Nehemia 9:1 - Labrador Inuttitut Heritage Bible

¹ Takᴋib tapsoma uvlungita 24 ingane Israelib ᴋitorngangit katimalerput, nerritaililutik, pôksaijamiglo (silliktunik illerksalingnik) attisimavlutik, ivjolijarlutiglo niaᴋomik ᴋângine.

Nehemia 9:1 Iomraidhean Croise

II Samuel 1:2

Ahâk, tagva uvluk pingajuangne angut Saulib sorsuᴋattigêksoaᴋotinginit tikkilerpok, annoraᴋarlune alliksimajunik, ivjoᴋalunelo niaᴋomine. Davidemullo tikkiname pamakterpok nunamut, opigosuklunelo.

II Kronika 20:3

Tagva Josafate sivuravok, kênanelo torartipa Nalegak ᴋenneromavlugo, nerritailineᴋarᴋojivorlo Judakune illunaine.

II Kronika 7:10

Taᴋᴋillo 7 ingata uvlungita 23 gingane innugasaksuit angerarᴋovait iglunginut ᴋuviasuktillugit maksoatillugillo, ajungitut tamaita pivlugit Nalekab saᴋᴋertilauktangit Davidemut Salomomullo, innuᴋotiminullo Israelitinut.

Esra 8:21

Tagvanelo kôngme Ahevametome nerritailinek akpautigijauᴋovara, nikkanarsarluta Gudipta sângane piᴋovluta, ᴋennerluta tapsomangat apᴋomik tammarnangitomik uvaptingnut ᴋittorngaptingnullo, perᴋutiptingnullo tamainut.

Esra 8:23

Taimaglo nerritaililaukpogut ᴋennuarivavullo tamanna Gudiptingnit; tapsomalo tussarpâtigut.

Nehemia 8:2

Esrablo ajoᴋertuijub perᴋojat âpait ilagêt, angutit arnallo ilûnatiglo tussarungnartut tapᴋoninga sânginut, takkit 7 ingata uvlungita sivurlingane,

Ester 4:16

Ailerit Jûdillo Susanemêtut ilûnaita katterᴋokit nerritailijutigissingalo, nerriᴋonase immerᴋonaselo uvlune pingasune, uvlotillugolonêt unnuarmelonêt; uvanga uigasukotikkalo, nerritailijomavoguttauk taimâk. Taimâglo atannermut itteromavunga, perᴋojak akkerartorlugo; tokᴋotauniaruma, tagva tokᴋotauvunga.

Ester 4:3

Nunanelo tamaine atanniub oᴋausingita perᴋojangitalo tikkivingine ârusutiksaᴋadlalerpok nerritailineᴋalarmelo, kiksadlarneᴋalunelo Jûdit akkorngane; unuktullo nellâvut pôksaijame arksamelo.

Hiobe 2:12

ᴋaningitomillo takkosaramik, illitaringilât, nippitiglo annipât ᴋêalutiglo; attunnillo annorâtik allikpait egitsilutiglo saningnik niaᴋomingnut ᴋongmuartilugit ᴋillangmut;

Jesaiase 22:12

Nalliutomelo taipsomane Nâlegaᴋ, ᴋilangmiugasaksuit Nâlegangat ᴋearᴋojijomârpoᴋ ogguarᴋojivlunelo, sallimajoᴋarᴋojijomârpoᴋ pôksajaniglo annorâᴋartoᴋarᴋojivlune.

Joel 2:12

Sullele, sulle, oᴋarpoᴋ Nâlegaᴋ, sâgiaritse uvamnut ômamut tamânut, nerritailivluse, ᴋeavluselo, kiksarluselo;

Leviticus 23:34

Israêlib ᴋitorngangit oᴋarvigikit, oᴋarlutit: Takᴋit seveningata uvlungita 15ingane uvloksiorvik tupeᴋarvingmik akkerᴋunik milukatalingnik naliutivok uvlut sevenit tuglerêklutik Nâlekamut.

Leviticus 23:39

Taimâktauk takᴋit seveningata uvlungita 15ingane, ᴋematuliutjijarêrupse nunab perutsianginik, Nâlekab uvloksiorvioᴋojanga uvloksioraksarivase uvlunik sevenenik; uvlut tâpkoa sivorlerpângat merngoerserviksaudlarpok kuksasungnartok, uvlullo tâpkoa 8ingat merngoerserviksaudlarpok kuksasungnartok.

Josua 7:6

Josuab annorâne alliktorpait pamakterlunelo kênaminik pûlune nunamut Nalekab iklervingata sânganut, unnuk tikkidlugo Israelitit angajoᴋangit illagilugit, sannillo egipait niaᴋomingnut.

Takotitaunermik 11:3

Uvamniglo kigligiutsijûk maggûk tunitsivigijomavakka, nelautainiarᴋovlugik uvlut 1,260 it nâvlugit, pôksajanik atisimavlutik.

Idluarsaijut 20:26

Tagva Israelib ᴋitorngangit ilûnatik, inugasaksuillo ilûnatik takpaungarput, ᴋailutiglo Gûdib iglunganut, kugviorlutiglo, uvlilutiglo tagvane Nâlekab sângane, nerrinatiglo uvlorme taipsomane, unnuk tikkilugo, tunnijilutiglo tunnergutinik ikkoalajaksanik, tunnergutiniglo ᴋujalijutiksanik Nâlekab sângane.

I Samuel 4:12

Tagva Benjaminekut illangat sorsuktoᴋattigêksoarnit akpangerpok, tikkilunelo Silomut uvlome taipsomane, annorânelo alliktorlaukpait, ivjorlo katterarsimavlugo niaᴋominut.

I Samuel 7:6

Tikkilutiglo kattimalerput Mizpame, immermiglo ᴋallusivut, kovilâllo Nalekab sânganut, nerritaililutiglo uvlorme taipsomane, oᴋarlutiglo: Nalegak idluitullivigilaukpavut. Taimak Samuelib Israelib ᴋittorngangit idluarsarpait Mizpame.