Nehemia 3:8 - Labrador Inuttitut Heritage Bible

⁸ Tapᴋoalo saniane sanavok Usiel, Harhajab erninga Goldelerijok. Tapsoma saniane sanavok Hananja, âniasiusiortit ilangata erninga; sanavullo Jerusalemib sillatânut ᴋarmak silliktok tikkidlugo.

Nehemia 3:8 Iomraidhean Croise

Genesis 50:2

Josefiblo kivgane âniasiortit perᴋovait, atâtane mingoartaurᴋovlugo. Tagva âniasiortit Israêle mingoarpât.

Nehemia 12:38

Katimgajullo ᴋujalidlartut aipangit pissulaukput tapᴋoa igluanut, uvangalo mallikpakka, inugasaksuillo ᴋetterᴋangit ilagilugit, avaluksuit ᴋângagorvigivlugit, kiaksautiblo nuvugosinga ᴋângagorvigivlugo, ᴋarmak silliktok tikkilugo.

Exodus 30:25

Orᴋsulioraksarivatillo mingoarutiksamik ivsornaitomik, mingoarut akusimajok tipitsiariksautelerijub ilisimaninga maliklugo; mingoarutiksauvok orᴋsuk ivsornaitok.

Okaluktok 10:1

Niviuvaujartub tokᴋonartûb atautsib âniasiusiortit mingoarutingit tippeluktipait puvjuktilugillo; taimâk sillaineârsûb ilisimanerûb opinarnerublo ânanauningak tippeluktipâ.

Jesaiase 46:6

Taipkoa goldemik navitsivut pôngmit, silberemiglo ôktûtinut ôktorput; goldelerijoᴋ akkilerpât, Gûdingoamik sanarᴋovlugo. Tâmnalo sêrᴋortorvigivlugo tuksiarvigivât.