Numbers 1:4 - Labrador Inuttitut Heritage Bible

⁴ Ilaᴋartuksauvotiglo angutimik atautsimik kinguvârênit ilûnainit; tâpkoalo atunit angajoᴋaujuksauvut atâtagilauᴋtame iglungane.

Numbers 1:4 Iomraidhean Croise

I Atannit 8:1

Tagva atanniub Salomob ingminut katiᴋovait angajoᴋaunerôjut Israelitine, kinguvarêt angajoᴋangit, atâtaujullo Israelitit akkorngane atanningit ilûnnaita Jerusalemut, Nâlekab angersimaningata iklervinga âlugo takpaunga Davidib iglugasaksoanganit, tagva Zionemit.

Exodus 18:21

Taimagletauk inuit ilûnnatik akornganit ᴋenertuksauvotit angutinik ᴋaᴋiarnaitunik, Gûdemik sivôrajunik, angutinik nalâgôrtunik, pijomatudlarnermik omisuktunik; angajoᴋângortilugillo tâpkonunga, angajoᴋautilugit 1,000nut, angajoᴋautilugit 100nut, angajoᴋautilugit 50nut, angajoᴋautilugillo 10nut.

Exodus 18:25

Mosesiblo angutit ᴋaᴋiarnaitut ᴋenerpait Israêlikunit tamainit, aulatsijungortipaillo inungnut, angajoᴋautilugit 1,000nut, angajoᴋautilugit 100nut, angajoᴋautilugit 50nut, angajoᴋautilugillo 10nut.

Numbers 1:16

Tapkoangovut annerijaujut ilagênut, angajoᴋaujut atâtagilauᴋtangita kinguvârêngningine, aulatsijôvut Israêlikut tausendioᴋattartungine.

Numbers 1:44

Tamakkoangovut kititaujut, Mosesiblo Aroniblo kititangit, angajoᴋaunerojut 12 Israêleme ilagilugit, tâpkoa atunit angajoᴋaunerovut atâtagilauᴋtamik kinguvârêngningine.

Numbers 17:3

Aroniblo atinga aglagaksarivat Levib ajaupianganut, atâtangita ᴋitorngarêngningita angajoᴋângit atunit ajaupiaᴋoteᴋartuksaungmatta.

Numbers 25:14

Angutelo Israêlimioᴋ, toᴋotaujoᴋ arnaᴋ Midianemioᴋ toᴋotautilugo, atteᴋarpoᴋ Simrimik, Salub erninga, angajoᴋaujoᴋ kinguvârêt Sîmeonekut atâtangita ilangata iglungane.

Numbers 25:4

Nâlekablo Mosese oᴋautivâ: Inuit angajoᴋângit ilûnaita tigukit ᴋimiklugillo Nâlegaᴋ pivlugo seᴋinerartaujome, Nâlekab ningaumajâdlarninga sangutitauᴋovlugo Israêlikunit.

Numbers 30:1

Mosesiblo Israêlib kinguvârêngita angajoᴋângit oᴋarvigivait, oᴋarlune: Tamadja tagva Nâlekab perᴋojijutigijanga.

Numbers 4:34

Mosesiblo Aroniblo ilagêktullo angajoᴋângita Kohatekut kitipait ᴋitorngarêngit atâtamik kinguvârêngit maliklugit.

Numbers 7:2

Israêlikut aulatsijingit, angajoᴋaujut atâtamik, kinguvângine, tunitjilerput; tâpkoa angajoᴋâᴋsoangovut kinguvârêne, aulatsijuksanik kititaumalauᴋtunik;

Deuteronomy 1:15

Taimaimat kinguvârêngnipse angajokângit, angutit silatujut erᴋarnartullo tiguvakka angajokângortilugillo ilipsingnut, angajokât tausendenut, angajokât hundertenut, angajokât 50nut, angajokâllo 10nut, kinguvârêngnise maliklugit.

Josua 22:14

Illaᴋartilugolo angajoᴋaunerojunik 10 nik atatamik iglomioᴋattingita akkornganetunik, kinguvarênit illunainit attunit attausemik.