Nehemia 8:1 - Labrador Inuttitut Heritage Bible

¹ Takᴋillo 7ingat mânna tikkilermat, Israeliblo ᴋitorngangit iglugasaksoaᴋotimingnêmatta, inugasaksuit ilûêngarlutik katimalerput angutetut attautsetut sôrlo, apᴋosinerme silliktome immiub itterviksoangata sângane, oᴋarlutiglo Esramut, aglanik ilisimajomut, aiklerᴋovlugo Mosesib aglanginik perᴋojaktalingnik, Nâlekab Perᴋolauktanginik Israelitinut.

Nehemia 8:1 Iomraidhean Croise

II Atannit 23:2

Atannerlo majorarpok takpaunga Nâlekab iglunganut, Judakullo angutingita Jerusalemiullo ilunnatik ilagivât, ajochertuijut nallautaijullo, innugiartoksuillo ilunnatik, mikkijut angijullo; siutingitalo sângine aglait angerᴋattigêngniggit, nachvartaumalauktut Nâlekab iglungane oᴋausertangit ilunnaita attuartauvut.

II Kronika 34:15

Hilkialo kiovok oᴋarlunelo Safanemut aglakpaktomut: Aglait perᴋojaktaggit nachvarpakka Nalekab iglungane. Hilkiablo aglait tunnivait Safanemut.

II Kronika 34:30

Attannerlo majorarpok takpaunga Nalekab iglunganut, Judakullo angutingit Jerusalemiullo illunatik, ajochertuijut Levitillo, innugasaksuillo illunatik, mikkijut angijullo; tapsomalo attuarpait siutingita sângine, aglait angerᴋattigêngniggit nachvartaumajut Nalekab iglungane oᴋausertangit tamaita.

Esra 7:1

Pijoᴋalauktut tamakkoa Arthasasthab Persiamiut attanningata attanniovinganêlauktut kingorngane majorarlune takpaungarpok Babelemit Esra, Serajab erninga, Asarjab erningata, Hilkiab erningata,

Esra 7:10

Esrable omattine torartipa Nalekab perᴋojangit ᴋenneromavlugit, pinniaromavlunelo ajochertuijomavlunelo Israeleme perᴋojanik idluarnerniglo.

Esra 7:11

Tamadsalo aglait tukkingit attanniub Arthasasthab tunnilauktangita Esramut, ajochertuijomut, aglangniglo illisimajomut, ajochertuijolauktomut Nalekab oᴋausinginik, perᴋojanginiglo Israelemut:

Esra 7:6

Illisimatsiangolauktok aglangnik, Mosesib perᴋojanginik Nalekab Israelib Gudingata tunnilauktanginik. Attanniublo tunnitsivigiva tamainik pijomajanganik, Nalekab Gudingata aggangita ᴋollangiarninginut tapsominga.

Nehemia 12:26

Tapᴋoa Jojakimib Jesuab erningata, Jozadakib erningata, nalliuninganêlaukput, Nehemiablo nunab aulatingata, Esrablo aglanik ilisimajub nalliuningine.

Nehemia 12:37

Puailaviublo itterviksoangane, akkinginetome Davidib iglugasaksoangita majutingit majoarpait, avaluksuit pôktoninginut Davidib igloksoanganut, imiub itterviksoanga kitanêtok tikkidlugo.

Nehemia 3:26

Nethinimillo igloᴋalaukput Ofeleme immiub itterviksoangata ᴋittâ tikkilugo, nuvugutsib nuitavia Ofeliblo ᴋarmanga tikkidlugo.

Nehemia 8:16

Inugasaksuillo aivut aiklerlutiglo, igloᴋartitsivullo ingmingnut akkerkunik, attunît iglomik ᴋângine, innemingnelo avaluliorsimajune, Gûdiblo iglungata inningine avaluliorsimajune, apᴋosinermelo silliktome immiub itterviksoangata sângane, apᴋosinermelo silliktome Efraimib itterviksoangata ᴋanitangane.

Nehemia 8:3

Attuarpaillo apᴋosinerme silliktome immiub itterviksoangata sânganêtome, uvlarârsungmit uvlub ᴋetterarninga tikkidlugo. Inugasaksuillo siutingit ilûnatik torarput aglanut perᴋojaktalingnut.

Jesaiase 8:20

Perᴋojanik nallunaijaijutiksaniglo (malligitse!) Taimak oᴋaromângilât ᴋaumajoᴋangitut illumingne?

Leviticus 9:5

Mosesiblo perᴋojijutigijangit âpait ilagêktut tupingata sânganut; ilagêllo ilûnatik katimavut nangerlutiglo Nâlekab sângane.

Mâlaki 4:4

Erᴋarsigik kivgama Môsesib perᴋojangit, perᴋojijutigilauᴋtakka tâpsomunga Israêlikut tamaita pivlugit Hôrebeme, maligaksallo idluarsaijutiksallo.

Mattêuse 13:52

Tagva oᴋautivait: Tamanna pivlugo aglangnik ilisimajut naliat, nâlegauvingmik ᴋilangmêtomik ilisimajoᴋ, angajoᴋâtut, perᴋuteᴋarvingminit nutâniglo nutaungituniglo sakᴋertitsijotun-ipok.

Mattêuse 23:13

Kappianamêk ilipse, aglangnik ilisimajut Farisêerillo, takkormôrtose! Nâlegauvik ᴋilangmêtok parngnanairapsiuk, inuit iterᴋonagit! Ilipse itertuksaunase, iteromajulle iterᴋongilase.

Mattêuse 23:2

Oᴋarlunalo: Môsesib iksivautangane aglangnik ilisimajut Farisêerillo iksivavut.

Mattêuse 23:34

Taimaimat, akâk, tilivakka ilipsingnut nalautaijullo, silatujullo, aglangniglo ilisimajut; taipkoalo ilangit toᴋotsomârpase, ᴋejungmut saningajolingmut kikiaktorlugit, ilangillo katimavipsingne issaᴋadlaromârpase, unangmivlugillo iglugasaksoarnit iglugasaksoarnut.

Deuteronomy 31:11

Israêlekut ilûnatik katimajartortilugit Nâlekab Gûdivît sângane inime tâpsoma annerijangane, perᴋojat makkoa atuaraksarivatit Israêlekut ilûnatik sângine tusâtilugit.

Idluarsaijut 20:1

Tagva Israelib ᴋitorngangit Danemit Bersaba tikkidlugo, nunamillo Gileademit, aularput katimalerlutiglo atautsemut, angutetut atautsetut sorlo, Mizpamut Nâlekab sânganut;

Idluarsaijut 20:8

Tagva inugasaksuit tamaita nikovilerput angutetut atautsetut sorlo, oᴋarlutiglo: Ittertoᴋartuksaungilak kinamik tupperminut, uttertoᴋartuksaungilarlonêt iglominut,