Nehemia 6:9 - Labrador Inuttitut Heritage Bible

⁹ Taipkoa ilûnatik sivurasaromalaungmattigut, issumalutiglo: Aggatik ergititaksarivait sullijaksamit, pinniartauᴋonago. Mannâle tamânna pivlugo, Gûdik, aggakka pitsartutilaukit!

Nehemia 6:9 Iomraidhean Croise

II Kronika 15:7

Illipsele maksoaleritse, aggasselo kattaktailitilugit pititse, pinniarnise akkiksârniarmatta.

II Kronika 32:18

Nippeᴋortôvlutiglo Judit oᴋausingit attorlugit innugasaksuit Jerusalemiut ᴋarmaksuit (avaluksuit) ᴋânganêlauktut nipliarvigivait sivurasaromavlugit ᴋoaᴋsartitsomavlugillo, iglugasaksuit salagilugit piᴋovlugit;

Esra 1:6

Illunatiglo avatinginêtut ikajorpait, illulerᴋutinut Silbereôjunut, Goldeôjunullo, perᴋutinullo, nergjutinullo, pivianartunullo, tunnergutingit pijarellutik tappilugit.

Nehemia 6:14

Gûdîk, Tobiase Saneballatelo issumagikik pinniarningit tapᴋoa malliklugit; taimâglotauk nallautaijok arnak Noadja, nallautaijullo assingit sivurasaromalauktut uvamnik.

Imgerut 138:3

Nipliavigijarangapkit, tagva tussarparma, tarnigalo tunnitsivigivet maksoarnermik pitsartunermiglo.

Imgerut 56:3

Sivôrajarangama tagva tattigivagit.

Imgerut 68:35

Gûde tattamnarpotit ivsornaitoveᴋotingne. Gudeôvok Israelemut, sôngonermik pitsartunermiglo tunnijijok inugasaksoarnut. Gûde nertortaule.

Imgerut 71:1

Nalegak tattigivagit; kangusuktitauᴋoniatsangilaungatôk.

Jesaiase 40:29

Merngortortoᴋ nukkeᴋartipâ ajulertublo nukkinga angijorortipâ.

Jesaiase 41:10

Sivoraniarnak, uvanga illagigamga; nangiarniarnak, uvanga Gûdigigamga. Pitsartutipagit ikajorlutillo, illa serngnigivagit tallerpimnut idluarsaijomut.

Jeremia 38:4

Tagva angajoᴋâᴋsuit oᴋarput atanermut: Angut una toᴋotauᴋoleruktôᴋ; sorᴋsuktuksat iglugasaksoane ukkunane amiakôjut aggangit, inuillo ilûnatik aggangit, nukingêrutingmagit, oᴋauseᴋarvigivlugit taimaitunik; angutib oma inuit idluarᴋutiksarsiulungimagit, idluiᴋutisanigle pingmat.

Hesekiel 30:24

Babiloniblo ataningata talîgik pitsartutitsomârpâka, saviksoarlo ililugo agganginut: Faraoblo talîgik nakagomârpâka, âlaᴋovlugo tâpsoma sângane toᴋomut ikilertaujub âlaningatut.

Saggaria 10:12

Pitsartutitsomârpakkalo Nâlekame; ingeraromârpullo tâpsoma atingane, oᴋarpok Nâlegak.

II Korintemiunut 12:9

Oᴋautilauᴋpângalo: Nâpkiningnera nâmagiuk, pitsartunera ajugaᴋangitôngmat sangêtune. Taimaimat sangênera nertôtigijomanersarivara, Kristûsib pitsartuninga ineᴋarᴋovlugo uvamne.

Efêsusemiunut 3:16

Tâpsomunga tunitsivioᴋovluse pitsartunermik ânanauningata amigangidlarninga maliklugo, sangijôtitauvluse Anerninganut ilupsigut,

Efêsusemiunut 6:10

Tagvale ᴋatangutikka nakoᴋsitiniaritse Nâlekame, ajugaᴋangitub pitsartuninganut.

Filippimiunut 4:13

Tamainik pijungnarpunga Kristuseme pitsartutitsijimne.

Ebrêerinut 12:12

Tamanna pivlugo ama pitsartutisigik aggait ᴋasungajut sêrᴋullo nukkingertut;

I Pêtrusib 5:10

Gûdible saimanartunik tamainik perᴋutitaliksûb, uvaptingnik ᴋairᴋojijub ânanaunersoarminut issoᴋangitomut Kristuse Jêsusikut, tâpsoma nangmineᴋ âᴋiksorniarpâse nâmaktomik, nakoᴋsitiluselo, pitsartutiluselo tunganilitiluselo, ilipse anikitomik kappiasuktitaujose.

I Samuel 30:6

Davidelo angijomik kappiasulaukpok, inugatsuit milloromangmatsuk, innugatsuit illunatik tarningit annulaungmatta, nalliat ernine panninelo pivlugit. Davidele pitsartutipok ingminik Nalekame Gudimine;