Nehemia 13:22 - Labrador Inuttitut Heritage Bible

²² Levitillo perᴋovakka sujungaitiᴋovlugit ingmingnik, tikkiᴋovlugillo upkoat udsertorlugit, Sabbatib uvlunga ivlerilugo. Gûdîk, tamânna pivlugotauk erᴋarlaunga, ivlerilungalo napᴋoartoksonît pivlugo!

Nehemia 13:22 Iomraidhean Croise

II Atannit 20:3

Erᴋailaurittôk Nâlegak! sângne nertornarlunga agvertarlaurama, omamullo nallagôrtomut, pinniarlauramalo namagijarnik! Hiskialo kugviudlalaukpok.

II Atannit 23:4

Atanniublo ajochertuijersoak Hilkia, ajochertuijullo nukardlit, upkuallo udsertortingit perkovait, annitsijuksaungmatta Nâlekab Tempelinganit, perkutinik tamainik sennajaulauktunik Baalelo Astarotelo, uvloriagaseksuillo pivlugit. Ikkipaillo Jerusalemib silatâne naksarme Kidroneme; argsangillo âtauvut Bethelemut.

II Kronika 29:24

Ajochertuijullo toᴋᴋopait, aungillo ajortoêrutiksauvlune serᴋerartipât Altarib ᴋânganut, Israelitit illuêngarlutik ullapᴋoserlugit. Attannek perᴋojilaungmat tunnergutit ôtaksat, ajortoêrutiksallo tunnilugit, Israelitit illunamasiangit pivlugit.

II Kronika 29:27

Hiskialo perᴋojivok tunnergutit ôtaksat tunnilugit Altareme. Pigiarmattalo tunnergutiksak ôtaksak tunnilugo, tagva imgernek Nalekamut, trompetesijarnerlo, attornerlo Davidib Israelib attanningata noakseraliᴋotinginik sunatuinarnik pigiarivut.

II Kronika 29:30

Attanniublo Hiskiab angajoᴋaunerôjullo, Levitit perᴋovait Nalegak nertorlugo Davidib Assafiblo takkojub imgerutingit attorlugit piᴋovlugit. ᴋuviasuklutiglo nertordlerput okkolutiglo, opigosularmiglo.

Nehemia 12:10

Jesuab Jojakime ernetariva, Jojakimib Eliasibe ernetariva, Eliasibib Jojada ernetariva,

Nehemia 12:30

Ajoᴋertuijullo Levitillo, sujungaitilerput ingmingnik, sujungaititsilutiglo inugasaksoarnik, itterviksoarniglo, avaluksoarniglo.

Nehemia 13:14

Erᴋarlaunga tamana pivlugo Gûdîk, puigortautailitikillo pinniarnikka ajungitut, pinniarlauktakka Gûdima iglunga pivlugo, ilûsioᴋojangillo pivlugit!

Nehemia 13:31

Tunnergutillo ᴋejuit nalliutunut nallonairsimajunut, perortullo nergjutillo innerᴋârtungit erniariᴋârtangillo. Gûdîk, erᴋarlaunga idluarᴋutiksamnut!

Nehemia 5:19

Gûdîk, inugasaksoarnut tapᴋonunga pinniarlauktakka tamaita erᴋarutigikit uvamnik, idluarkutiksamnut!

Imgerut 130:7

Israelitit Nâlegak nerriugilitsuk; Nâlekame saimarveᴋarmat, piulijauneᴋarlunelo angijomik tâpsomane.

Imgerut 5:7

Uvangale iglungnut itteromavunga pitsiartoksônît pivlugo, tuksiaromalungalo Tempeleᴋotit ivsornaitok sângalugo sivuranerme illingnik.

Imgerut 51:1

Gudik saimarviginga pitsiarnît malliklugo, tappanikkalo pêjarkit napkiningnît angijoksoak malliklugo!

Jesaiase 38:3

Oᴋarlunelo: Erᴋailaurittôᴋ, Nâlegaᴋ, sângne arvertalaurama nellâgôrlunga, ômatipkullo illuengarlunga, nãmagijarniglo piniarlunga! Hiskialo ᴋugviudlalerpoᴋ.

Jesaiase 49:23

Attanersuillo pairijigijomârpattit, attaniojullo nulliangit amâmaktitigijomârpattit. Pûtsomârput nunamut sângne, ittikavillo sanningit alluktoromârpait. Tagva missigijomârpotit, uvanga Nâlegaugama, tâpsomingalo nerriuktut kangusuktitautsangimatta.

Jesaiase 55:7

Idluitub apᴋutigijane ᴋemakliuk, idluitullijublo issumagijane allarligit sâgiarlunelo Nâlekamut, tâpsoma nâpkigijomârpâ tagva, Gûdiptingnullo sâgiarle, tâpsoma angijomik issumagijungnairvigijomârpa tagva.

II Korintemiunut 1:12

Nertornautigijavut tamadja: issumapta kigligiutigingmatigut, issumalingasuerluta nelâgôrlutalo Gûdib sângane, uviniliuble issumanga atornago, saimarsauteᴋarlutalo arvertalaurapta nuname, angiluartomigle akunapsingne.

Deuteronomy 5:12

Uvlok Sabbateojok erᴋaruk, ivlerijauᴋovlugo ilingnut, sorlo Nâlekab Gûdivît perᴋongmatit.