Nehemia 8:10 - Labrador Inuttitut Heritage Bible

¹⁰ Tamânna pivlugo oᴋautivait: Aileritse nerriluselo orksulingmik, immerluselo mamaktomik; pajungniluselo aitusiamik âᴋiksoilaungitunut ingmingnut; uvlok tamânna ivsornaitôngmat Nâlegaptingnut; tamânna pivlugo issumajarniarase, ᴋuviasungnek Nâlekamik pitsartutigigapsiuk.

Nehemia 8:10 Iomraidhean Croise

I Atannit 8:66

Uvlullo 8 ingane inugasaksuit aularᴋovait. Tapᴋoalo atannek saimartipat, ailutiglo tuppermingnut, ᴋuviasuklutik maksoalutiglo ajungitut tamaita Nâlekab pinniarlauktangit kivgaminut Davidemut, inuᴋotiminullo Israelitinut pivlugit.

I Kronika 16:27

Ananauneᴋarpok, pinarnarneᴋarlarmelo tapsoma sângane, tattamnadlartuniglo ᴋuvianadlartuniglo illuseᴋarpok tapsoma inningane.

Nehemia 8:11

Levitillo inugasaksuit saimarsarpait, oᴋarlutiglo: Imangeritse, uvlok tamânna ivsornaitongmat, issumajarniarase.

Nehemia 8:12

Inugasaksuillo ilûnatik aivut nerrijomavlutik, immeromavlutiglo, pajungnigomavlutiglo aitusianik, ᴋuviasungneᴋartitsilarmiglo angijomik; oᴋautsit tukkisilauramigit, oᴋautigijaulauktut tapᴋonunga.

Ester 9:19

Tamanna pivlugo Jûdit iglugasengne iglugaseksoarnelo avaluksoakangitune nunaᴋartut, takᴋib Adarib uvlungita 14 ingat uvlungortipât nerrimartitsinermut ᴋuviasungnermullo uvloksiorvingmullo, pajuktigêngnermullo aitûsianik illingajomut.

Ester 9:22

Uvluktitut Jûdit ullapirsautiksarsivingititut omigijimingnit, takᴋertullo kappiasungningita ablatsângortitauvingatut ᴋuviasungnermut, kiksarningitalo ablatsangortitauvingatut uvlunut ajungitunut; uvlûk tapkoa uvloksioraksaringmattikik uvlûktitut nerrimârtitsinermut ᴋuviasungnermullo pajuktigêngnermullo aitûsianik pajungningnermullo aklujunut illingajûktut.

Imgerut 149:2

Israelitit sannajigilauktatik ᴋuviagilitsuk; Zionib ᴋittorngangita attannitik serrigilitsuk.

Imgerut 89:17

Igvit pitsartuningata nertornarutigingmattit, saimaveᴋarnernullo naksuvut ᴋongmuartiniarpet.

Salomob Okâl 17:22

Omat serrijok ᴋautsiaᴋartitsivok; annerneᴋarnerle mungungajomik saunernik pannertitsivok.

Okaluktok 11:2

Aitortuilerit 7 inut, 8 inullo; ᴋaujimanginavit ᴋanoêtut nelliat tikkiniarmangât nunamut.

Okaluktok 2:24

Nâmanersaungilak mânna inungmut, nerrilune immerlunelo, tarninelo ᴋuviasukolugo suliaksamine? Tamannale takkolaurivara Gûdib agganginnit pingmat.

Okaluktok 3:13

Amalole, inuit nelliat nerrijok imertorlo, maksoalunelo pijok sulijaksamine tamaine, tamana tunnergusiangovok Gûdemit.

Okaluktok 5:18

Tagva mânna tamanna takkolugo nâmagivara, ânanaungmat, inuk nerrigune, immerlunelo maksoalunelo sulijamine tamaine, pinniartamine sekᴋerngûb atâne, inôsekivingmine, Gûdib tunnijangane tâpsomunga; tamanna illangiusiarigamiuk.

Okaluktok 9:7

Tagva ailerit nerrilutillo nerᴋiksarnik ᴋuviasuklutit, Weiniksallo immeruk maksoavlutit; Gûdib piniarnît ᴋuviagingmago.

Imgerusersoak 5:1

ᴋaivunga najâk nulliaksâklo, perorsêviᴋotimnut. Mirreᴋotikka, tauvluᴋutiksaᴋotikka illagallugit nappilaukpakka; orksuᴋotimalo ingninga, igupsaujârtunit orksuᴋotiga illagallugo nerrilaukpara, Weineᴋotigalo immuᴋotiga illagallugo immilaukpara. Nerrileritse nagligijakka, immerluselo illanârijakka nâmaksilerluselo.

Jesaiase 49:5

Mãnalo oᴋarpoᴋ Nâlegaᴋ nutaraunimnit pijoᴋ uvamnik kivgarijomavlunga, Jâkokkunik sâgiartitserᴋovlugo tâpsomunga, Israêlitillo kattersortaurᴋovlugit — taimaidlungalo nertornarpunga Nâlekab sângane, Gûdigalo pitsartutigivara —

Jesaiase 61:10

Nâlekame ᴋuviasukpunga, tarnigalo serrivoᴋ Gûdimne, annorârmanga piulijaunermik, attitingmangalo idluarsinermik ulliksoatut, sôrlo uiksaᴋ (illingangmat) ânanâmik niaᴋôsertoᴋ ajoᴋertuijotut, sôrlo nulliaksaᴋ (illingangmat) ânanausijutiksaminik attimajoᴋ.

Joel 2:23

Taimaimat ᴋuviasudlaritse, ilipse Zionib ᴋitorngangit, serigitselo Nâlekame Gudipsingne; tâpsoma tunitjivigingmase silalungmik sivorliojomik nâmaktomik, pivluse silaluk kovivâ, silaluk sivorleᴋ silaluglo kingorleᴋ, taᴋᴋerme sivorlerpaujome.

Saggaria 14:21

Ilâ, ukkusit ilûnatik Jerusalemêtut Judamêtullo ivsornaituksauvut Nâlekamut Zebaotemut; ilûnatiglo tunergusijartut tigusivigilârpait igavigilugillo; uvlorme tâpsomane Kanaanemioᴋarungnairomârpok Nâlekab Zebaotib iglungane.

Lukase 11:41

Ahâk, perᴋutipsingnit tunijiniaritse (Aklujunut), ilûnatik sujungaijutiksauniarput tagva ilipsingnut.

II Korintemiunut 8:2

Oktortauleramik kappianartunut unuktunut, angijomik ᴋuviasukput. Akludlaralloarlutik tunijivut unuktunik issumalingasuerdlutik.

Filippimiunut 3:4

Nertôtijungnaralloartungatauᴋ uvamnik uvinipkut. Assimnik uviningmigut tatteᴋarasugijoᴋarpat nangminerminik, peᴋaluarajarpunga uvanga.

Takotitaunermik 11:10

Nunamelo nunaᴋartut ᴋuviasûtigijomârpakit serrilutiglo, tunergutiniglo tujortigêgomârput kigligiutsijûk tâpkoa maggûk kappiasuktilaungmatikik nuname nunaᴋartut.

I Samuel 25:8

Innuosuᴋotitit apperikit tamanna pivlugo, tapkoa oᴋautiniarpâtit; innuosuktullo ukkoa saimaneksilit ijikpit sângangne, tikkisimagapta uvlorme idluartome. Kivgatit ernîllo Davide tunnitsivigikit aggakpit nachvarungnartanginik.