Nehemia 4:14 - Labrador Inuttitut Heritage Bible

¹⁴ Allakausijarpungalo parngnailerlungalo, oᴋarlungalo Erᴋanartunut angajoᴋaunerôjunullo, inugasaksoarnullo assinginut: Sivuraginiarassigik, Nâlegaksoarle erᴋsinartoksoak erᴋarsiuk, ᴋatangutiselo erniselo, paniselo, nuliaselo, igloᴋotiselo sorsugutigisigik.

Nehemia 4:14 Iomraidhean Croise

II Samuel 10:12

Mannigorit, pitsartulertalo innuᴋotivut Gudiptalo iglugasaksoangit pitjutigallugit; Nalegarle pinniarle namagijaminik.

II Kronika 32:7

Maksoaleritse pitsartuluselo, Assiriamiullo attanningat, unnuktoksuillo illagijangit sivuraginiarassigik, maksujarutiginassigiglo; illagijavut unnurnersaungmatta illagijanginit.

Nehemia 1:5

Oᴋarlungalo: Nâlegak ᴋilaub Gûdinga, Gûdeôjoksôjotit, sivuranartoksôlutillo, angersimanermik, napkiningnermiglo torᴋorsijok tapᴋonunga naglingniktunut tapsominga, perᴋojanginiglo Nâlektunut;

Hiobe 37:22

“Avangat Golde pivok, Gûdib kappianadlartub nertornautânut.

Imgerut 143:5

Nalliunerit ᴋângersimajut erᴋaumavakka, piniarnerijattit tamaita issumaksarsiorutigivakka, aggakpit pinniarningit issumakut nautserorasuarpakka.

Imgerut 20:7

Ipkoa aksalloalingnik tattiksaᴋarput, ipkoalo horsinik; uvagulle Nâlekab Gûdipta attingannik.

Imgerut 27:1

Nalegak ᴋaumanerivara piulijaunerilugolo, kina erksigijaksarivigô? Inôtsima Nâlegak pitsartutigivâ, kina ᴋêungomivigijaksarivigô?

Imgerut 46:11

Nâlekab Zêbaotib illagivâtigut, Jakob Gûdinga sapputjigivavut.

Imgerut 65:5

Kappianarlutit idluarnerme, kiojomavaptigut, Gûde piulijaujutiksavut, sungertutiksaujotit nunaksub issunginnut ᴋanningitunnut tamainut, imarbiksoarmullo.

Imgerut 66:3

Gûde oᴋautissiuk: Ila tattamnadlarput pinniarnitit! Omigijivit ᴋennuviginiarpâtit pitsartunersoarnit pivlugo.

Imgerut 66:5

ᴋaititse tamaunga takkonârluselo Gûdib pinniarninginnik, tattamnadlartub pinniarnermine Inuit ᴋittorngangita akkorngane.

Exodus 14:14

Nâlegak sorsulârmat pivluse, ilipselo nippangerniarpose.

Exodus 14:25

ᴋamutingillo aksaloalît aksaloangejarlugit, pêtorᴋovlugit: Egiptenemiut oᴋarᴋovlugit: Israêlikunit ᴋemâlerta, Nâlekab sorsugutigingmagit Egiptenemiunut.

Okaluktok 12:1

Pingortitit issumagiuk inôsungnerne, uvlut idluitut Tikkerᴋârtinagit, Jârillo nâjulerᴋârtinnagit, Oᴋaromâravit: ᴋuviagingilakka.

Daniel 11:32

Angiᴋatigêngnimullo idluiliortut tâpsoma ivsornartungortitsomârpait oᴋautsinut pingitsitortunut; inuilli ilitarᴋsijut Gudimingnik sôngosidlaromârput sulijomârlutiglo.

Saggaria 14:3

Nâlegak tagva anijomârpok inôᴋatigêksuillo tâpkoa sorᴋsukvigilugit, taimak sorlo sorᴋsulaurame unatadlarnerub uvlungane.

Numbers 14:9

Kissiane Nâlegaᴋ pikablâviginiarasiuk, nunablo inungit erᴋsiginiarasigik; nerᴋiksatôjârmatta uvaptingnut; saputjauviksaᴋarungnaiput, Nâlekable ilagivâtigut; erᴋsiginiarasigik.

Mattêuse 10:28

Erᴋsiginiarasigiglo timinik toᴋotsijut, tarninigle toᴋotsijungnangitut. Anginersamigle taimna erᴋsigisiuk, timiniglo tarniniglo asserortitsijungnartok ânianartovingme.

Deuteronomy 1:21

Ahâk, Nâlekab Gûdivit nuna angmarpâ sivunerne; takpaungarit piginiarlugolo, sorlo Nâlekab atâtagijavit Gûdingata oᴋautingmatit; sivôraniarnak kapiasudlarniarnaglo.

Deuteronomy 10:17

Nâlegak Gûdise tâmnaungmat Gûdit Gûdigijangat, nâlekallo Nâlegarijangat, Gûde angijok, pitsartudlartok kapianadlartorlo, inuit kinauninginik kamangitok, piliusianiglo tigusitsangitok.

Ebrêerinut 13:6

Taimaimat oᴋarungnarpogut: Nâlegaᴋ piulijigigapko, erᴋsijomangilanga. Sunamik inuit piniarvigijungnarpângâ?

Josua 1:9

Ahak perᴋolaukpagit maksoalutillo ᴋuviasuktuksaugavit. Keungominak, kakkilarnaglo; Nalekab Gudivit illagingmatit pinniarnerne pinniarneriniartarne tamaine.

Idluarsaijut 3:27

Tagvungalo pigame, tiptulaut tiptulausijautigivâ Efraimib ᴋakᴋangine. Israeliblo ᴋitorngangita aularᴋattigivât Efraimib ᴋakᴋanginit, tamnalo sivorlerivât.