Nehemia 9:34 - Labrador Inuttitut Heritage Bible

³⁴ Atanniptalo, angajoᴋaunerôjuptalo ajoᴋertortiptalo, atâtagijaptalo malligaksaukojattit pinniarlaungilait, perᴋojattillo, kigligiutsinitillo kigligiutigijaukolauktattit tapᴋonunga, kamagilaungilait.

Nehemia 9:34 Iomraidhean Croise

II Atannit 17:13

Nâlekablo Israelitit Judakullo tennersarlaukpait nallautaijoᴋotimigut ilunnaitigut, takkojoᴋotimigullo, oᴋautsaukovaillo: Utteritse apᴋotipsingnit idluitunit, mallikluselo perkojamnik, innatsinimniglo; perkojat ilunnatik malliklugit atâtagijapsingnut perkolauktakka, tillikliutilauktakkalo illipsingnut kivgakotipkut nallautaijutigut;

II Atannit 17:15

Perkojangillo angerningalo, atâtagijanginut angerlauktanga, tennersariningillo tunnilauktangit tapᴋonunga, nachogivait, agvertarlutiglo Gûdingoat suksaungitut malliklugit, pinniarlutiglo suksaungitomik, nallojut malliklugit avatimingne nunakalauktut, Nâlekab perkojijutigijangit tapᴋoninga, taipkotitunak pinniartuksaungimatta.

II Kronika 29:6

Atâtagijavut tammarlaungmatta, pinniarlaukpullo Nalekab Gudipta idluigijanginik, ᴋemmalaukpâllo. Kênatik sangulaungmagit Nalekab iglunganit, tunnulaukpâllo;

Esra 9:10

Mannalo ᴋannok oᴋartuksauvita Gudivut tamakkoa kingorngane? perᴋojattit ᴋemmalauraptigik,

Nehemia 9:30

Igvillo jârit unnuktut nâvlugit ᴋenuêrsârvigilaukpattit, kigligiutsivioᴋolaukpâttillo annernermut, nallautaijoᴋotingnêtomut; ilaliorlaungilâlle siutimingnut. Tamana pivlugo tunnilaukpattit inuᴋattigêksuit nunanetut agganginut.

Nehemia 9:33

Igville idluarpotit, tamaine tikkitauᴋolauktarne uvaptingnut, igvit nâmaktullilauravit, uvagulle nâmangitoâlungmik pinniarlaukpogut.

Nehemia 9:35

Kivgartorlaungilâtillo atanniovingmingne, Perᴋutevaksoarnerne, tunnilauktarne tapᴋonunga, nunamelo nerrotôjome, pitsornartomelo unnertutigijarne tapᴋonunga, sâlerlaungilello pinniarnermingnit idluitunit.

Jeremia 29:19

Nâlangimatigit oᴋausikka, oᴋarpoᴋ Nâlagaᴋ, tilikliutigilauᴋtakka tâpkonunga kivgapkut nalautaijutigut, makisaraivlunga tililugillo; tusaromalaungilasele, oᴋarpoᴋ Nâlagaᴋ.

Jeremia 44:17

Oᴋautsille tamaita ᴋaniptingnit anitavut nâmaksititsomavavut; isserluanititsijomavluta tipigiksautinik ᴋilaub ataninganut arnamut, kovisijomavluta tunergutiksanik imiksanik tâpsomunga, sorlo piniarêrapta uvagut atâtavullo, atanivut angajoᴋâvullo, Judab iglugasaksoangine, Jerusalemiblo apᴋosineâlungine; taipsomane amigangitunik nerᴋiksaᴋalaurapta ᴋanoengitsialauᴋpogullo, idluitomiglo takolugata.

Jeremia 44:4

Uvangale tiliklervigilauᴋpapse kivgamnik tamainik nalautaijunik, makisaraivlunga tililugillo, oᴋarᴋovlugit: Maᴋojungnartulineᴋ tamanna ômigijara piniarniarasiuk.

Hesekiel 5:6

Inatsinikkale mumilauᴋpait idluitulinersauvlune inôᴋatigêksoarnit, perᴋojakkalo angiluartomik nunaᴋatigêksoarnit avatânêtunit; tâpkoa inatsinikka ajaktormagit, arvertalungimattalo perᴋojakka maliklugit.

Daniel 9:6

Nâlangilavullo kivgatit nalautaijut, attini oᴋâlajut ataniptingnut, angajoᴋâᴋsoarijaptingnullo, atâtagijaptingnullo, nunablo inunginut tamainut.

Deuteronomy 31:21

Idluinerillo ânianerillo unuktut tikisimakpatta tâpkonunga, imgerutsit ukkua kigligiutjilârput pivlunga tâpkoa sângine, puigortaujuksaungimatta kinguvângita ᴋaninginit; ᴋaujimalerêrama mâna issumagilârtanginik taipsomane, tikiutjiᴋârtinanga tâpkoninga nunamut angerutigimarilauᴋtamnut.