Nehemia 8:3 - Labrador Inuttitut Heritage Bible

³ Attuarpaillo apᴋosinerme silliktome immiub itterviksoangata sânganêtome, uvlarârsungmit uvlub ᴋetterarninga tikkidlugo. Inugasaksuillo siutingit ilûnatik torarput aglanut perᴋojaktalingnut.

Nehemia 8:3 Iomraidhean Croise

Nehemia 10:29

Ilauvut ᴋatangutimingnut erᴋanartunut, tikkipullo angerlutiglo angermaringnermut, agvertaromagamik Gûdib malligaksauᴋojangit malliklugit, tunnilauktangit Mosekut, Gûdib kivgaᴋotingagut, nallautsititsijomagamik, pinniaromagamiglo Nâlekab atanniotivigijipta perᴋojangit, idluarijangillo, ilûsiksauᴋojangillo tamaita malliklugit;

Nehemia 13:1

Nalliutomelo taipsomane Mosesib aglangit attuartaulaukput inugasaksuit siutingita sângine; nachvârtauvorlo tapᴋonane aglaksimangmat, Amoniterit Moabiterillo Gûdib illagêktoᴋotinginut pijuksautsengimatta;

Nehemia 8:1

Takᴋillo 7ingat mânna tikkilermat, Israeliblo ᴋitorngangit iglugasaksoaᴋotimingnêmatta, inugasaksuit ilûêngarlutik katimalerput angutetut attautsetut sôrlo, apᴋosinerme silliktome immiub itterviksoangata sângane, oᴋarlutiglo Esramut, aglanik ilisimajomut, aiklerᴋovlugo Mosesib aglanginik perᴋojaktalingnik, Nâlekab Perᴋolauktanginik Israelitinut.

Nehemia 8:18

Gûdiblo aglangit perᴋojaktaggit attuartauvut uvlut tamaita, uvlut sivurlerpânganit kingorlerpâk tikkilugo; uvloksiorviglo attorpât uvlut 7 it nâlugit; uvlullo 8 ingane uvloksiorviub katimaniksanga, sôrlo pijuksaungmat.

Nehemia 8:4

Esralo aglanik ilisimajok nangerpok iᴋovrangme ᴋejungôjome, sanalauktangane tamânna pivlugo. Sanianelo nangerput: Matitja, Semalo, Anajalo, Urialo, Hilkialo, Maesealo, tallerpiane; saumianelo, Pedaja, Misaelo, Malchjalo, Hasumelo, Hasbadanalo, Sacharjalo, Mesullamelo.

Nehemia 8:5

Esrablo aglait kopperpait inugasaksuit ilûnâmasiatik takkoane, nuitangmat inugasaksoarnit tamainit; koppermagillo inugasaksuit ilûnâmasiatik nikᴋovilerput.

Markuse 12:37

Nâlekaminik Dâvidib taigamiuk; ᴋanoᴋ ernerivaûk? Inugasaksuillo tussarneridlarpât.

Lukase 19:48

Nagvârnagolo ᴋanok ilijarianga, inuit ilûnatik ungagidlalâllo tussaromadlarmatsuk.

Lukase 8:18

Tamanna pivlugo tussartase tussâtsiarsigik. Peᴋartok tunitjivioniarpok; peᴋangitorle aᴋsârtauniarpok piginasugijanganik.

Apostelit Piniarningit 13:15

Perᴋojat nalautaijullo atuarêramigit katimavingme angajoᴋaujut oᴋautjaujartorᴋovait: Katangutigêt, sumik oᴋaromagupse inungnut, kaiblaromavlugit, tâva oᴋaritse.

Apostelit Piniarningit 13:27

Jerusalemêtut angajoᴋângitalo ilitaringinamigit Jêsuse nalautaijullônêt oᴋausingit, atortauvaktut Sabbatine tamaine, toᴋotaksangortipât, nâmaksitilugit taipkoa oᴋausingit.

Apostelit Piniarningit 15:21

Itsaksoarnit Môsesib oᴋausinginik oᴋautjijoᴋarmat iglugasaksoarne tamaine, Sabbatinelo tamaine atuarpait katimavingne.

Apostelit Piniarningit 16:14

Arnarlo Gûdemik opigosuktok, Lîdiamik atilik, niuverte aupaluktanik (annorânik), Tiatîramiut iglugasaksoanginit pijok, nâletsiarpok; tâpsoma ômatâ Nâlekab angmarpâ, Paulusib oᴋausingit kamagitsiarlugit.

Apostelit Piniarningit 17:11

Tâpkoa ajunginerojut Tessalônikamiunit; oᴋautsillo ilaliorpait ᴋunutuidlutik, uvlullo tamaita atuarpait ᴋenerdlutik taimaingmangâta (Paulusib oᴋausingititut).

Apostelit Piniarningit 20:11

Ama majorarlune ᴋakᴋôjak avgorpâ nerrilarmelo, oᴋâlavigivaillo ama akunit uvlub ᴋaulerninga tikidlugo. Taimaiᴋardlune aularpok.

Apostelit Piniarningit 20:7

Vogible uvlungita sivorlerpângane ilinniartut katimalermatta ᴋaᴋᴋôjaᴋ avgorlugo, Paulusib oᴋâlavigivait, aᴋagotsomagame; sorairane oᴋâlavoᴋ unnuab ᴋeterarninga tikidlugo.

Apostelit Piniarningit 28:23

Uvlormiglo taingmatsuk, (naliutingmat) unuktut pulârpât siniktarviane; tâpkoninga ajoᴋertuivlune oᴋâlavok Gûdib nâlegauvianik, ajoᴋertorlugillo Jêsusemik, Môsesib perᴋojanginit nalautaijunillo, uvlâmit unnungmut.

Deuteronomy 31:9

Mosesiblo perᴋojat makkoa aglakpait tunilugillo ajuᴋertuijunut Levib erninginut, Nâlekab iklervinganik kigligiutjineᴋtalingmik akigartunut, Israêlekullo angajoᴋânginut tamainut.

I Tessalônikamiunut 2:13

Tamanna pivlugo uvaguttauᴋ sorairata Gûde ᴋujagivavut: Gûdib oᴋausinginik tussartapsingnik uvaptingnut ajoᴋertortaugapse, tamakkoa illaliulaurapsigik inûb oᴋausingititu-ungitoᴋ, Gûdible oᴋausingititut; sorlo mikseᴋârtôngmatta, pitsartujoᴋsôvlutiglo ilupsingne, ilipse okpertose.

Josua 8:35

Oᴋauseᴋalaungilak attautsemiglonêt perᴋojaulauktomik Mosesemut, Josuab ᴋaigarsuktauᴋolaungitanganik illagektut Israelitit illunatik takkoane arnallo sorrutsillo tujormijallo, agvertartut tapkoa akkorngane takkoane.

Takotitaunermik 2:29

Siutiliub tussarligit Anernerub oᴋausingit illagênut.

Takotitaunermik 3:22

Siutiliub tussarligit Anernerub oᴋausingit illagênut!