Nehemia 9:15 - Labrador Inuttitut Heritage Bible

¹⁵ ᴋakᴋojamiglo ᴋilangmit tunnitsivigilaukpattit kâktilûgit, immermiglo anniᴋojilaukpotit tapᴋonunga ᴋairtomit immerulauktilûgit; oᴋarvigivattillo aijuksaungmatta nuna nangmineliutilugo, aggangnik issajutigilauktat kôngmut, tunnijomavlugo tapᴋonunga.

Nehemia 9:15 Iomraidhean Croise

Genesis 14:22

Abrable Sodomab attaninga oᴋautivâ: Aggakka issakpakka ᴋongmut Nâlekamut Gûdemut ᴋotsingnerôjomut, ᴋilangmiglo nunamiglo perᴋutetalingmut,

Nehemia 9:20

Annernerniglo ajunginermik tunnitsivigilaukpattit, ajoᴋertorlugit, Mânnakotitillo sangutilaungilattit ᴋaninginit; immermiglo tunnitsivigilaukpattit immeruktilûgit.

Imgerut 114:8

ᴋairtomik ablatsângortitsijub tatsermut immilingmut, ujarᴋamiglo immektarvingnut.

Exodus 16:4

Nalekab tagva Mosese oᴋautivâ: Ahâk, ᴋakᴋôjamik piksapsingnik silalurᴋojijomavunga ᴋilangmit, inuillo anijuksauvut katersoivlutiglo uvlub piksanganik ᴋaut tamât, ôktoromagapkit arvertaromamangâta perᴋojamne pijomangimangâtalônêt.

Exodus 17:3

Tagvanelo inuit ᴋêdlarput; inuillo Mosese oᴋarnerlûtivât, oᴋarlutiglo: Sôk Egiptenemit majoartipitigût, uvagut ᴋitorngavullo nergjutivullo toᴋotsomavluta ᴋêdlarnermut?

Exodus 17:6

Ahâk, nangeromavunga sângne tagvane ᴋairtub ᴋângane Hôrebeme; ᴋairtorlo anaujaksarivat, imerlo anilârpok tâpsomangat, inuit imerungnarᴋovlugit. Moseselo taimailiorpok Israêlikut angajoᴋângita takoane.

Exodus 6:8

Itertitsomavapselo nunamut isagutigijamnut (angerama) tunijomavlugo Abrahamut Isaamullo Jakomullo; ilipsingnut tamanna tunijomârpara perᴋutautilugo ilipsingnut, uvanga Nâlegaujunga.

Jesaiase 48:21

Imerulungilat, imekajuitokut tassiormagit, imiksangannik ᴋorlorᴋojivoᴋ ᴋairtomit: ᴋairtoᴋ ᴋoplormago, imeᴋ ᴋorlorpoᴋ tagva.

Jeremia 32:23

Tikipâllo pigilugolo; nippîlle nâlangilât, arvertalungilallônêt maligaksauᴋojarne; tamaita perᴋolauᴋtatit tâpkonunga piniaraksauᴋovlugit pinialungilait; tamanna pivlugo idluitoᴋ manna ilûnât tikitipat tâpkonunga;

Hesekiel 20:15

Aggakkalo isângatilauᴋpakka tâpkonunga sunaᴋajuitome, tikiutijomanginapkit nunamut tunijamnut tâpkonunga, kôᴋartomut imungmik igupsaujârtullo orᴋsuanik, nunanit tamainit pionerpaujomut;

Numbers 14:30

Tikituksaungilase nunamut angerutigilauᴋtamnut, aggakka issângatilugit, nunaᴋutautitsomavlugo ilipsingnut, Kâle, Jefunib erninga, Josualo, Nunib erninga, kissimik.

Deuteronomy 1:21

Ahâk, Nâlekab Gûdivit nuna angmarpâ sivunerne; takpaungarit piginiarlugolo, sorlo Nâlekab atâtagijavit Gûdingata oᴋautingmatit; sivôraniarnak kapiasudlarniarnaglo.

Deuteronomy 1:8

Ahâk, nuna angmarpara ilipsingnut; tagvungarluse pigilersiuk nuna angerutigilauᴋtara atâtapsingnut, Abrahamut, Isaarmullo, Jakomullo, tunijomavlugo tâpkonunga kinguvânginullo kinguningine inôjunut.

Deuteronomy 8:3

Manigotitilauᴋpâtillo, kâktilutillo, nerritilauᴋpâtillo mannamik ilitaringitarnik, atâtavillônêt ilitaringitanganik; nelojungnaititsomavlutit inûb ᴋaᴋᴋôjatuinaᴋ inôtigingimago, Nâlekable oᴋausingit tamaita, ᴋaninganit anijut, inôtigingmagit.