Nehemia 9:20 - Labrador Inuttitut Heritage Bible

²⁰ Annernerniglo ajunginermik tunnitsivigilaukpattit, ajoᴋertorlugit, Mânnakotitillo sangutilaungilattit ᴋaninginit; immermiglo tunnitsivigilaukpattit immeruktilûgit.

Nehemia 9:20 Iomraidhean Croise

Nehemia 9:30

Igvillo jârit unnuktut nâvlugit ᴋenuêrsârvigilaukpattit, kigligiutsivioᴋolaukpâttillo annernermut, nallautaijoᴋotingnêtomut; ilaliorlaungilâlle siutimingnut. Tamana pivlugo tunnilaukpattit inuᴋattigêksuit nunanetut agganginut.

Imgerut 105:41

ᴋairtok angmarpâ, tagva imiksuit kôlaukput tagvangat, kôgut kôlaungmatta sunaᴋajuitome pannertome.

Imgerut 143:10

Ajochertulaunga ᴋuviagijarnik pinniarᴋovlunga, Gûdigigapkit; annernerpît ajungitub tassiorlinga apᴋome manniktome.

Exodus 16:15

Israêlikullo takogamigit oᴋaudjutivut: Mânnauvut ukkoa! ᴋaujimalunginamik sunaungmangâta. Mosesiblo oᴋautivait: Tamadja ᴋakᴋôjak Nâlekab tunijanga ilipsingnut nerᴋiksaurᴋovlugo.

Exodus 16:35

Israêlikullo nerrivut Mannanik jârit 40 nâvlugit, tikkerᴋârtinagit nunamut inulingmut; nerrivut Mannanik tikkerᴋârtinagit nunab Kânaanib kiglinganut.

Exodus 16:4

Nalekab tagva Mosese oᴋautivâ: Ahâk, ᴋakᴋôjamik piksapsingnik silalurᴋojijomavunga ᴋilangmit, inuillo anijuksauvut katersoivlutiglo uvlub piksanganik ᴋaut tamât, ôktoromagapkit arvertaromamangâta perᴋojamne pijomangimangâtalônêt.

Exodus 17:3

Tagvanelo inuit ᴋêdlarput; inuillo Mosese oᴋarnerlûtivât, oᴋarlutiglo: Sôk Egiptenemit majoartipitigût, uvagut ᴋitorngavullo nergjutivullo toᴋotsomavluta ᴋêdlarnermut?

Exodus 17:6

Ahâk, nangeromavunga sângne tagvane ᴋairtub ᴋângane Hôrebeme; ᴋairtorlo anaujaksarivat, imerlo anilârpok tâpsomangat, inuit imerungnarᴋovlugit. Moseselo taimailiorpok Israêlikut angajoᴋângita takoane.

Jesaiase 48:21

Imerulungilat, imekajuitokut tassiormagit, imiksangannik ᴋorlorᴋojivoᴋ ᴋairtomit: ᴋairtoᴋ ᴋoplormago, imeᴋ ᴋorlorpoᴋ tagva.

Jesaiase 49:10

Kâgomângilat imerulugatiglo, kiangmullõnêt seᴋinermullõnêt pijaujomângilat, nâpkigijingata pairijomârmagit tassiorlugit imernut puilajunut.

Haggai 2:5

Oᴋausiᴋ inna maliklugo angirutigilauᴋtamnik ilipsinut Egiptenemit anigapsi, aninniralo akunapsingnêtsainarpoᴋ; sivôraniarasi.

Numbers 11:17

Aᴋᴋalârpungalo oᴋaᴋatigilutillo tagvane anernerublo ilingnêtûb ilanga tigulârpara pitilugolo tâpkonunga; ilagilutillo tâpkoa nangmaᴋtaulârput inugiartoᴋsuit oᴋumainarninginik, kissivitôvlutit nangmariaᴋarᴋonak tamattominga.

Johannese 4:10

Jêsusib kiovâ oᴋautivlugolo: Gûdib tunergutâ illitarilerungne, kinaungmangâllo ilingnut oᴋartok: Imertilaunga; tuksiarviginajarpat, tâpsomalo tunitjiviginajarpâtit imermik inôgutilingmik.

Johannese 4:14

Imermigle tunergusiarijaminik uvamnut imerniartok imerungniarungnairpok issoᴋangitomut; imerle tuniniartara tâpsomunga iluane puilavioniarpok imermik, inôtsemut nungusuitomut puilajomik.

Rômiunut 15:30

Kaiblarpapsele, ᴋatangutikka, Nâlegavut Jêsuse Kristuse pivlugo, Anernerublo naglingninga pivlugo, ikajoᴋatigisinga ilungertorluse tuksiarudlunga Gûdemut;

I Korintemiunut 10:3

Ilûnatiglo adsigêktomik nerᴋiksamik anernelingmik nerrilaukput;

Efêsusemiunut 5:9

Arvertaritse ᴋaumajub ᴋitorngangititut. Anernerub perortitangit tamadsa: Sunatuinarnik ajungituliniarneᴋ, idluarnerlo, mikseᴋârnerlo.

Josua 5:12

Manalo sorailaukpok, nerrivingata nunab ᴋaᴋᴋojaksanginnik uvlungata aipangane, Israelib ᴋittorngangit Mannaᴋarungnaimatta, nerrilaukpulle Kanaanib nunangata ᴋaᴋᴋojaksanginik Jaremit taipsomangât,

II Pêtrusib 1:21

Inûb issumanganut nelautainermik pijoᴋalauᴋsimatsangimat; ivsornaitulle taipkoa Gûdib inuᴋotingit oᴋalauᴋput, Anernermut ajunginermut kajungertitauvlutik.