Numbers 1:3 - Labrador Inuttitut Heritage Bible

³ Jâreᴋartut 20nik ununersaniglo, ilûnaita Israêleme unatariartorungnartut, igvit Aronelo kititaksarivatik katimgajôningit maliklugit.

Numbers 1:3 Iomraidhean Croise

II Samuel 24:9

Joabiblo attanermut tunnivait innugatsuit kittitaumajut unnurningit. Israelemelo anguteᴋalaukpok 800,000 dinik sôngojunik, saviksoarmik amuarsijungnartunik, Judamelo angutinik 500,000 dinik.

I Kronika 5:18

Rubenib erningit, Gadiblo erningit kinguvarêllo Mânnassekut ketterᴋangit, angutaujut tapkonangat sorsugungnartut, sappulutalijartut, saviksoalijartullo, pittiksaniglo ᴋellusijungnartut, unatarnermiglo illisimajut, tapkoa 44,760 ôlaukput, tapkoa aularput unatadlarnermut.

II Kronika 25:5

Amaziablo Judakut kattiᴋovait, pitipaillo atâtat kinguvângit (iglungit) malliklugit, angajoᴋait 1,000 dinut 100 dinullo malliklugit, Judakut illuêngarlutik Benjaminekullo; kittipaillo Jarelingnit 20 ginik unnurnersaniglo, naipipaillo 300,000 diojut annerimajut, aularungnartut unatadlarnermut, ᴋallugialijarungnartut, sappulutalijarungnartullo.

Exodus 12:17

Ivlersijuksauvose ᴋakᴋôjat sêrnarsauteᴋangitut uvloksiorvinganik; uvlorme tâpsomaneluatsiak tasiorapse ilagêksoangonise nunamit Egiptenemit: Tamanna pivlugo uvlok tâmna ivlerijaksarivase kinguvâpsigut soraijuitomut âᴋiksimajok.

Exodus 30:14

Kititaumajunut ilaujut ilûnnatik atunit, jâreᴋartut 20nik ᴋângiutijullo, tunitjijuksauvut tunergutemik Nâlekamut.

Exodus 38:26

Inungnut tamainut atunit bekamik, tagva sêkelib abvanganik, ivsornaitoviub sêkelinga maliklugo, nâvlugit kititaugiartortut, 20nik jâreᴋartut ᴋângiutijullo, tagva inuit 603,550.

Numbers 14:29

Timise oggojomârput (toᴋungajomârput) sunaᴋajuitome tamattomane, ilûnase kititaulauᴋtose, iluengarluse kititaulaurapse, jâreᴋartose 20nik ununersaniglo, oᴋarnilutjijose uvamnik,

Numbers 26:2

Kitisigik Israêlikut ilagêktoᴋsôningit ilûnaita, 20nik ununersaniglo jâreᴋartut, atâtamik kinguvârêngningit maliklugit, ilûnaita Israêleme unatariartorungnartut.

Numbers 3:15

Levikut kitikit atâtamik kinguvângit maliklugit, ᴋitorngarêngningit maliklugit; angutit ilûnaita taᴋᴋeᴋartut atautsimik ununersaniglo kititaksarivatit.

Numbers 32:11

Angutit tâpkoa majoralauᴋtut Egiptenemit jâreᴋartut 20nik ununersaniglo, neliatalônêt nuna angerutigilauᴋtara Abrahâmut, Isaarmullo, Jâkomullo takoniangilât; ilungertorlutik malingimanga;

Numbers 33:1

Tamadja Israêlikut ingergarneriᴋattartangit aularamik nunamit Egiptenemit, ingmikut katimgajut ingmikôrtarlutik, Mosesib Aroniblo aggangitigut.

Numbers 4:3

Jâreᴋartunit 30nik ununersaniglo jâreᴋartut 50nik tikidlugit, ilûnatik kivgartorᴋataujungnartut, piniarᴋovlugit pijarialingnik ilagêktut tupingane.

Deuteronomy 24:5

Angutib nuliarniᴋammertûb sorᴋsuktuksat katimgajut aniᴋatigijaksaringilait unatarnermut, pagvisartaujuksaungilarlo sumut; agviartaunanele angergarmêtuksauvok jâre atausek nâvlugo nuliane tigujane ᴋuviasuᴋatigilugo.

Deuteronomy 3:18

Perkolaukpapse taipsomane, oᴋarlunga: Nâlekab Gûdipse nuna tamanna tunimavâ ilipsingnut, perᴋutauᴋovlugo; sakkolijarluse ikârtuksauvose ᴋatangutipse Israêlikut sângine, angutit sorᴋsukpaktut ilûnatik.