Nehemia 9:19 - Labrador Inuttitut Heritage Bible

¹⁹ Sullele sunakajuitome ᴋemalaungilattit napᴋoatoksônit pitjutigilugo, nappajorlo nuvujaujok nulaungilak taipkonangat uvlotilûgo, tessiorlugit apᴋome, nappajorlonêt ikkomaujok unnuame, ᴋaumarlugit apᴋome ingergavigijangane.

Nehemia 9:19 Iomraidhean Croise

Nehemia 9:12

Uvloᴋarningane tessiorlaukpattit nappajome nuvujaujome, unnuaᴋarninganelo nappajome ikᴋomaujome, ᴋaumarlugit apᴋome ingerarvigijangane.

Nehemia 9:27

Tamânna pivlugo tunnilaukpattit omigijingita agganginut, kappiasuktitsiᴋovlugit tapᴋoninga. Kappiasungnimiglo nalliuningane nipliarlaukput ilingnut; igvillo tussarlaukpattit ᴋilangmit, napᴋoarosuktoksônernullo piuliklertunik tunnitsivigilaukpâttit, piuliklertunik tapᴋoninga omigijingita agganginit.

Nehemia 9:31

Napᴋoarosuktoksônît malliklugo nungumaritaililaukpattit, ᴋemalaungilattillonêt; Gûdeôgavit saimarviᴋarosuktok, napᴋoarosuktorlo.

Imgerut 106:45

Erᴋaumalaukporlo pivlugit angersimanerminik, ᴋaᴋᴋialerporlo pitsiartoksônine malliklugo.

Imgerut 136:16

Inukotiminik tassiornilauktok sunaᴋajuitokut; pitsiarninga îtsainarmat issoᴋangitomut.

Exodus 40:36

Nuvujjarlo ᴋangatarangat tupiub ᴋânganit, Israêlikut sivumuarput ingerganingine tamât.

Exodus 40:38

Nâlekab nuvujanga tupiub ᴋânganêngmat uvlôtilugo, ikomalo ᴋânganêngmat unuarme, Israêlikut ilûnnatik takoane, ingerganingat ilûnât nâvlugo.

Jesaiase 44:21

Tamattominga erᴋailerit, Jâko Israêlelo, kivgarigapkit. Uvanga pingortipagit kivgaulerᴋovlutit uvamnut; Israêle, puigorniarnanga!

Jeremiab Ogguarutigijangit 3:22

Nâlekab nâpkiningningit pingmatta keta nungutaumarilungilagut, ilapsugosungningit sorairlungimatta.

Hesekiel 20:14

Piniarpungale attera issumagivlugo, tâmna ivsornaijungnaititauᴋonago inôᴋatigêksuit aularutjivigilauᴋtama tâpkoninga sângine.

Hesekiel 20:17

Ijimale anajagivait asserortauᴋonagit, nungujomangilakkalônêt sunaᴋajuitome.

Hesekiel 20:22

Aggakkale isângajungnaitipakka, piniarpungalo attera issumagivlugo, tâmna oᴋarnerlutigijauᴋonago inôᴋatigêksuit aularutjivigilauᴋtama tâpkoninga sângine.

Daniel 9:18

Gudiga, siutît manilauruk tusarlutillo; ijikik uitikik, takolutillo assirotaumaniptingnik iglugasaksoarniglo attinut taijaumajunik; ᴋinuniptingnik ᴋaitsigapta sângnut idluarnivut pivlugo-ungitoᴋ nâpkigosungnilli angijoᴋsoaᴋ maliklugo.

Daniel 9:9

Nâlekab Gudipta nâpkiningniᴋ issumagijungnainingnilo pigivâk; uvagulli tâpsomunga oᴋautsarêdlarpogut;

Mâlaki 3:6

Uvanga Nâlegaᴋ soᴋosijuigama; taimaimat ilipse Jâkob ᴋitorngangit nungutaungilase.

Numbers 14:14

Tâpkoalo unipkautigilârpât nunab tamattoma inunginut, tusaumajunut igvit Nâlegaᴋ inuit ukkoa akornganêgavit; igvit Nâlegaᴋ takojaugavit kênarmit kênarmut, nuvujaᴋotivillo ᴋolangiarpait, igvit sivorlerpatit nuvujakut napajokut uvlôtilugo, ikomakullo napajokut unnuarme.

Deuteronomy 8:2

Erᴋaijuksauvotillo apᴋomik ilûnânik Nâlekab Gûdivît tesiorvigijanganik ilingnik jârit makkoa 40 nâvlugit sunaᴋajuitome, nikanarsârtitsomavlutit ôktoromavlutillo, ᴋaujijomavlune sunamik ômamiutaᴋarmangârpit, perᴋojat malingniarmangângne malingniangimangângnelônêt.

I Samuel 12:22

Nalekable innuᴋotine ᴋemmalungilait, attine angijoksoak pivlugo; Nalegak pigiarlaungmat illipse innuᴋotingortiluse ingminut.