Nehemia 9:2 - Labrador Inuttitut Heritage Bible

² Israeliblo kinguvangit avitipait takkorngartat ᴋitornganginit tamainit, nangeriartorlutiglo ajornitik, atâtagijamiglo idluitulliningit kigligiutigilugit.

Nehemia 9:2 Iomraidhean Croise

I Atannit 8:47

Omamiutarilerpatsuglo nuname parngnanairsimavigijamingne, sâlerpattalo tuksiarlutiglo illingnut, nuname parngnanairsimavigijamingne oᴋarlutiglo: Idluitullilaukpogut, tammarlauklutalo uivêtolaukpogut;

Esra 10:11

Tagva manna Nalegak atâtagijapse Gudingat kigligiksarvigisiuk, pinniarluselo namagijanganik, apterluselo nunab innuᴋattigêksoanginit, nullinillo takkorngartanit.

Esra 6:21

Israeliblo ᴋittorngangit parngnanairsimavingmit utterlauktut, illunatiglo apterlauktut nallojut ivsornarninginit tapkonunga, Nalegak Israelib Gudingat ᴋenneromavlugo, Passamik nerrivut,

Esra 9:1

Tamakkoalo tamaita namaksimangmatta angajoᴋaunerôjut tikkipânga oᴋautilungalo: Innugasaksuit Israelitit, ajochertuijullo, Levitillo aptersimavlutik ingmigolingalungilat, innuᴋattigêksoarnit nunane makkojungnartulliningit pitjutigillugit, tagva Kananiterit, Hetiterit, Feresiterit, Jebusiterit, Amoniterit, Moabiterit, Egipterit, Amoriterillo;

Esra 9:15

Nalegak, Israelib Gudinga, igvit idluarpotit, uvagut amiakogapta, annigoimavlutalo, sorlo uvlorme tamattomane illingangmat. Ahâk, nangerpogut sângne passijaksauniptingne; tamannale pivlugo nangertoᴋarungnangilak sângne.

Esra 9:2

Tapkoa panningit tigulaungmagit nulliangoᴋovlugit ingminut ernermingnullo, kinguvaillo ivsornaitut akkumavait nunat innuᴋattigêksoanginut. Angajoᴋaunerôjullo aulatsijullo aggangit idluitullinerme tamattomane sugaluluarlaukput.

Nehemia 1:6

Siutikik kamatsiarliktôk, ijikiglo uitalerlîk, Tussarᴋovlutit kivgaᴋotivit tuksiarninganik, tuksiarutigijamnik mânna sângne uvlotilûgo unnuamelo, Israelitit kivgaᴋotitit pivlugit; ᴋanorlo Israelib ᴋitorngangita idluitulliningit, pinniarlauktavut ilingnut, kigligiutigigapkit; uvangalo atâtamalo iglomioᴋatangit idluitullilaurivogut.

Nehemia 10:28

Inugasaksuillo assingit, ajoᴋertuijut, Levitillo, upkoaniglo udsertortut, imgerpaktullo, Nethinimillo, ilûnatiglo, apterlauktut inuᴋattigêksoarnit nunane Gûdib malligaksauᴋojanginut, nuliatik, ernitiglo, panitiglo ilagilugit, ilûnatik tukisijungnartut,

Nehemia 10:29

Ilauvut ᴋatangutimingnut erᴋanartunut, tikkipullo angerlutiglo angermaringnermut, agvertaromagamik Gûdib malligaksauᴋojangit malliklugit, tunnilauktangit Mosekut, Gûdib kivgaᴋotingagut, nallautsititsijomagamik, pinniaromagamiglo Nâlekab atanniotivigijipta perᴋojangit, idluarijangillo, ilûsiksauᴋojangillo tamaita malliklugit;

Nehemia 13:3

Malligaksallo mânna tussaramigit, takkorngartat ilûnaita avitipait Israelitinit.

Nehemia 13:30

Taimâglo ilaᴋarungnaitilaukpakka takkorngartanit tamainit; nallonairpakkalo ajoᴋertuijut Levitillo pinniaraksangit, attunît sullijaksanginut,

Imgerut 144:11

ᴋellulaunga piulilungalo ᴋittorngat takkorngartat agganginnit, ᴋaneᴋartut tukkeᴋangitomik oᴋartunnik, tallerpingmiglo aggaᴋartut nallâgôrlungitunnik.

Imgerut 144:7

Aggaktit ᴋotsingnermut tillikit piulilungalo; ᴋaᴋᴋitilaunga imaksoarnit, takkorngartat ᴋittorngangita agganginnit;

Salomob Okâl 28:13

Idluitullinerminik missiudjijok, tamna sulliniatsengilak; kigligiksartorle, ipperaijorlo makkoninga, tamna napᴋoarijauniarpok.

Jesaiase 2:6

Igville (Gûde), inuᴋotitit ᴋemakpattit, kangillimik illusinginik singomangmatta angakkôvlutiglo Filisterititut, takkorngartat ᴋitorngangit illagivlugit.

Jeremia 14:20

Nâlagaᴋ, kigligiksarpogut idluitoᴋsôniptingnik, atâtagilauᴋtaptalo idluitulinerilauᴋtanginik, idluitulivigilauᴋpaptigit.

Jeremia 3:13

Kissiane idluitulinitit kigligiksautigikit, Nâlagaᴋ Gude idluitulivigilaurangne, salumainîllo serᴋerautigisimavat takorngartanut napârtut tungujortat ilûnatik atâne, nâlalaungilaselo nippimnik, Nâlagaᴋ oᴋarpoᴋ.

Daniel 9:20

Oᴋartilunga, tuksiartilungalo, kigligiutjitilungalo ajornimnik inuᴋotimalo Israêlitit ajorninginik, manijitilungalo tuksiutjinimnik Nâlekab Gudima sânganut, Gudima ᴋaᴋᴋanga ivsornaitoᴋ pivlugo;

Hosea 5:7

Tâpkoa Nâlegaᴋ nelangaisârvigivât; ᴋitorngigamik takorngartarnik; mâna taᴋᴋetuinaub nungutsomârpait perᴋutitik ilagilugit.