Nehemia 9:6 - Labrador Inuttitut Heritage Bible

⁶ Nâlegak igvitôvotit, igvit ᴋilak pingortilaukpat, ᴋilaillo tamaita ᴋilangit, katimgajoksoangit illaliudlugit, nuna tamaitalo tapsomanêtut, immarbiksuit, tamaitalo tapᴋoa ilûanêtut. Igvillo tamaita pairivattit; ᴋilangmiugaseksuillo tuksiarvigivâtit.

Nehemia 9:6 Iomraidhean Croise

Genesis 1:1

Pigiarnerme Gûdib ᴋilaglo nunalo pingortipak.

Genesis 1:9

Gudelo oᴋarpoᴋ: Imaᴋsuit ᴋilaub atânêtut atautsemut katersorlit, ipterilingajoᴋ takuksaurᴋovlugo. Taimailerporlo.

Genesis 2:1

Innerput tagva ᴋilaglo nunalo kattigmajoᴋsoaᴋotingillo tamaitaᴋsuit.

Genesis 32:2

Takoleramigillo, oᴋarpoᴋ: Tamadja Gûdib kattimgajoᴋsoaᴋotingit; nunalo tamanna taivâ Mahanaimik.

I Atannit 22:19

Tamnalo oᴋarpok: Tamânna pivlugo tusarᴋit mânna Nâlekab oᴋausingit: Nâlegak takkolaukpara iksivatillugo iksivautaksoarmine, ᴋillangmiugaseksuillo ilûnnamasiatik nangertillugit saniane, tallerpiane, saumianelo.

I Atannit 8:27

Gûdele nellâgut inneᴋaromaralloarᴋa nuname? Ahâk, ᴋillaub, ᴋillaillo ᴋillangita ilûnnamasiata illulungilâtit. ᴋanorle tagva iglo una igloliolauktara pinniarungnarajarka tamattominga?

II Atannit 19:15

Hiskialo tuksiarpok Nâlekab sângane oᴋarlunelo: Nâlegak Israelib Gûdinga, Kerubimit ᴋângine iksivajotit, igvit Gûdetôvotit atanniovingnut nunamêtunut ilunnainut, igvit ᴋilangmik nunamiglo pingortitsilaukpotit.

II Atannit 19:19

Mannâle Nâlegak Gûdivut ikajorlauktiguttôk taipsoma agganginut, atanniovît nunamêtut ilunnamassiatik illitarksilerᴋovlugit, igvit Nâlegak Gûdetôgavit.

Nehemia 9:5

Levitillo Jesua, Kadmiello, Banilo, Hasabenjalo, Serebjalo, Hodjalo, Sebanjalo, Petatjalo oᴋarput: Nikovititse, Nâlegarlo Gûdise nertorsiuk issoᴋangitomit issoᴋangitomut! Atillo ânanaudlartok, anginersaujok nertordlerutiksanit, nakosarnernillo tamainit, nertortaule!

Imgerut 102:25

Igvit sivurngane nuna tunganektâlaukpat, aggakpîllo ᴋillait sannagivait.

Imgerut 103:21

Nâlegak nertorsiuk kattimgajoᴋotingit illûnase, kivgaujose tâpsomunga pijomajanganik pinniartose.

Imgerut 115:15

Illipse pitsartutitauvose Nâlekamut, ᴋillangmik nunamiglo pingortitsijomut.

Imgerut 124:8

Ikajortaunivut Nâlekab attinganêpok, ᴋillangmik nunamiglo sannalauktub.

Imgerut 146:6

Sannalauktomik ᴋillangmik, nunamik, imarbingmik; tamainiglo tâpᴋonanêtunik; okpernartomiglo issoᴋangitomut.

Imgerut 24:10

Kinauva attannek nâlengnartok taimna? Tagva Nâlegak Zebaot, tâmna attanniôvok nâlengnartok! Sêla.

Imgerut 33:6

ᴋillait Nâlekab oᴋausinginut pingortitauvut, tamaitalo kattimgajoᴋotingit tâpsoma ᴋaningata annerninganut.

Imgerut 36:6

Idluarnît Gûdib ᴋaᴋᴋangititut îpok, idluarsainitillo ingergarnertut angijoksoatut îput. Nâlegak igvit ikajorpotit tamangnik; innungnik, ômajuniglo.

Imgerut 86:10

Angijoksôgavit taimak tattamnartullilutillo, Gûdeojotôgavillo.

Jesaiase 37:16

Nâlegaᴋ, ᴋilangmiugasaksuit Nâlegangat, Israêlib Gûdinga, Kêrubit ᴋollãne iksivajotit, igvit kissivit Gûdeovotit nuname attaniovingnut tamainut; igvit ᴋilangmik nunamiglo pingortitsilauᴋpotit.

Jesaiase 37:20

Mãnale, Nâlegaᴋ Gûdivut, piulilauᴋtigut agganginit, attaniovît nunamẽtut illũnamatsiatik illitarsilerᴋovlugit, igvit kissivit Gûdetôgavit.

Jesaiase 43:10

Illipse kigligiudsijôvose pivlunga, oᴋarpoᴋ Nâlegaᴋ, kivgaralo anerijara, ᴋaujilerᴋovluse okperᴋovluselo uvamnut tukkisilerᴋovluselo, uvangaugama. Sivunipkut Gûdeojomik pijoᴋangilaᴋ, kingunipkullo pijoᴋaromânginivoᴋ.

Jesaiase 44:6

Imâk oᴋarpoᴋ Nâlegaᴋ, Israêlib attaninga piulijingalo, ᴋilangmiugasaksuit Nâlegangat: Uvanga sivorliovunga, uvangalo kingorliovunga, assimniglo Gûdeᴋangilaᴋ.

Jesaiase 44:8

Sivoraniarase erᴋsiniaraselo! Sivorngane tamattominga ᴋaujitilungilapsê tussartilluselo? Illipse kigligiudsijôvose. Assimnik Gûdeᴋarᴋâ? Kairtoᴋangilaᴋ, assimnik ᴋaujilungitunga.

Jesaiase 45:12

Uvanga nuna sanavara, uvangalo inuit nunamẽtut pingortipakka, uvanga aggamnut ᴋilak issivipara, pitanginullo illũnamasianginut Nâlegauvunga.

Jeremia 32:17

Nâlagaᴋ Gudik! Ahâk, ᴋilaᴋ nunalo pingortilauᴋpakik pitsartunersoarnut talingnullo issangmijomut; ajornartoᴋangilaᴋ ilingnut;

Hesekiel 20:11

Tunitjivilauᴋpakkalo maligaksauᴋojamnik, nelojungnaitilugillo idluarijamnik, tamakkoalo inûb piniarpagit inôjûtigilârpait.

Jona 1:9

Oᴋautivaillo: Ebreeriovunga: Nâlegarlo ᴋilaub Gudinga imarbingmik nunamiglo pingortitsijoᴋ, sivôragivara.

Johannese 10:30

Uvangalo Atâtalo atausiovoguk.

Apostelit Piniarningit 4:24

Tamanna tusaramitsuk, ilagêklutik niplerput Gûdemut oᴋarlutiglo: Nâlegak igvit Gûdiojotit ᴋilangmiglo, nunamiglo, imarbingmiglo pinginiglo tamainik pingortitsijotit;

Deuteronomy 10:14

Ahâk, Nâlekab Gûdivît pigivait ᴋilak, ᴋilaillo ᴋilangat, nunalo, tâpsomanêtullo tamaita.

Deuteronomy 32:39

Missigileritsele mâna uvanga kissima tâmnaugama, senimnelo Gûdeᴋangilak; uvanga toᴋotsivunga, ômartitsilungalo; ikilelauᴋpunga, inûliklerpungalo; piuliklertokarungnangilarlo aggamnit.

Deuteronomy 6:4

Omat, Israêl; Nâlegak Gûdivut Nâlegaujotôvok;

Ebrêerinut 1:3

Tâmna, (Gûdib) ânanauningata ᴋeblariutinga, ilinganingatalo adsiluanga, tamainiglo pairsijoᴋ oᴋautsiminut pitsartudlartomut, ajorniptingniglo pêjailauᴋtoᴋ nangminermigut, iksivavoᴋ Nâlegaviksûb talerpiata tungâne ᴋotsingnerme.

Ebrêerinut 1:6

Amalo, erniangoᴋartoᴋ silaksoarmut ittertinamiuk, oᴋarpoᴋ: Gûdib Engelingitalo ilûnatik tuksiarvigijaksarivât.

Takotitaunermik 14:7

Nippersoarmullo oᴋarpok: Gûde kuksasungniarvigisiuk nertorsiuglo akkiniarviksanga neliutingmat; tuksiarvigisiuglo ᴋilangmiglo nunamiglo imarbingmiglo, imiuglo puilavinginik pingortitsijok.

Takotitaunermik 4:11

Nâlegak, igvit nelopᴋotingivitôjotit pigilugit nertornarnerlo nâlengnarnerlo pitsartunerlo; igvit tamaitaᴋsuit pingortilaurangne; igvillo perᴋogangne, ilerput pingortisimavlutiglo.