Nehemia 9:7 - Labrador Inuttitut Heritage Bible

⁷ Igvit Nâlegauvotit Gûde, Abrâmik annerosulauktotit, tessiornilauktotillo taipsominga Uremit Kaldaamêtomit, adserarlugolo Abrahâmik.

Nehemia 9:7 Iomraidhean Croise

Genesis 11:31

Tarablo ernine Abra, ernimelo Haranib erninga Lot, ukkoanelo Sarai, ernime Abrab nulianga, illagivlugit aulaᴋatigivait Uremit, Kaldearit nunanganit, ingergajomavlune Kânaanib nunanganut; Haranelo tikkinamitsuk, tagvane nunaᴋalerput.

Genesis 15:7

Oᴋautivâlo: Uvanga Nâlegauvunga aularᴋojijoᴋ illingnik Uremit Kaldeamêtomit, nuna tamanna tunijomagapko illingnut, perᴋutaurᴋovlugo illingnut.

Genesis 17:5

Kingorngane Abramik atteᴋarungnairtuksauvotit, attiksalle tagva Abraha, nunaᴋatigêksoarnut unuktunut atâtaurᴋogapkit.

Genesis 18:19

Kaujimavara pitjutigilâllo, perᴋojerᴋovlugo ᴋitorngaminik inuᴋotiminiglo kinguvâksaminik, Nâlekab apᴋutiksaurᴋojanginik malerᴋovlugit, idluartulivlutik ajungitulivlutiglo, Nâlegaᴋ nâmaksititserᴋovlugo Abrahamut oᴋautigijaminik.

I Kronika 1:27

Abram, tagva Abraham.

Jesaiase 51:2

Abraha takonârsiuk atâtagijase, Sâralo illipsingnik ernijoᴋ! Attausiotillugo ᴋairᴋovara saimauserlugolo ᴋitorngaᴋartillugolo unuktunik.

Deuteronomy 10:15

Nâlekable atâtagijatit ᴋuviagilaukpait nagligijomavlugit, tâpkoalo kingorngane kinguvângit annerivait, tagva ilipse, inôᴋatigêksoarnit tamainit, sorlo uvlome ingmat.