Nehemia 2:17 - Labrador Inuttitut Heritage Bible

¹⁷ Tagva oᴋautivakka: Takᴋovasse ᴋanoêtok attortavut, Jerusaleme asserorsimangmat, upkoaksoangillo ikkisimangmatta. ᴋaititse Jerusalemiblo avaluksoangita ᴋarmangit senâlerlavut, mittautiksaujungnailerᴋovluta.

Nehemia 2:17 Iomraidhean Croise

Esra 9:9

Kivgauvogulle, Gudiptale ᴋemmalaungilâtigut kivgauniptingne, napkiningnerlo torartilaukpa uvaptingnut Persiamiut attanningita sângine, innoᴋojiᴋovlugit uvaptingnik, Gudipta iglunga igluliorlugo piᴋovluta, asserorsimaningillo sattortautilugit piᴋovluta, tunnitsivigivlutalo avalunik, Judame Jerusalemelo.

Nehemia 1:3

Tapᴋoalo oᴋautivânga: Amiakut parngnanairsortaunermit tagvane nuname ᴋanoêtomêput angijome mittautigijaunermêlutiglo; Jerusalemib avaloksoangit serᴋomisimavut, upkoaksoangillo ikkisimavut.

Nehemia 2:13

Unnuarmelo horsekut annilerpunga nâksab itterviksoangagut, puailavingmut Drachemik atelingmut, itterviksoarmullo perorsaijomik atelingmut tikkidlunga; ᴋemergovakkalo Jerusalemib avaluksoangita ᴋarmangit serᴋomisimajut, upkoaksoangillo ikkomamut nerrijaumalauktut.

Nehemia 2:16

Angajoᴋâjallo ᴋaujimalaungilet nâmut ailaungmangarma, sunaliormangarmalo; taipsomane tikkidlugo, Judit ajuᴋertuijullo atannertuijullo, angajoᴋâjallo, assingillo pinniaraksame tapsomane sanalauktut oᴋautilaungimarikapkit sunamik.

Nehemia 3:15

Sallumible, Kalhosib erningata, Mizpab erᴋângata angajoᴋaunerôjungata, puailaviub itterviksoanga sanava; sanavâ ᴋâᴋartilâlo, upkoangalo, pallangairuservingillo, saneroangillo illivait; avaluksuillo sanava Siloab tessingane, atanniub perorsêvikotingata kiglingane, tumerᴋat tikkidlugit, Davidib iglugasaksoanginit unnungartut.

Imgerut 102:15

Tagva nallojut Nâlekab attinga sivuragijomârpât, attannîllo nunamêtut illûnatik opinarnît;

Imgerut 44:13

Kangusuktitaksangortipaptigut sillaliptingnut, mittautiksangortilutalo, allêkutiksangortilaptalo illumagijiptingnut.

Imgerut 44:14

Oᴋausiksangortipaptigut nallojut akkorngane, illeᴋettamarutiksangortilutalo innuᴋattigêksuit akkorngane.

Imgerut 79:12

Sillalivullo akkiniarkit ikkianginut 7 ertorlugit, mamailisainingit, mamailisaijutigilauktangit illingnik Nâlegak.

Imgerut 79:4

Sillaliptingnut kangusuktitaksangorpogut, mittautiksangorlutalo, allêᴋutiksangorlaptalo avatiptingnêtunnut.

Jeremia 24:9

Unertûtigijomavakka egiorᴋatângorᴋovlugit nunaᴋsûb ataniovingine tamaine idluiᴋutauvlutik; oᴋarnerlutiksauᴋovlugit allêᴋutiksauᴋovlugillo, mitautiksauᴋovlugillo, ômigijaksauᴋovlugillo nunane tamaine ajaktortauvigijomârtangine uvamnut.

Jeremiab Ogguarutigijangit 2:2

Nâlekab nâpkiningneᴋarane Jâkob inigijangit tamaita êvait; ningaumajârnermine Judab paningata iglungit sôngojut serᴋomipait, nunamut oggotilugit; atanioviglo angajoᴋâksoangillo opinarungnaitipait.

Jeremiab Ogguarutigijangit 3:51

Ijima tarniga kiksartipâ iglugasaksoaᴋotima paningit ilûnaita pivlugit.

Hesekiel 5:14

Nungunikungortitsomârpagit naggonartungortilutillo inôᴋatigêksuit avatingnêtut akorngane, tamaunârtut ilûnatik takoane.

Migga 7:11

Uvlorme tâpsomane ᴋarmatit sanajaulârput, uvlorme tâpsomane perᴋojaᴋ ungasiktomut nûtaulârpoᴋ.

I Samuel 11:2

Nahasible Amonitereôjub kiovait: Tamattominga angerᴋattigijomavapse, illunase attunit ijipse tallerpia kappijomagapko, sujuktiluselo Israelitit illunatik akkorngane.