Numbers 1:1 - Labrador Inuttitut Heritage Bible

¹ Nâlekablo Mosese oᴋarvigivâ Sinaib sunaᴋajuitungane, ilagêktut tupingane, taᴋᴋiub aipangata uvlungita sivorlerpângane, jârib nunamit Egiptenemit aularvingata aipangane, oᴋarlune:

Numbers 1:1 Iomraidhean Croise

I Atannit 6:1

Israelib ᴋitorngangita aularningata Egiptenemit kingorngangata jâringita 480 ingane, Salomob atanioningata jâringita sitamangane, takᴋerme Sifemik atelingme, tagva takkib aipanga, Nâlegak igloliolerpa iglomik.

Exodus 19:1

Takᴋit pingajuane, Israêlikut aniningata nunamit Egiptenemit kingorngane, uvlorme tâpsomane tikiput Sinaib sunaᴋajuitunganut.

Exodus 19:2

Aularsimangmata Refidimit, tikisimavlutiglo sunaᴋajuitomut Sinaimut, tangmârpullo sunaᴋajuitome; tagvane Israêlikut tangmârput ᴋakᴋaub nalâne.

Exodus 25:22

Tagvanelo naipitsomavagit, oᴋaᴋatigijomavagillo iksivaviub saimarvigijauviub ᴋolânit, kerubîk iklerviub kigligiutjinektaliub ᴋânganêtuk akorngangnit, perᴋojat tamaita pivlugit tunijomajakka ilikut Israêlikunut.

Exodus 40:17

Jâriblo aipangata takᴋingita sivorlerpângata uvlungita sivorlerpângane, tupek napartitauvok.

Exodus 40:2

Takᴋiub sivorlerpâb uvlungita sivorlerpângane tupertertuksauvotit ilagêktut tupinganik.

Leviticus 1:1

Nâlekablo Mosese ᴋaigarsugvigivâ, oᴋautilugolo ilagêktut tupinganit, oᴋarlune:

Leviticus 27:34

Tamadja perᴋojat, Nâlekab perᴋojijutigijangit Mosesemut Israêlib ᴋitorngangit pivlugit, ᴋakᴋame Sinaime.

Numbers 1:18

Ilagêktullo ilûnaita katitipait taᴋᴋiub aipangata uvlungita sivorlerpângane, oᴋautigivaillo ᴋitorngarêngningita sivorlingit maliklugit, atâtagilauᴋtangita kinguvârêngningit maliklugit, atingita tuglerêngningit maliklugit, jâreᴋartut 20nik ununersaniglo, aglaktauningit maliklugit.

Numbers 12:4

Nâlegarlo tagvainârtomik oᴋarpoᴋ Mosesemut, Aronemullo, Mirijamemullo: Anileritse ilipse pingasôjose ilagêktut tupinganut. Tâpkoalo pingasut aivut.

Numbers 9:1

Nalekablo Mosese oᴋarvigivâ sunaᴋajuitome Sinaime, jârib aipangata taᴋᴋingita sivorlerpângane, nunamit Egiptenemit aularningita kingorngane, oᴋarlune:

Deuteronomy 1:3

Jârillo 40ingita takᴋingita eleveningata uvlungita sivorlerpângane, Mosesib Israêlikut oᴋâlavigivait perᴋojanik tamainik Nâlekab tunijanginik tâpkonunga tâpsomuna.

Deuteronomy 2:14

Uvlullo Kades-barneamit ingergarvigijavut, ikârᴋârtinatanut kôngmik Zeredemik, jâreovut 38nik; kinguvârêt angutit sorᴋsugungnartut ilûnamasiatik nungutauᴋârtinagit tangmârᴋatigêktunit, sorlo Nâlekab oᴋamariklune oᴋautingmagit.

Deuteronomy 2:7

Nâlekab Gûdivit pilluangorᴋosimangmatit aggakpît piniarningine tamaine; ingergarnît sunaᴋajuitokut mattomûna ilisimavâ; jârit makkoa 40 nâvlugit Nâlekab Gûdivît najorpatit; sumiglônêt ajoksalungilatit.