Nehemia 12:31 - Labrador Inuttitut Heritage Bible

³¹ Judakullo angajoᴋaunerôjungit majoarᴋovakka avaluksuit ᴋânganut, katimgajoᴋartitsivungalo maggoinik angijunik, ᴋujalidlartunik; tapᴋoa aipangit pissukput avaluksuit ᴋângine tallerpianut perorsaijut itterviksoanganut torarlutik;

Nehemia 12:31 Iomraidhean Croise

I Kronika 13:1

Davidiblo angajoᴋait 1,000 dinut 100 dinullo, angajoᴋaillo ilûnaita ᴋachimioᴋattigivait,

I Kronika 28:1

Davidiblo Israelitit angajoᴋangit ilûnaita kattiᴋovait Jerusalemut, tagva kinguvaret angajoᴋangit, ingmigolingajullo atannermik naipertortut angajoᴋangit, angajoᴋaillo 1,000 dinut 100 dinullo, pimaklertit atanniub perᴋutinginik, nergjuteᴋotinginiglo, erninginiglo, aulatsijullo atanniub iglunganik, sôngojullo angutillo angutaudlartut ilûnatik ilagilugit.

II Kronika 5:2

Tagva Salomob Israelitit angajoᴋangit illunaita, kinguvarêt angajoᴋaunerôjungit, atâtallo attanningit, kattiᴋovait Jerusalemut, Nalekab angerningata iklervinga âtauᴋovlugo takpaunga Davidib iglugasaksoanginit, tagva Zionemit.

Nehemia 12:32

Tapᴋoalo kingorngane mallikput Hosaja, Judakullo angajoᴋaunerôjungita ᴋetterᴋangit.

Nehemia 12:38

Katimgajullo ᴋujalidlartut aipangit pissulaukput tapᴋoa igluanut, uvangalo mallikpakka, inugasaksuillo ᴋetterᴋangit ilagilugit, avaluksuit ᴋângagorvigivlugit, kiaksautiblo nuvugosinga ᴋângagorvigivlugo, ᴋarmak silliktok tikkilugo.

Nehemia 12:40

Nangerpullo taimâk katimgajuk maggoit nertordlertut Gûdib iglungane, uvangalo angajoᴋaunerôjullo ᴋetterᴋangita ilagilunga;

Nehemia 2:13

Unnuarmelo horsekut annilerpunga nâksab itterviksoangagut, puailavingmut Drachemik atelingmut, itterviksoarmullo perorsaijomik atelingmut tikkidlunga; ᴋemergovakkalo Jerusalemib avaluksoangita ᴋarmangit serᴋomisimajut, upkoaksoangillo ikkomamut nerrijaumalauktut.