungnarᴋâ Jakokut saninginik, oᴋautigilugillônêt Israêlikut sitamangît? Tarniga toᴋolerle idluartut toᴋoninginik, sorairviksaralo pile tâpsoma sorairviksangatut.

Numbers 26:51

Tamakkoangovut kititaujut Israêlekunit, 601,730.

Deuteronomy 10:22

Atâtagilauᴋtatit atersâlauᴋput Egiptenemut tarnelit 70ovlutik, mânalo Nâlekab Gûdivît ᴋilaub uvloriangititut unuktigitipâtit.