Nehemia 12:39 - Labrador Inuttitut Heritage Bible

³⁹ Efraimiblo itterviksoanga ᴋângagorvigilugo, itterviksublo nutaungitub ᴋângagut, Hananeelib nuvugosinganut, saugat iterviksoangat tikkidlugo; nokᴋarpullo parngnanairsortat itterviksoangane.

Nehemia 12:39 Iomraidhean Croise

II Atannit 14:13

Joasiblo Israelitit atanningata tiguva Amazia Judakut atanningat Joasib Ahasjab erningata erninga Bethsemeseme; tikkiporlo Jerusalemut, Jerusalemiblo avaluksoangit serᴋomipait, itterviksoarmit Efraimemik atelingmit terrekub itterviksoanga tikkidlugo, tallitut 400 ditut takkitigijomik;

Nehemia 12:40

Nangerpullo taimâk katimgajuk maggoit nertordlertut Gûdib iglungane, uvangalo angajoᴋaunerôjullo ᴋetterᴋangita ilagilunga;

Nehemia 3:1

Ajuᴋertuijersoarlo Eliasibe parngnailerpok ᴋatangutine ajuᴋertuijut ilagellugit, sanalutiglo saugat itterviksoanganik; tuksiarulugolo ivsornaitipât, upkoagiglo illivakit, ivsornaitipâlle nuvugusek Meamik atelik, tagva Hananeelib nuvugusinga tikkilugo.

Nehemia 3:25

Palal Usaib erninga, terreᴋûb, nuvugutsiblo poktojûb atanniub iglunganit nuitajûb akkiane, parngnanairsimaviub inningata avaluliorsimajub tungâne. Tapsoma tungâne Pedaja, Pareosib erninga.

Nehemia 3:3

Mingeriable itterviksoanga Senaab ᴋitorngangita sanavât; ᴋâᴋartipât, upkoangalo illivât, pallangairuserviᴋartilâllo, saneroaktârlugolo.

Nehemia 3:6

Jojadab Passeab erningata, Mesullamiblo, Besodjab erningata ittertarviksoak nutaungitok sanavâk; ᴋâᴋartipâk, upkuangalo, pallangairuservingillo, saneroangillo illivait.

Nehemia 8:16

Inugasaksuillo aivut aiklerlutiglo, igloᴋartitsivullo ingmingnut akkerkunik, attunît iglomik ᴋângine, innemingnelo avaluliorsimajune, Gûdiblo iglungata inningine avaluliorsimajune, apᴋosinermelo silliktome immiub itterviksoangata sângane, apᴋosinermelo silliktome Efraimib itterviksoangata ᴋanitangane.

Jeremia 31:38

Ahâk, uvlut naliutijomârput, oᴋarpoᴋ Nâlagaᴋ, iglugasaksuit igloliortaujomârmatta Nâlakamut Hananêlib nuvugusinganit terreᴋub itertarvia tikidlugo.

Jeremia 32:2

Naliutome tâpsomane Babilonib ataningata sorᴋsuktungita Jerusalem ilumavât; Jeremialo nalautaijoᴋ parngnanairsortaulauᴋpoᴋ Judab ataningata iglungata udjertortungita iglungane.

Sefania 1:10

Uvlormelo tâpsomane ᴋôrᴋsudlartut nippingit tusaksaujomârput itertarvingmit aulasagatalingmit, oᴋarpok Nâlegak, erinaluaᴋinermiglo iglunit allerpânit, kataᴋallânermiglo ᴋakᴋanit.

Johannese 5:2

Jerûsaleme saukat iterᴋattarvingata kiglingane tesseᴋarpoᴋ, Ebrêeritut taijamik Betesdamik, tellimaniglo iglotalingmik.