Nehemia 9:32 - Labrador Inuttitut Heritage Bible

³² Mânnalo Gûdivut, Gûdeojoksôjotit, sôngojotit kappianadlartotillo, nallautsititsijotit angerᴋattigêngnermik, napkiningnermiglo, siorniornartut tamaita tikkitautigijavut, atannivullo, angajoᴋaunerôjovullo, ajoᴋertortivullo, nallautaijovullo, atâtavullo, inuᴋotitillo tamaita, Assiriamiut atanningita nalliuninginit uvlok tamânna tikkidlugo, mikkijonasugitailikittôk.

Nehemia 9:32 Iomraidhean Croise

I Atannit 8:23

Oᴋarlunelo: Nâlegak Israelib Gûdinga, illiktut Gûdeᴋangilak, takpânelonêt ᴋillangme, atânelonêt nuname soᴋosijuititsijomik angernermik napkiningnermiglo kivgaᴋotingnut agvertarlauktunut sângne omamut tamânut.

II Atannit 15:19

Fulelo Assiriamiut atanningat tikkipok nunamut. Menahemiblo Fule tunnitsivigiva Talentinik 1,000 dinik Silberemik, illilertuiᴋovlugo tapsominga, atannioviglo sokkosijuitilugo tapsomunga piᴋovlugo.

II Atannit 15:29

Pekab Israelitit atanningata nalliuningane, Tiglat Pilesser Assiriamiut atanningat tikkipok, tigulaitalo Hion, Abel, Bethmaecha, Janoha, Kedes, Hazor, Gilead, Galilialo, Naftalikullo nunangat ilunnât, aularutivaillo Assiriamut.

II Atannit 17:23

Nâlegak Israelitinik pêjaikârtinago kênaminit, sorlo oᴋalaurame kivgamigut ilunnaitigut nallautaijutigut Taimak Israelitit nunamingnit aularutitaulaukput Assiriamut uvlok tamanna tikkilugo.

II Atannit 17:3

Tapsomunga Salmanasser Assiriamiut atanningat tikkilerpok sorsuklune. Hosealo kivgangorpok tapsomunga, tunnitsivigivâlo pilliutinik.

II Atannit 17:6

Hoseablo Jâringita 9 ingane Assiriamiut atanningata Samaria salagivait, Israelitillo aularutivait Assiriamut, nunakartipaillo Halame, Haboremelo Gosanib kôngane, Mederillo iglugasaksoangine.

II Atannit 23:29

Tapsoma nalliuningane Farao Necho Egiptenemiut atanningat takpaungarpok, koksoarmut Fratemut Assiriamiut atanningat sorsugvigijomavlugo. Atanniuble Josiab aularlune pachrearpa, toᴋolunelo Meggidome, takkolaukârdlugo.

II Atannit 25:7

Zedekiablo ᴋitorngangit toᴋopait ijikita sângangne, ijigiglo tautugungnaitipakit, kellaksorlâllo kellaumgujanut aularutivâllo Babelemut.

Esra 4:10

Innugasaksuillo assingit Asnafarib angijub, oᴋausiovaktublo tamaungartilauktangit, pitilauktangillo Samariab iglugasaksoanginut, assinginullo kôksub miksânêtunut, Kanaanemêtunullo.

Esra 4:2

Tikkiput Serubabelemut atâtanullo angajoᴋaunerôjunut, oᴋautivaillo: Igluliorᴋattigijomavapse, Gudise ᴋenneraptigo, illipsetut; tapsomungalo tunnergutinik tunnijivogut, Asser-Haddonib Assiriamiut attanningata, tamaungartitipta nalliuninganit.

Esra 9:13

Tamakkoalo tamaita tikkitautigijapta, pinniarniâluvut, passijaksaudlarnivullo pivlugit, kingorngane, igvit Gudivut pitlarnikinersarilaukpaptigut pijuksauniptingnit idluitullinivut pitjutigellugit, piulijauneᴋartilaukpaptigullo, sorlo mana imat.

Nehemia 1:5

Oᴋarlungalo: Nâlegak ᴋilaub Gûdinga, Gûdeôjoksôjotit, sivuranartoksôlutillo, angersimanermik, napkiningnermiglo torᴋorsijok tapᴋonunga naglingniktunut tapsominga, perᴋojanginiglo Nâlektunut;

Imgerut 47:2

Nâlegak ᴋotsingnerpângojok kappianadlarmat, attanersoangovlune nunaksoarmut illunânut.

Imgerut 66:3

Gûde oᴋautissiuk: Ila tattamnadlarput pinniarnitit! Omigijivit ᴋennuviginiarpâtit pitsartunersoarnit pivlugo.

Imgerut 66:5

ᴋaititse tamaunga takkonârluselo Gûdib pinniarninginnik, tattamnadlartub pinniarnermine Inuit ᴋittorngangita akkorngane.

Exodus 18:8

Mosesiblo sakinne unipkautivâ tamainik Nâlekab piniarninginik Faraomut Egiptenemiunullo Israêlikut pivlugit, siorniornerniglo tamainik tikitigijamingnik apᴋosinerme, ᴋanorlo Nâlekab piulingmagit.

Jesaiase 9:6

Nutarârsuk erniangongmat uvaptingnut, erneᴋ tunijaungmat uvaptingnut; nâlegauninga tuinganẽpoᴋ; atteᴋarporlo: tatamnadlartomik kajusimajomik, Gûdemik pitsartujoᴋsoarmik, Atâtaujomik issoᴋangitomut, Nâlekamik ullapirsaijomik.

Daniel 9:4

Tuksiarpungalo Nâlekamut Gudimnut, kigligiksarlungalo oᴋarlunga: Nâlegaᴋ, Gudeojotit angijoᴋ sivôranartoᴋsôjorlo, angirutigijarnik nâpkiningnimiglo nalautsititsijotit nagligijingnut piᴋojarniglo nâliktunut;

Daniel 9:6

Nâlangilavullo kivgatit nalautaijut, attini oᴋâlajut ataniptingnut, angajoᴋâᴋsoarijaptingnullo, atâtagijaptingnullo, nunablo inunginut tamainut.

Daniel 9:8

Nâlegaᴋ, uvagut, atanivullo, angajoᴋâᴋsoavullo, atâtagijavullo kangusudlartuksauvogut idluitulivigigaptigit.

Leviticus 26:18

Tamakkoalo pigaloartilugit nâlagomangikupsinga, tagva sevenertortomik sugiaromârpapse ajornise pivlugit.

Leviticus 26:21

Akkerartorlungalo arvertarupse nâlagomanase uvamnik, tikiutjilârpunga pagvilungnartunik sevenertortunik sulle ilipsingnut idluinise maliklugit.

Leviticus 26:24

Tagva uvanga arvertaromagivunga akkerartorluse; annaudlaromârpapselo sevenertortomik idluinise pivlugit.

Leviticus 26:28

Uvangatauk akkerartorluse arvertaromavunga ningadlarlunga; pidlaromârpapselo sevenertortomik ajornise pivlugit.

Deuteronomy 7:12

Imailarporlo, idluarsautiksat makkoa tusârangne, kamagilugillo, piniarlugillo, Nâlekab Gûdivît angerutigijane nâpkiningninelo oᴋautigimariktane atâtagijarnut, nelautsitilârivait;

Deuteronomy 7:13

Nagliginiarpâtillo, saimarsarniarpâtillo, unuksitiniarpâtillo; timivîllo paungangit nunavîllo paungangit saimarsarniarpait, senaugaksatillo, vainiksatillo, orᴋsutillo, tuktuvaᴋotivîllo piarangit, saugakotivîllo piarangit, nuname oᴋamariklune angerutigijane atâtagijarnut tunijomavlugo ilingnut.

Deuteronomy 7:21

Kapiasûtigijaksaringilatit; Nâlekab Gûdivît akunapsingnêngmat, Gûde angijok ileranadlartorlo.

Deuteronomy 7:9

Taimaimat ᴋaujijuksauvotit Nâlegak Gûdît Gûdeongmat; Gûde nelâgôrtok nelautsititsilune angerutigijaminik nâpkiniklunelo nagligijiminik perᴋojaminiglo nâlektunik kinguvârêt tausendit tikilugit.