Nehemia 13:6 - Labrador Inuttitut Heritage Bible

⁶ Nalliutomele taipsomane tamât uvanga Jerusalemelaungilanga. Artasastab Babelib atannertangata jâringita 32 ingane tikkinâma atannermut, uvlullo ᴋapsit kingorngane ᴋenuarivara atannermit.

Nehemia 13:6 Iomraidhean Croise

Esra 6:22

Uvloksiorviglo ᴋaᴋᴋojanik sêrnaᴋangitunik attorpât uvlut 7 it nâvlugit ᴋuviasuklutik; Nalekab ᴋuviasuktilaungmagit, Assiriamiullo attanningata omattinga torartilaungmago tapkonunga, ikajorlugit sullijaksame Gudib Israelib Gudingata iglungane.

Nehemia 2:1

Pijoᴋalaukporlo atanniub Artasastab atanniotiningata jâringita 20ingane, takᴋerme Nisanemik atelingme, sâmiktilûgo Weinemik, Weine kivikpara, tunnilâlo atannermut; tautuᴋarpungalo kiksartomik.

Nehemia 5:14

Nelliutomit taipsomangamit perᴋojauvimnit aulatsijuksaugama Judakut nunanganik, tagva atanniub Artasastab jâringita 20inganit 32ingat tikkidlugo, tagva jârit 12it nâlugit, uvanga ᴋatangutimalo, nunab aulatingata nerᴋigivaktangit nerrilaungilavut.

Exodus 32:1

Inuillo malugosugamik Mosese atersarnasârmat ᴋakᴋamit, inuit Aronemut katersorput, oᴋarvigivlugolo: Atê, gûdingoaliortigut sivuniptigut ingergajuksanik; Mosesele imna, angut majuartitivut nunamit Egiptenemit, nalovavut ᴋanoelingamangât.

Mattêuse 13:25

Inuille siniktilugit, akkerartorte perornerluktuksanik karngasuijartorpok perorsiaksamarît akornganut, aulalarmelo.