Nehemia 9:29 - Labrador Inuttitut Heritage Bible

²⁹ Kigligiudsivioᴋolaukpattillo sâlertuksaungmatta Malligaksauᴋojarnut. Piojorilerlaukpulle, Nâlelaungilaillo perᴋojattit, idluitullilutiglo idluarijattit akkerartorlugit, (tapᴋoale inuit nalliata pinniarpagit inôgutigivlugit pingmagit) tuitiglo sangutipait, tappatolerlutiglo, Nâlengnatiglo.

Nehemia 9:29 Iomraidhean Croise

II Atannit 17:13

Nâlekablo Israelitit Judakullo tennersarlaukpait nallautaijoᴋotimigut ilunnaitigut, takkojoᴋotimigullo, oᴋautsaukovaillo: Utteritse apᴋotipsingnit idluitunit, mallikluselo perkojamnik, innatsinimniglo; perkojat ilunnatik malliklugit atâtagijapsingnut perkolauktakka, tillikliutilauktakkalo illipsingnut kivgakotipkut nallautaijutigut;

II Atannit 17:14

Nâlelaungilelle ᴋongesetigle keratatipait atâtagijamiktut, okperlaungitutitut Nâlekamut Gûdemingnut.

II Kronika 24:19

Tapsomalo nallautaijut tillivait tapᴋonunga, uttertitsomavlugit ama Nalekamut, tennersarpaillo; kissianele kammagingilât.

II Kronika 33:10

Nalekablo Manasse innuᴋotingillo oᴋarvigivait, kamalungilelle tamattominga.

II Kronika 36:15

Nalegarlo atâtagijangita Gudingat tilliklerpok tapᴋonunga, tillijamigut uvlamit. Innuᴋotine iglunelo ivlerigamigit.

Nehemia 13:15

Nalliutome taipsomane Judame takᴋovunga Weineliksat iptêjaivinganik tullertunik Sabbatib uvlungane ᴋeppitaniglo kakkojaksanik ittertitsingmatta, siutekoktôjuniglo nangmalingnik Weinemik, Weineliksallo paunganginik, Feigeniglo, nangmaniglo pittalingnik sunatuinarnik ittertitsingmatta Jerusalemut Sabbatib uvlungane. Tennersarpakkalo uvlorme taipsomane nerᴋiksanik niorvgusingmatta.

Nehemia 9:10

Nallonaiᴋuteᴋartitsilaukpotit tattamnartullilutillo Faraome, kivgaᴋotinginelo ilûnaine, nunangatalo inugasaksoangine ilûnaine; igvit illitarksilauravit perajarlugvigingmagit; ateᴋartilaukpotillo sôrlo uvlome îmat.

Nehemia 9:16

Atâtagijavulle piojorilerlaukput, tappatolerlutiglo, Nâlelugatiglo perᴋojarnik.

Nehemia 9:26

Kissianele tappatolerlaukput, akkerartorpâtillo, Malligaksauᴋojattit egipait tunnumingnut, Nallautaijoᴋotitillo nakterpait, kigligiutsijut tapᴋonunga, salertuksaungmatta illingnut, oᴋarnerlutjilutiglo angijomik.

Nehemia 9:30

Igvillo jârit unnuktut nâvlugit ᴋenuêrsârvigilaukpattit, kigligiutsivioᴋolaukpâttillo annernermut, nallautaijoᴋotingnêtomut; ilaliorlaungilâlle siutimingnut. Tamana pivlugo tunnilaukpattit inuᴋattigêksuit nunanetut agganginut.

Exodus 10:3

Moseselo Aronelo iterpuk tagva Faraomut, oᴋautivlugolo: Imâk oᴋarpok Nâlegak, Ebrêerit Gûdingat: ᴋanok sivitutigijomik manigotitailijomavêt ilingnik sâmne? Inuᴋotikka aularᴋokit, kivgartorvigijaksaringmanga.

Jeremia 17:23

Tâpkoale nâlalaungilat, siutitiglônêt mannilaungilait, ᴋongasetigle ᴋeratatipait, tusaromanginamik ajoᴋertortaujomanginamiglo.

Jeremia 19:15

Imâk oᴋarpoᴋ Nâlagaᴋ Zebaot, Israêlib Gudinga: Ahâk, iglugasaksoarnut ukkununga iglugasaksoanullo tamainut tikiutjijomavunga idluinernik tamainik oᴋautigisimajamnik tâpkonunga; ᴋongasetik ᴋeratatilaungmagit oᴋausikka tusaromanagit.

Jeremia 42:19

Nâlagaᴋ oᴋarsimavoᴋ pivluse, amiakôjose Judamit: Egiptenemut ainiarase; nalonangitomik ᴋaujimatsiaritse kigligiutjivigigapse uvlome.

Jeremia 43:2

Tagva Asaria, Hosaiab erninga, Johananalo, Kareab erninga, angutillo iktoriktaitut ilûnatik oᴋarput Jeremiamut: Saglovotit, Nâlakab Gudipta tililungilâtit oᴋarᴋovlutit, Egiptenaliartuksaungilase taikane nunaᴋaromavluse;

Jeremia 44:10

Nikanarsâlungilat uvlome tikidlugo aglât, sivôrangilallônêt, arvertalungilallônêt maligaksauᴋojamne perᴋojamnelônêt pititamne sâpsingnut atâtapselo sânginut.

Jeremia 7:26

Tusaromalaungilângale, mannijilaungilallo siutimingnik, tatitojoᴋsôvulle; sugaluluartulivut atâtagijamingnit.

Hesekiel 20:11

Tunitjivilauᴋpakkalo maligaksauᴋojamnik, nelojungnaitilugillo idluarijamnik, tamakkoalo inûb piniarpagit inôjûtigilârpait.

Daniel 5:20

Omatingali angijorortitaungmat, aniningalo mangailingmat piojorivluni piniarmat, atanionimi iksivautanganit pêjartauvoᴋ, ânanauningalo aᴋsârnigarijauvoᴋ.

Hosea 6:5

Tamanna pivlugo nalautaijutigut ulimârpakka, ᴋanermalo oᴋausinginut toᴋopakka; erᴋartuinikkalo nuivut ᴋaumajotut.

Leviticus 18:5

Tamanna pivlugo ilusioᴋojakka perᴋojakkalo maligaksarivase; inûblo tamakkoninga piniartûb inôgutiginiarpait; Uvanga Nâlegauvunga.

Mattêuse 19:17

Oᴋautivâle: Sôk ajunginerarpingâ? Ajungitoᴋangilak, Gûde kissime ajungilak. Inôtsemulle iteromaguvit, perᴋojat malingniakit!

Lukase 10:28

Jêsusiblo oᴋautivâ: Kiolorikpotit, tamiailiorit, inôniarpotit tagva.

Rômiunut 10:5

Môsesib idluarneᴋ perᴋojanit pijoᴋ aglagutigigalloarpâ: inûb tamakkoninga nâlaktub inôgutiginiarpait.

Galâtsiamiunut 3:12

Perᴋojalle okpernermit pingilat; inûble tamakkoa malitsiarunigit, inôtigijomârpait.

Deuteronomy 31:21

Idluinerillo ânianerillo unuktut tikisimakpatta tâpkonunga, imgerutsit ukkua kigligiutjilârput pivlunga tâpkoa sângine, puigortaujuksaungimatta kinguvângita ᴋaninginit; ᴋaujimalerêrama mâna issumagilârtanginik taipsomane, tikiutjiᴋârtinanga tâpkoninga nunamut angerutigimarilauᴋtamnut.

Deuteronomy 31:27

Nelunginapko tapajoksônît, ᴋongaseᴋarnîllo ᴋerratajomik; ahâk, uvlome sulle inôᴋatigigapse Nâlegak tapagiᴋattarpase; imaᴋa anginersamik tokuma kingorngane taimailârpose.

Deuteronomy 4:26

ᴋilak nunalo kigligiutjingorᴋovâka ilipsingnut uvlorme tamattomane, mânakut pêjartaudlamarilârapse, nunamit, Jordan ikârdlugo, aivigijapsingnit pigijomavlugo; uvluse tagvane unuksitiniangilase, nungutaumarilârposele.

Idluarsaijut 6:10

Oᴋautilaukpapselo: Nâlegauvunga Gûdise, Amorterit nunangine nunaᴋarvigijapse Gûdingit sivoraginiarasigik. Illipselo nippiga Nâlalaungilase.