Nehemia 9:10 - Labrador Inuttitut Heritage Bible

¹⁰ Nallonaiᴋuteᴋartitsilaukpotit tattamnartullilutillo Faraome, kivgaᴋotinginelo ilûnaine, nunangatalo inugasaksoangine ilûnaine; igvit illitarksilauravit perajarlugvigingmagit; ateᴋartilaukpotillo sôrlo uvlome îmat.

Nehemia 9:10 Iomraidhean Croise

Nehemia 9:16

Atâtagijavulle piojorilerlaukput, tappatolerlutiglo, Nâlelugatiglo perᴋojarnik.

Nehemia 9:29

Kigligiudsivioᴋolaukpattillo sâlertuksaungmatta Malligaksauᴋojarnut. Piojorilerlaukpulle, Nâlelaungilaillo perᴋojattit, idluitullilutiglo idluarijattit akkerartorlugit, (tapᴋoale inuit nalliata pinniarpagit inôgutigivlugit pingmagit) tuitiglo sangutipait, tappatolerlutiglo, Nâlengnatiglo.

Imgerut 83:18

Tagva illitarksiniarput, igvit attikkut atserartaumagavit Nâlegaujotôjomik, ᴋotsingnerpâmiglo, sillaksoarme illûnane.

Exodus 18:11

Mânna nalojungnairpunga Nâlegak anginersaungmat Gûdinit tamainit; pingijairᴋsârningine tâpsoma alliutivait.

Exodus 3:20

Kisianele aggakka isaklugit Egipteneme sugiaromârpara tatamnartunut sunatuinarnut piniaromârtamnut akorngane. Kingorngagullo aularᴋojomârpâse.

Exodus 5:2

Faraub kiovak: Nâlegak taimna kinauvâ, nipinga nâlagaksarigapko Israêlikut aularᴋojaksarivlugit? Nâlegak taimna nalovara, Israêlikullo aularᴋoniatsangilakka.

Exodus 7:1

Nalegak oᴋarpok Mosesemut: Ahâk, Faraomut Gûdetut-itipagit, Aronelo angajuit oᴋartigijaksarivat.

Exodus 9:16

Tamanna pivlugole inûlivagit, pitsartunera takuksautitsomavlugo ilingnut, ateralo oᴋautigijaurᴋovlugo nuname ilûnâne.

Jesaiase 42:20

Unuktut takogalloarlugit erᴋaumalungilattit, siutîkik angmaralloartillugik tussalungilatit.

Jesaiase 63:12

(Nanẽᴋâ) Môsesib tallerpiagut ingergatitsijoᴋ tallerminik nertornadlartomik, imaᴋsoarnik aviksijoᴋ taipkoa sânganne, erᴋaumanaromavlune issoᴋangitomut?

Jesaiase 63:14

Sôrlo nergjutit naternamut attersârmatta, taimak Nâlekab anerningata inilangaviᴋartipait. Taimak inuᴋotitit tassiorpattit, opinartoᴋsôjotut erᴋaumanaromavlutit.

Jeremia 32:20

Nalunaikutanik tatamnartuniglo pititsilauᴋtotit nuname Egipteneme uvloᴋ tamanna tikidlugo, Israêleme tâpkoalo assingita akorngane; tusaumajautilutillo sorlo uvlome;

Hesekiel 20:9

Piniarpungale attera issumagivlugo, tâmna ivsornaijungnaititauᴋonago inôᴋatigêksuit, tâpkoa najortangita, takoane, tâpkoa takoane ᴋaujijautilaurama uvamnik tâpkonunga anitilaurapkit nunamit Egiptenemit.

Daniel 4:37

Mânalo uvanga Nebukadnezar ᴋilaub ataninga nitorpara angijôtilugolo opigilugolo; tâpsoma piniarningit ilûnamatsiatik miksiᴋârtôngmatta, apᴋotingillo idluartoᴋsôngmatta; piojorinimilo arvitartut tâpsoma miklilititsungnarpait.

Daniel 5:23

Angijorortipotilli ᴋilaub Nâliganganut; tâpsomalo iglungata ᴋajûtangit sângnut âtauvut, igvillo nâligarijatillo nuliatillo panervgatillo vainitorposi tâpkonangat, nitordlipotillo gudingoarnik silbirimit, goldimillo, ᴋaᴋorlimit, kikiangmillo, ᴋijungmit, ujarᴋanillo sinamajunik, tautulungitunik, tusângituniglo, ᴋaujimangituniglo; Gudelo, aggangmini anininik apᴋotigijarniglo piᴋartoᴋ, nitulungilat;

Daniel 9:15

Mânalo, Nâlegaᴋ Gudivut, inuᴋotitit aularutivatit nunamit Egiptenimit aggangnut pitsartudlartunut, tusaumajaujungortilutillo sorlo uvlomi ingmat; uvagut idluitulidlarpogut nâmangitulivlutalo.

Apostelit Piniarningit 7:36

Tâpsoma aulartipait, piniarlunelo tatamnartunik nalunaikutaniglo Egipteneme, imarbingmelo aupaluktame, inuᴋajuitomelo jârit 40 it nâvlugit.

Rômiunut 9:17

Aglait Faraomut imailingmatta: Tamanna pivlugo inûlivagit, pitsartunera takuksautitsomavlugo ilingnut, atteralo oᴋautigijauᴋovlugo nuname ilûnâne.

Deuteronomy 4:34

Gûdelônêt tigusinasualauᴋsimavâ inôᴋatigêksoarnik nangminerijomajaminik inôᴋatigêksuit tâpkoa assingita akornganit, ôktornernut, nelunaikutanut, tatamnartulinernut, unatarnermut, aggangnut pitsartudlartunut, tallermullo issamijomut, kapianartovaksoarnullo, sorlo Nâlekab Gûdipse piniulaungmase Egipteneme ijipse sânginê?

Deuteronomy 7:19

Oktornerit angijut ijivît takojangit, nelunaikutallo, tatamnartullo, aggaillo pitsartujut, tallerlo issamijok, Nâlekab Gûdivît anititsijutigilauᴋtangit ilingnik; inôᴋatigêksuit erᴋsigijatit tamaita Nâlekab Gûdivît taimailiorvigijomârivait.

I Pêtrusib 5:5

Taimaktauᴋ ilipse inôsuktôjose inutoᴋaujut nâleksigik. Ilûnase nâlektigêgitse, piojorijuinermik ataruilititse. Pimariutertut Gûdib akkerartormagit, piojorijuitulle nâpkigivait.