Nehemia 9:33 - Labrador Inuttitut Heritage Bible

³³ Igville idluarpotit, tamaine tikkitauᴋolauktarne uvaptingnut, igvit nâmaktullilauravit, uvagulle nâmangitoâlungmik pinniarlaukpogut.

Nehemia 9:33 Iomraidhean Croise

Genesis 18:25

Taimailiorneᴋ ajornarpoᴋ illingnut, idluartut toᴋoᴋassiutivlugit, idluitut (toᴋogungne), idluartut idluitutitut ilingatilugit. Ajornarpoᴋ taimak illingnut. Sillaᴋsoarmiunik erᴋartuijoᴋ idluangitomik illiortuksauvâ?

Esra 9:15

Nalegak, Israelib Gudinga, igvit idluarpotit, uvagut amiakogapta, annigoimavlutalo, sorlo uvlorme tamattomane illingangmat. Ahâk, nangerpogut sângne passijaksauniptingne; tamannale pivlugo nangertoᴋarungnangilak sângne.

Nehemia 9:34

Atanniptalo, angajoᴋaunerôjuptalo ajoᴋertortiptalo, atâtagijaptalo malligaksaukojattit pinniarlaungilait, perᴋojattillo, kigligiutsinitillo kigligiutigijaukolauktattit tapᴋonunga, kamagilaungilait.

Nehemia 9:8

Ommatingalo nertornartok nachvârlaukpat sângne, angerᴋattigilaukpello kinguvângit tunnitsivigijomavlugit, Kanaaniterit, Hetiterillo, Amoriterillo, Feresiterillo, Jebusiterillo, Girgositerillo nunangit; oᴋautsitillo nallautsitilaukpattit, idluartogavit!

Hiobe 33:27

Inuit sânginne kigligiutsiniarpok, oᴋarniarlunelo: Idluitullilaukunga, idluarnerlo mumiktilaukpara, sulilautsengilangale.

Hiobe 34:23

Tâpsoma inuk kamagikitâjariaᴋangimago, tikkerᴋovlugo Gûdib sânganut, erᴋartortaunermut.

Imgerut 106:6

Ajortullilaukpogut atâtagilauktavut illagilugit; namangitullilaukpogut, Gûdeᴋangitôlauklutalo.

Imgerut 119:137

Nâlegak igvit idluarpotit, idluarsainitillo idluarput.

Imgerut 145:17

Nâlegak idluarpok apᴋotimine tamaine, ivsornailunelo pinniarnermine tamaine.

Exodus 32:31

Moseselo Nâlekamut uterpok, oᴋarlunelo: Kappê, inuit ukoa idluitulisimavut angijomik, nangminermingnullo gûdingoaliorput goldeojunik.

Jeremia 12:1

Idluartovotit, Nâlagaᴋ, oᴋaᴋataujomaguvit, oᴋaᴋatigijomadlaraloarpagit ilinganioᴋattartoᴋ pivlugo. Sôᴋ idluitulijut perᴋuteᴋarpaliasôngovât? Sôᴋ nalangaitomik piniarneᴋartut inilangatsiarsôngovât?

Jeremia 44:3

Idluinitik piniarnerijatik ningarsârlunga pitjutigilugit, isserluanititsijartormatta tipigiksautinik, kivgartorlutiglo gudingoanik assimnik ilitaringitamingnik, tâpkoalônêt, ilipselônêt, atâtagilauᴋtapselônêt ilitaringitanginik.

Jeremiab Ogguarutigijangit 1:18

Nâlegak idluarpok; tâpsoma perᴋojangit tapagilaurapkit; tusalauritse, inôᴋatigêngojose ilûnase, kapiasungneralo ulernairtorsiuk: uigasukka angutikkalo inôsuktut aularutijaumavut.

Hesekiel 11:12

Kaujijuksauvoselo uvanga Nâlegaugama: arvertalaunginapse perᴋojakka maliklugit, pinialaunginapselônêt idluarijamnik, pinialaurapsele inôᴋatigêksuit avatipsingnêtut nâmagijanginik.