Nehemia 9:11 - Labrador Inuttitut Heritage Bible

¹¹ Immarbiglo avilaukpet sivurngane, immarbik ᴋerᴋagôrvigilugo ipteriliktokut piᴋovlugit, unangmijingillo ittijomut egilaukpattit, sôrlo ujarak egitauvangmat immaksoarmut;

Nehemia 9:11 Iomraidhean Croise

Imgerut 66:6

Tâpsoma imarbik ablatsangortipâ ipterilingajomut; kôksoakut pissuklutik pivut; tamanna ᴋuviasutigivavut tâpsomane.

Imgerut 78:13

Imarbik avikpâ pissuᴋolugillo tagvûna, imaklo ᴋaᴋᴋârulaktitun îtipâ.

Exodus 14:14

Nâlegak sorsulârmat pivluse, ilipselo nippangerniarpose.

Exodus 14:25

ᴋamutingillo aksaloalît aksaloangejarlugit, pêtorᴋovlugit: Egiptenemiut oᴋarᴋovlugit: Israêlikunit ᴋemâlerta, Nâlekab sorsugutigingmagit Egiptenemiunut.

Exodus 14:29

Israêlikulle ingergavut panertokut imarbiub ᴋerᴋagut; imaksuillo avalugivait talerpiata tungâgut saumiatalo tungâgut.

Jeremia 32:20

Nalunaikutanik tatamnartuniglo pititsilauᴋtotit nuname Egipteneme uvloᴋ tamanna tikidlugo, Israêleme tâpkoalo assingita akorngane; tusaumajautilutillo sorlo uvlome;

I Korintemiunut 10:1

Erᴋaititsomavapsele ᴋatangutikka, atâtagijavut ilûnatik nuvujab atânêlaungmatta, ilûnatiglo imakut pissulaukput;

Ebrêerinut 11:29

Okpernermut taipkoa imarbik aupaluktaᴋ apᴋotigivât, sorlo nunakut panertokut ingergavlutik; Egiptenemiuttauᴋ ôktorpât, ipidlarlutiglo.

Takotitaunermik 18:21

Engelelo sôngojoksoak ujaraksoarmik serᴋalitsiviub ujaraktangatut kiviksilarmelo imarbingmut egitsivok oᴋarlunelo: Taimak tagvainak erinesârdlugit Babilône iglugasaksuit angijut egitauniarput nagvârtaujungnainiarlutik.