Nehemia 13:15 - Labrador Inuttitut Heritage Bible

¹⁵ Nalliutome taipsomane Judame takᴋovunga Weineliksat iptêjaivinganik tullertunik Sabbatib uvlungane ᴋeppitaniglo kakkojaksanik ittertitsingmatta, siutekoktôjuniglo nangmalingnik Weinemik, Weineliksallo paunganginik, Feigeniglo, nangmaniglo pittalingnik sunatuinarnik ittertitsingmatta Jerusalemut Sabbatib uvlungane. Tennersarpakkalo uvlorme taipsomane nerᴋiksanik niorvgusingmatta.

Nehemia 13:15 Iomraidhean Croise

II Kronika 24:19

Tapsomalo nallautaijut tillivait tapᴋonunga, uttertitsomavlugit ama Nalekamut, tennersarpaillo; kissianele kammagingilât.

Nehemia 10:31

Nunablo inuᴋattigêksoangita Sabbatib uvlungane, ᴋaitsileraikpatta niorvgutiksanik, nerᴋiksaniglo sunatuinarnik niorvgosijomavlutik, tigujomanginaptigik Sabbatine, uvlunelo ivsornaitune; Jârillo 7ingane akkiliaksat sunatuinait akkilertaujungnairᴋojomagaptigik.

Nehemia 10:32

Perᴋojaᴋartipogullo, jârine tamaine kênaujak Sekele pingasuilimajub pingajuak, tunnijomagaptigo, kivgartornermut Gûdipta iglungane;

Nehemia 13:16

Tiriamioᴋalaurivok nunaᴋartunik tagvane, mingeritjanik âtsijunik, niorvgutiksaniglo sunatuinarnik, niorvgosilutiglo Judab ᴋitornganginut, Jerusalemiunullo Sabbateme.

Nehemia 13:21

Tagva kigligiutsivigivakka oᴋautilugillo: Sôg unnuivise avaluksuit sillatâne? Taimailiormigupse, tagva aggaka ilinniarpakka ilipsingnut. Nalliutomit taipsomanemit tikkitsungnailaukput Sabbatib uvlungane.

Nehemia 9:29

Kigligiudsivioᴋolaukpattillo sâlertuksaungmatta Malligaksauᴋojarnut. Piojorilerlaukpulle, Nâlelaungilaillo perᴋojattit, idluitullilutiglo idluarijattit akkerartorlugit, (tapᴋoale inuit nalliata pinniarpagit inôgutigivlugit pingmagit) tuitiglo sangutipait, tappatolerlutiglo, Nâlengnatiglo.

Hiobe 39:12

“Tattigijungnarᴋiuk kangâsortiksaᴋotitit uttertiniarmagit illingnut, kattersorlugillo ᴋematulliviᴋotingnut?

Imgerut 50:7

Inuᴋotikka nâlagitse, uvanga oᴋaromavunga; Israelitiôjose, uvanga kigligiudsivigijomavapse; uvanga Gûdeôjunga Gûdigivapsinga.

Exodus 31:12

Nalekablo Mosese oᴋarvigivâ, oᴋarlunelo:

Exodus 31:16

Taimaimat Israêlikut Sabbate erᴋagijaksarivât, kinguvângitigut Sabbate kamagivlugo, angerᴋatigêngnermut soraijuitomut.

Exodus 34:21

Uvlunik 6inik sulijuksauvotit, uvlulle 7ingane merngoersertuksauvotit: nunab poagijartauvingane perutsiallo katersivingane merngoersertuksauvotit.

Exodus 35:2

Uvlut 6it sulivigijaksarivase, uvlulle 7ingat ivsornaituksauvok ilipsingnut, Sabbate merngoerservik Nâlekamut; nalliat suliaᴋartok tâpsomane toᴋotaujuksauvok.

Salomob Okâl 28:4

Malligaksauᴋojaujunik Nâlegungnaitut Gûdeᴋangitut nertorpât; ivlersijulle makkoninga, illulugvigivait.

Jesaiase 58:13

Ittikkatit udsertorungne sabbateme, sullijaksatit piniarnagit uvloᴋotimne ivsornaitome; sabbate ᴋuvianarnerarungne, Nâlekablo (uvlunga) ivsornaitoᴋ ivlernarnerarungne opigivlugolo, apᴋutigijomajatit attornagit, sullijaksatit piniarnagit, oᴋautsit piungitut attornagit,

Jeremia 17:24

Ataruilivlusele nâlagomagupsinga, Nâlagaᴋ oᴋarpoᴋ, adjarsijomanase oᴋumaitunik iglugasaksuit ukkua itertarvingitigut Sabbateme, Sabbatele ivjornaitilugo, suliaᴋarviginagolo;

Jeremia 17:27

Nâlagomangikupsingale Sabbate ivsornaititsomavlugo, adjarsitailijomangikupselo oᴋumaitunik iterniarluse Jerusalemib itertarvingitigut Sabbateme; tagva ikomamik ikitsijomavunga itertarvingine, nungutsilârporlo Jerusalemib igloᴋsoanginik, ᴋamitauniarungnaivlune.

Jeremia 42:19

Nâlagaᴋ oᴋarsimavoᴋ pivluse, amiakôjose Judamit: Egiptenemut ainiarase; nalonangitomik ᴋaujimatsiaritse kigligiutjivigigapse uvlome.

Hesekiel 20:13

Israêlible ᴋitorngangita tapagilauᴋpânga sunaᴋajuitome; arvertalaungilat maligaksauᴋojamne ajaktuivulle perᴋojamnik, inûb tamakkoa piniarpagit inôjûtigilârpait; sabbatikkalo sôngojomik ivsornaijungnaitipait: oᴋarpunga tagva ningaumajârnera kovijomagapko tâpkonunga sunaᴋajuitome, nungutsomavlugit.

Amos 8:5

Oᴋarluse: ᴋanga takᴋêlak ᴋângersimaniarᴋâ, aulaijungnarᴋovluta sanaugaksanîk? Sabbatelô, saᴋᴋijârtitsijungnarᴋovluta senaugaksanîk? Oktût efa miklilitilugo, kênaujarlo sekele akkitunersautilugo, nalâgôngitomiglo piniarluta kiktitautinut nalautsilungitunut;

Migga 6:3

Inuᴋotikka, sumik piniarvigivapsê? Sunamullo merngortortilauᴋpapsê? Kigligiutsileritse pivlunga.

Apostelit Piniarningit 2:40

Oᴋautsinulle unuktunut ukua asinginut kigligiutjivigivait, kaiblarlugillo oᴋarpoᴋ: Piulijauniaritse kinguvângoᴋatigênit ukkunangat tapatojunit.

Apostelit Piniarningit 20:21

Jûdillo Grîkillo oᴋautilaukpakka, sâgiarᴋovlugit Gûdemut, okperᴋovlugillo Nâlegaptingnut Jêsuse Kristusemut.

Galâtsiamiunut 5:3

Ama kigligiudsivigivakka kipijaulertut ilûnaita, perᴋojat ilûnaita nâmaksititaksaringmagit sulle.

Efêsusemiunut 4:17

Tamanna pivlugo oᴋarpunga; kigligiutigivlugolo Nâlekame, arvertarungnairᴋovluse nalojutitut assipsitut, piungitunik issumaᴋarlutik arvertartutitut;

Deuteronomy 8:19

Nâlegarle Gûdît puigorungne, tâpsomalo asingit Gûdingoat maligungne, kivgartorlugit, pâmaktervigilugillo, tagva kigligiutjivigivapse uvlome, nungutaumarilârapse.

I Tessalônikamiunut 4:6

Neliselo ᴋatangutiminik oᴋumaititsitailile uivêrinagolo sumut; Nâlegaᴋ tamakkoninga tamainik akkiniarteongmat, sôrlo oᴋarvigilaurapse ipsomane kigligiutigivlugo.