Nehemia 13:26 - Labrador Inuttitut Heritage Bible

²⁶ Salomob Israelitit atanningata tamânna Idluitullijutigilaungiᴋauk? Inuᴋattigêksuillo unnuktut akkorngane, atanneᴋalaungilak tapsotunak, Gûdingatalo nagligilaukpa, Gûdiblo atanningortipa Israelitinut; taimailingagalloarlune arnat takkorngârtat idluitullitipât.

Nehemia 13:26 Iomraidhean Croise

I Atannit 21:25

Pittaᴋalaungilak Ahabetut ingminik niorvgotigijomik idluitullilune Nâlekab sângane; nulliangata Isebelib uiveringmago taimailiorᴋovlugo.

I Atannit 3:12

Ahâk tagva oᴋautsitit malliklugit pinniarpunga. Ahâk omamik illisimajomik, sillatôjomiglo tunnitsivigimavagit, illiktut îtoᴋalaungimat sivunerne, pittaᴋarniangimallo kingunerne.

I Atannit 3:13

Taimâktauk tuksiararingitarnik tunnitsivigimagivagit, imaitunik, akluinermik, nertortaunermiglo, adseᴋarᴋonnak atautsemiglonêt atannit nelliunernetut akkorngane.

I Atannit 4:1

Taimâk Salomo atanniôlaukpok Israelitit ilûnnnamasianginut.

II Kronika 1:12

Tagva sillatunermik illitarksinermiglo tunnitsiviomavotit; tamakkoalo tappilugit akluinermik, perᴋutiniglo, nertortaunermiglo tunnitsivigijomavagit, attannît akkorngane adseᴋalauᴋonak sivunerne, kingunernelo, pittaᴋarᴋonaglonêt.

II Kronika 9:22

Taimak attannek Salomo anginersaulaukpok attannernit nunamêtunit tamainit, akluinerme illissimanermelo.

Salomob Okâl 31:3

Nukkingnik tunnijiniarnak arnannut, apᴋosinerillo atannît asserorutigivaktangit attorniarnagit.

Okaluktok 7:26

Nachvâlaukpungalo kassilinersamik tokᴋomit: arnamik ômatelingmik nulluangojomik aklunângojomiglo, aggalingmiglo kellarutiksaujunik. Gûdemut nâmagijaujok anigoiniarpok tâpsomangat, idluitorle angujauniarpok tâpsomunga.