Nehemia 9:5 - Labrador Inuttitut Heritage Bible

⁵ Levitillo Jesua, Kadmiello, Banilo, Hasabenjalo, Serebjalo, Hodjalo, Sebanjalo, Petatjalo oᴋarput: Nikovititse, Nâlegarlo Gûdise nertorsiuk issoᴋangitomit issoᴋangitomut! Atillo ânanaudlartok, anginersaujok nertordlerutiksanit, nakosarnernillo tamainit, nertortaule!

Nehemia 9:5 Iomraidhean Croise

I Atannit 8:14

Atanniublo kênane allarpa saimartilaitalo illagêt Israelitit ilûnnamasiangit; illagêllo Israelitit ilûnnatik nangerput tagvane.

I Atannit 8:15

Tamnalo oᴋarpok: Nâlegak Israelib Gûdingat nertortaule, kannerminut atâtamnut Davidemut oᴋalauktok, aggangminullo nellautsititsilauktok, oᴋalauktorlo:

I Atannit 8:22

Salomoblo Nâlekab Altarekotinga sângerpa, illagêt Israelitit ilûnnamasiatik najortillugit, agganelo issangmivait ᴋillangmut,

I Atannit 8:27

Gûdele nellâgut inneᴋaromaralloarᴋa nuname? Ahâk, ᴋillaub, ᴋillaillo ᴋillangita ilûnnamasiata illulungilâtit. ᴋanorle tagva iglo una igloliolauktara pinniarungnarajarka tamattominga?

I Kronika 16:36

Nalegak Israelib Gûdinga nertortaule isoᴋangitomit isoᴋangitomut, inugasaksuillo ilûnatik oᴋarlit: Amen, Nalegarlo nertorlitsuk.

I Kronika 29:11

Igvit, anginek, pitsartunerlo ânanaunerlo, sâlaᴋarnerlo, ussornarnarnerlo pigivattit. Ilûnaita ᴋilangmêtut nunamêtullo nangminerigangne. Igvit Nalegak nalegaunek pigivat, pôktojovaksôvotit angajoᴋaksoangolutillo ilûnainut.

I Kronika 29:13

Mânnalo Gûdivut ᴋujagivaptigit, attillo ânanaudlartok nertorpavut.

I Kronika 29:20

Davidelo ilagêt ilûnamasianginut oᴋarpok: Nalegak Gûdise nertorsiuk! Ilagêllo ilûnamasiatik Nalegak atâtagijamik Gûdingat nertorpât, okᴋolutiglo opigilakillo Nalegak attannerlo;

II Kronika 20:13

Judakullo illuêngarlutik nangerput Nalekab sângane, ᴋittorngatik, nulliatiglo, ernitiglo illagilugit.

II Kronika 20:19

Levitillo, Kahatib ᴋittornganginit, Korablo ᴋittornganginit, makkiput Nalegak Israelib Gudinga nertorlugo imgerlutik nippersoarmut ᴋillangmut.

Esra 3:11

Imgerpullo Nalegak nertorlugo ᴋujagilugolo, pitsiarmat, napkoarningalo sorainiangmat Israelemut. Innugasaksuillo illunatik nipliadlarput Nalegak nertorlugo Nalekab iglungata tungavia illijaumangmat.

Nehemia 9:4

Levitillo poktojoᴋotinganut nangeriartorput Jesua, Banillo, Kadmiello, Sebanjalo, Bunilo, Serebjalo, Banilo, Kenanilo, nipliarlutiglo nippeᴋortojomut Nâlekamut Gûdemingnut.

Nehemia 9:6

Nâlegak igvitôvotit, igvit ᴋilak pingortilaukpat, ᴋilaillo tamaita ᴋilangit, katimgajoksoangit illaliudlugit, nuna tamaitalo tapsomanêtut, immarbiksuit, tamaitalo tapᴋoa ilûanêtut. Igvillo tamaita pairivattit; ᴋilangmiugaseksuillo tuksiarvigivâtit.

Hiobe 1:21

Oᴋalarmelo: Ussingavlunga anânama timinganit pilaukpunga, ussingavlunga ingerarniarivunga tagvunga. Nâlekab tunnilaukpait, Nâlekab tiguvait; Nâlekab atinga nertortaule!

Imgerut 106:2

Kia Nâlekab pinniarnersoangit nâlugit oᴋautigijungnarpagît, nakorijungnarlugo nertornarninga tamât?

Imgerut 134:1

Ahak, Nâlegak nertorsiuk, kivgaujose Nâlekamut illûnase nangertose unnuangotillugo Nâlekab iglungane.

Imgerut 145:2

Uvlut tamaita nertoromavagit, attillo nakoritsainarlugo sorairnanga issoᴋangitomut.

Imgerut 145:5

Ananaunît pinarnartoksôjok takkoranidlartok, tattamnartullinitillo imgerusiorutigijomavakka.

Imgerut 146:2

Nâlegak nertoromavara inôtsima sivitûningane tamât, Gûdigalo nertorlugo imgervigijomavara înimne.

Imgerut 16:2

Oᴋarpotit Nâlekamut: Igvit nâlegauvotit, pilloringneᴋangilak uvamnut assingne;

Imgerut 66:2

Attingata opinarninga imgerutigissiuk, nakorissiuk ânanaudlartomik:

Imgerut 99:3

Attit angijok sivuranartorlo nakorijaule, ivsornaitôjok;

Exodus 15:11

Kina Gûdit akorngane iliktut-ikâ, Nâlegak? Kina iliktut-ikâ, inornadlarlune ivsornainerme, sivôranadlarlune nertoraksauvlune, tatamnartulivlunelo?

Exodus 15:6

Nâlegak, aggatit tallerpît inornarsivut pitsartunerme; Nâlegak, aggakpit tallerpikpit omisuktit egilugit serᴋomipait.

Daniel 2:20

Danielilo nipliluni oᴋarpoᴋ: Gûdib attinga nakoridlartauli issoᴋangitomit issoᴋangitomut; ilisimaniᴋ pitsartunilo tâpsoma pigingmagik;

Mattêuse 11:25

Taipsomane Jêsuse oᴋalerpok: Atâtak, ᴋilaublo nunablo nâlegangak, nakorivagit, ilisimajunut silatujunullo tamanna angigutjutigigangne, nutaᴋᴋatitun-itunullo nalojungnaitijutigigangne.

II Korintemiunut 4:6

Gûdele, ᴋaumajomik nuerᴋojijoᴋ tâᴋtomit, ômatiptingne ᴋaumarsaivoᴋ, uvaptigut nellonarungnaititauᴋovlugo illitarsineᴋ Gûdib pinnarnarninganik Jêsusib Kristûsib sângane.

Deuteronomy 28:58

Kamatsiaromangikuvit perᴋojat tamakkoa oᴋausertangit tamaita aglangne makkonane aglaksimajut piniaromavlugit, ilerasuᴋovlutit attermik ominga ânanaudlartomik ileranartomiglo, NALEKAMIK GÛDINGNIK.

I Pêtrusib 1:3

Nertortaule Gûde Nâlegaptalo Jêsusib Kristusib Atâtanga nâpkiningnersoarminut ernertâripsâlaungmatigut, ômanartomik nerriugijaksaᴋarᴋovluta, Jêsusib Kristusib makininganut toᴋungajunit;

Idluarsaijut 13:18

Nâlekable Engelingata oᴋautiva; Sôg attera pivlugo apperivinga, tattamnadlaralloartok?