Nehemia 2:20 - Labrador Inuttitut Heritage Bible

²⁰ Tagva uvanga kiovakka, oᴋarlungalo: ᴋilaub Gûdingata sullitiniarpâtigut tamattominga; uvagullo kivgaujogut tapsomunga, parngnaileromavogut, sanajomalutalo, ilipsele ilangiutiviᴋangilase, idluarneᴋaraselonêt, erᴋaumajaksaᴋaraselonêt Jerusaleme.

Nehemia 2:20 Iomraidhean Croise

II Kronika 26:5

Gudelo ᴋennerpa taimak akkunêrtigijomik Sacharja, tukkisijok Gudib takkotitanginik, innôtillugo; taimaglo akkunêrtigijomik Nalegak ᴋennerlaungmago, Gudib sullidlarᴋolaukpa.

Esra 4:3

Serubabelible, Jesuablo, atâtallo angajoᴋaunerôjut Israelitit akkorngane, kiovait: Namatsangilak igluliorᴋattigilugo Nalegapta iglunga, uvagutôlutale iglulioromavogut Nalekamut Israelib Gudinganut, sorlo Koresib Persiamiut attanningata perᴋolaungmattigut.

Nehemia 1:4

Oᴋautsille taimaitut tussarapkit, iksivalerpunga ᴋêalungalo, ogguarlarmalo uvlut ᴋapsit nâvlugit, nerritaililungalo tuksiarlungalo ᴋilaub Gûdingata sângane,

Nehemia 2:4

Tagva atanniub oᴋautivânga: Sunamigle tuksiarᴋit? Tagva ᴋilaub Gûdinganut tuksiarpunga,

Ester 4:11

Atanniub kivgangit ilûnatik, inugiartoksuillo atanniub nunangine ᴋaujimavut, atannermut ittertoᴋarangat avaluliorsimajub illuanut, angullonêt, arnarlonêt, ᴋaiᴋojaulungitomik, tamna perᴋojak malliklugo tokᴋotaksaungmat; kisianeungitok atanniub ajaupiane opigijautiksak Goldeôjok issautiguniuk tapsomunga, inôᴋovlugo. Uvangale mâna uvlune 30 gine ᴋaiᴋojaulaungilanga takᴋamunga atannermut.

Imgerut 102:17

Tâpsoma ᴋemaksimajut tuksiarningit sâvigivait, tuksiarningillo nachogingilait.

Imgerut 122:6

Jerusaleme pilloringnermik peᴋarᴋogissigik. ᴋanoêngitsiarlît naglingniktut illingnik.

Imgerut 20:5

Igiaᴋomijaromavogut sâlaᴋarnît pitjutigellugo, Gûdiptalo attingane saimat nappautivavut. Nâlekab tuksiarilitit ᴋennunernik tamainik.

Imgerut 35:27

Opigosuglît, ᴋuviasulerlîllo idluarnimnik naglingniktut; oᴋatsainarlît: Nâlegak nertortaudlarle kivgaminik ikatsoriktok.

Imgerut 51:18

Zione ajungitullivigiuk saimarveᴋarnît malliklugo; Jerusalemib avaluksoangit sannalaukit.

Exodus 28:29

Aroniblo Israêlib ᴋitorngangita atingit nangmaraksarivait sagvingmiutakut erᴋartuinermut ilingajokut ômatime nalâne, iterangame ivsornaitovingmut, erᴋaumajaujutiksaurᴋovlugit Nâlekab sângane soraijuitomik.

Okaluktok 7:18

Nâmakpok tamanna tigumilugo perᴋovlutit, aipanganiglotauk sapkuserkonak aggangnit; Gûdemik sivôrajok annigoingmat tamakonangat tamainit.

Jesaiase 56:5

Tâpkoa iglumne avaluᴋotimalo illuanne tunidsivigijomârpakka erᴋaumajauviksamik attermiglo ernernit paningnillo ajunginerôjomik; attermik issoᴋangitomut illingajuksamik tunidsivigijomârpakka nungutaksaungitomik.

Leviticus 2:2

Ataksarivâlo Aronib erninginut ajoᴋertuijunut: tâpsomalo tigusivigijaksarivâ sanaugatsiarmik tigumiararmik, orᴋsumiglo, tipigiksaumiglo ilûnânik; ajoᴋertuijûblo ôtitaksarivâ tunerguserviub ᴋângane erᴋaumajutiksautilugo, tunergut ikomakut, tipitsiariktoᴋutaujok Nâlekamut:

Leviticus 24:7

Ingmigolingajûngnalo tamangne ilijijuksauvotit tipitsiariksautiksamik ilaᴋangitomik, ᴋakᴋôjauᴋovlugit erᴋaumajutiksanik, tunergutiksanik ikomakut Nâlekamut.

Saggaria 6:14

Niaᴋôtillo tâpkoa Helemib Tobiablo Jedaiablo Heniblo, Sefaniab erningata, erᴋaijutigijaksarivait Nâlekab katimaviksoangane.

Numbers 10:10

Taimaktauᴋ uvlorme ᴋuviasugvigijapsingne, uvloᴋsiorvipsingnelo, taᴋᴋipselo pigiarningine, tiptulausijartuksauvose tunergutiksase pivlugit, tunergutiksaselo ᴋujaliutiksat tunergusertaujut pivlugit; erᴋaititsijutigijaksarivaselo Gûdipse sângane; Uvangauvunga Gûdise.

Apostelit Piniarningit 10:31

Oᴋarporlo: Kornêliuse, tuksiarnitit tusartauvut, aitûtitillo isumagijauvut Gûdib sângane.

Apostelit Piniarningit 10:4

Takosarpâle ᴋoaksârlarmelo oᴋarpok: Nâlegak, sunâ? Tâpsomale oᴋautivâ: Tuksiarnitit pikungardlutik Gûdib tusarpait, aitûtitillo isumagivait.

Apostelit Piniarningit 8:21

Oᴋausek una piginagolo ilangiutiviginiangilallônêt, ômatit idluangimat Gûdib sângane.