Nehemia 9:35 - Labrador Inuttitut Heritage Bible

³⁵ Kivgartorlaungilâtillo atanniovingmingne, Perᴋutevaksoarnerne, tunnilauktarne tapᴋonunga, nunamelo nerrotôjome, pitsornartomelo unnertutigijarne tapᴋonunga, sâlerlaungilello pinniarnermingnit idluitunit.

Nehemia 9:35 Iomraidhean Croise

Nehemia 9:25

Iglugasaksuillo sôngojut aksarnigarivait, nunalo pitsornartok, iglullo perᴋutitaggit sunatuinarnik nangmineliutilerpait, immektarvillo ullimarsimajut, perorsêvillo Weineliksat, perorsêvillo orksugit, nappârtullo nerᴋiksagit unnuktut, nerrilaukpullo aᴋeartorlutiglo, kuinilerlarmiglo, inoseᴋalutiglo allianartomik, pitsiarnersoarnut.

Nehemia 9:34

Atanniptalo, angajoᴋaunerôjuptalo ajoᴋertortiptalo, atâtagijaptalo malligaksaukojattit pinniarlaungilait, perᴋojattillo, kigligiutsinitillo kigligiutigijaukolauktattit tapᴋonunga, kamagilaungilait.

Jesaiase 63:7

Erᴋaumajomadlarpakka Nâlekab saimarsainingit Nâlekablo nertornautingit, idluarmattut Nâlekab piniarnerijangit pivlugit uvaptingnut, pitsiarnersoangalo, Israêlikkunut saᴋᴋijârtitanga nâpkigosumut saimanermullo angijoᴋsoamut.

Jeremia 5:19

Oᴋaraloarupselo: Suna pivlugo Nâlakab Gudipta tamakkoninga tamainik piniarvigivâtigût? kiojaksarivatit: Sorlo ᴋemakapsinga gudingoallo takorngartat kivgartorlugit nunapsingne, taimaluatsiaᴋ takorngartat kivgartoraksarivase nuname nunagingitapsingne.

Hesekiel 5:6

Inatsinikkale mumilauᴋpait idluitulinersauvlune inôᴋatigêksoarnit, perᴋojakkalo angiluartomik nunaᴋatigêksoarnit avatânêtunit; tâpkoa inatsinikka ajaktormagit, arvertalungimattalo perᴋojakka maliklugit.

Deuteronomy 28:47

Nâlegak Gûdît kivgartulaunginangne erᴋiertornermut ômativîllo ᴋuviasungninganut, tamainik piᴋangâravit;

Deuteronomy 28:48

Taimaimat ômigijitit, Nâlekab tililârtangit ilingnut, kivgartoraksarilârpatit, kângnerme, imerungnermelo, usinganermelo, ajoksarnermelo tamainik; nangmautarmiglo kikiangojomik ilijilârpok ᴋongasingnut, nungutsiᴋârtinago ilingnik.

Deuteronomy 31:21

Idluinerillo ânianerillo unuktut tikisimakpatta tâpkonunga, imgerutsit ukkua kigligiutjilârput pivlunga tâpkoa sângine, puigortaujuksaungimatta kinguvângita ᴋaninginit; ᴋaujimalerêrama mâna issumagilârtanginik taipsomane, tikiutjiᴋârtinanga tâpkoninga nunamut angerutigimarilauᴋtamnut.