Nehemia 12:43 - Labrador Inuttitut Heritage Bible

⁴³ Uvlormelo taipsomane tunnergutit unnuktut tunnijauvut, ᴋuviasulaukpullo; Gûdib ᴋuviasungneᴋartilaungmagit angijomik, arnallo sorrutsillo ᴋuviasulaukputtauk, Jerusalemiullo ᴋuviasungningat tussartaulaukpok ᴋaningitomit.

Nehemia 12:43 Iomraidhean Croise

II Kronika 20:13

Judakullo illuêngarlutik nangerput Nalekab sângane, ᴋittorngatik, nulliatiglo, ernitiglo illagilugit.

II Kronika 20:27

Taimaglo Judamiut Jerusalemiullo angutingit utterput, Josafatelo sivurliovlune, Jerusalemeliarᴋovlugit ᴋuviasuklutik. Nalekab ᴋuviasungnermik tunnitsivigilaungmagit omigijingit pivlugit.

II Kronika 7:10

Taᴋᴋillo 7 ingata uvlungita 23 gingane innugasaksuit angerarᴋovait iglunginut ᴋuviasuktillugit maksoatillugillo, ajungitut tamaita pivlugit Nalekab saᴋᴋertilauktangit Davidemut Salomomullo, innuᴋotiminullo Israelitinut.

Esra 3:13

Innugasaksuillo nipliadlarnek ᴋuviasumut illitarijungnarlaungilât, ᴋêavaksub innugasaksuit akkornganêtub nippevaksoanganit, innugasaksuit ᴋuᴋudlarmatta, nippersoanga tussaksaungmat kanningitomut.

Nehemia 12:27

Jerusalemiblo avaluksoangita ivsornaititauninganut Levitit ilûnaita nunangine ᴋenertaulaukput, Jerusalemut tikikᴋovlugit, avaluksuit ivsornaititsomavlugit, ᴋuviasuklutik, ᴋujalilutiglo, imgerlutiglo, Cimbelillo, Psalterillo, Harfillo attorlugit.

Nehemia 12:42

Maesejalo, Semajalo, Eleasarlo, Usilo, Johananelo, Malchjalo, Eleamelo, Asarlo. Imgerpaktullo nipperᴋortovlutik imgerput, Jesrajalo aulatsijôlaukpok tapᴋoninga.

Hiobe 34:29

Tâmna ullapirsauteᴋartitsileraikpat, kina tagva Passiklerungnarᴋa? Tâpsomalo kênane ijerangago, kia Takkojûngnarᴋaûk? Inûᴋattigêksuit illuitut pivlugit pikpallônêt, inuglonêt atausek pivlugo.

Imgerut 27:6

Mânnalo niaᴋungma ômigijikka illumajikka ᴋagvervigivait, tunnergutiniglo nertordlerutiksennik tunnijijomavunga tuppingne, Nâlegak imgervigijomavara nipliajorvigijomalugolo.

Imgerut 28:7

Nâlegak pitsartutigivara, sappulutarilugolo; ômattima tâmna tattigiva, ikajortaumalungalo; ômattigalo ᴋuviasukpok; kutsaservigijomavaralo imgerumut.

Imgerut 9:2

ᴋuviasugomavunga serrijomavlungalo illingne, attillo nertorlugo imgerutigijomavara ᴋotsingnerpângôjotit.

Imgerut 92:4

Igvit ᴋuviasuktigamga, Nâlegak, piniarnernut; aggakpit sannaningit nertordlerutigivakka.

Jesaiase 61:3

Kiksartunut Zione pivlugo illijerᴋovlunga niaᴋôtemik, argjat pêrᴋârlugit, orᴋsumik ᴋuviasûtiksamik, kiksarneᴋ pêrᴋârlugo, annorânik nertordlerutiksanik, anerneᴋ sannikterijoᴋ pêrᴋârlugo. Taijaujomârpullo napârtunik idluarnerub pinginik, Nâlekab perorsianginik nertortaujutigijanginik.

Jeremia 31:13

Uigasuglo oᴋigêsernerme ᴋuviasudlaromârpoᴋ, inôsuktullo inuᴋoartullo ilagêklutik; kiksarningat ablatsangortitsomârapko ᴋuviasungnermut, manigoromavakkalo, ᴋuviasuktilugillo kiksarnermingnit.

Jeremia 33:11

Kuviasuktut nippinginik, aliasuktullo nippinginik, nulianiktûb nippinganik, uiniktûblo nippinganik, ipkoalo nippinginik oᴋartut: Nâlagaᴋ Zebaot ᴋujagisiuk, Nâlagaᴋ ajungitôngmat, nâpkiningningalo soraijuitôngmat; ipkoalo tunergutinik ᴋujalitiksanik Nâlakab iglunganut âtsijut nippinginik. Nunab aularutijaujungit utertitsomârapkit sorlo pigiarnerme, oᴋarpoᴋ Nâlagaᴋ.

Numbers 10:10

Taimaktauᴋ uvlorme ᴋuviasugvigijapsingne, uvloᴋsiorvipsingnelo, taᴋᴋipselo pigiarningine, tiptulausijartuksauvose tunergutiksase pivlugit, tunergutiksaselo ᴋujaliutiksat tunergusertaujut pivlugit; erᴋaititsijutigijaksarivaselo Gûdipse sângane; Uvangauvunga Gûdise.

Mattêuse 21:15

Ajoᴋertuijoksuille aglangniglo ilisimajut tatamnartitangit takogamigit, sorutsillo katimavingme ᴋagudlartut tussaramigit, oᴋartut: Hosianna, Davidib Erninga! Ningaumajarutigivait tagva,

Mattêuse 21:9

Inugasaksuille, sivorlîllo maliktingillo, ᴋagudlarlutik oᴋarput: Hosianna, Davidib Erninga! nertortaule, Nâlekab atingane tikitok! Hosianna ᴋotsingnerme!

Johannese 16:22

Ilipselo kiksarneᴋarivose mânna; takojomagivapsele, ômatiselo ᴋuviasudlarniarput, ᴋuviasungnipsingniglo aᴋsârniktoᴋartuksaungilak ilipsingnit.

Efêsusemiunut 5:19

Oᴋaᴋatigêngniaritselo imgerutinut nertordlerutiksanut tuksiarutsinullo anernilingnut, imgerdluselo nipjausijaritse Nâlekamut ômatipsingne.

Jâkobusib 5:13

Ilase kappiasuktitaugune, tâmna tuksiarle; ᴋuviasuktoᴋarupse, tâmna imgerutinik imgerle.

I Samuel 4:5

Nalekablo angersimaningata iklervinga tangmarvingmut pingmat, Israelitit illunamasiatik igiaᴋomijarput, nipliadlarnermut nuna immiadlarmat.