Nehemia 12:27 - Labrador Inuttitut Heritage Bible

²⁷ Jerusalemiblo avaluksoangita ivsornaititauninganut Levitit ilûnaita nunangine ᴋenertaulaukput, Jerusalemut tikikᴋovlugit, avaluksuit ivsornaititsomavlugit, ᴋuviasuklutik, ᴋujalilutiglo, imgerlutiglo, Cimbelillo, Psalterillo, Harfillo attorlugit.

Nehemia 12:27 Iomraidhean Croise

II Samuel 6:12

Attannerlo Davide oᴋautaulerpok tamattominga, Nalekab Obed-Edomib iglomioᴋotingit, tamaitalo pigijangit pitsartutimagit, Gudib iklervinga pivlugo. Tagva aivok aiklerlunelo Gudib iklervinganik Obed-Edomib iglunganit, takpaungartilugo Davidib iglugasaksoaᴋotinganut, ᴋuviasudlarlune.

I Atannit 8:63

Salomolo tunnergutinik tunnijivok ᴋujalijutiksatut tunnijaminik Nâlekamut, tuktuvangnik 22,000 dinik, sauganiglo 120,000 dinik. Taimaglo atanniub Israeliblo ᴋitorngangita Nâlekab iglunga attortainarpât.

I Kronika 13:8

Davidele Israelitillo illuêngarlutik Gûdib sivorngane pitsartunermingnut tamainut attorput imgerutinik, Harfiniglo, Psalteriniglo, kilautiniglo, Cimbeleniglo, tiptulautiniglo,

I Kronika 15:12

Oᴋautivaillo: Ilipse angajoᴋaunerôvose kinguvarênut Levitinut, tagva mânna sujungaititse ilipsingnik ᴋatangutipsingniglo, Nalekab Israelib Gûdingata iklervinga takpaungartilugo piᴋovluse, tagvunga inniksaliorlauktamnut tapsomunga;

I Kronika 15:16

Davidelo Levitit angajoᴋânginut oᴋarpok, ᴋatangutitik, imgerpaktut ᴋaikᴋolugit, noᴋakseralijarlutik, Psalterilijarlutiglo, Harfelijarlutiglo, Cimbelijarlutiglo piᴋovlugit, imgerᴋovlugillo nippeᴋortojomut ᴋuviasuklutik.

I Kronika 15:28

Taimâk Israelitit ilûnamasiangita Nalekab angerutingata iklervinga takpaungartipât, igiaᴋomijarlutik, tiptulausijarlutiglo, Trompetesijarlutiglo, Cimbelisijarlarmiglo nipperᴋortojunik, Psalteresijarlutiglo, Harfesijarlarmiglo.

I Kronika 15:4

Davidiblo katiᴋovait Aronib erningit, Levitillo.

I Kronika 16:42

Ilagilugillo Heman, Jeditunelo, Trometit Cimbelilo Gûdiblo noᴋakseralingningit attorlugit. Jeditunible erningit udsertortungortipait upkoaksoarnik.

I Kronika 16:5

Tapkoa Assaf sivurlek, Sacharja tuglek, Jejello, Semiramotelo, Jehiello, Matitjalo, Eliabelo, Benajalo, Obed Edomelo, Jehello, Psalterinik, Harfiniglo attorlutik; Assafible Cimbele nippeᴋortôjok attorlugo.

I Kronika 23:5

4,000 dillo udsertortungorput upkoanik; 4,000 dillo imgerlutik, nertordlertungorput Nalekamik, noᴋakseralingnik, sanalauktamnik (Davide oᴋarpok) attorlutik, nertordlerutiksanik imgerlutik piᴋovlugit.

I Kronika 26:31

Hebronekunit Jera niaᴋôlaukpok Hebronekut atâtagijangita kinguvângita akkorngane. Davidib atannioningata jâringita 40 gingane nautsertortaulaukput, nachvârtoᴋalaukporlo akkorngane Jaesereme Gileademêtome angutinik erᴋinaitunik.

II Kronika 29:25

Pitipaillo Levitit Nalekab iglungane, Cimbelijarlutik, Psalterijarlutiglo, Harfesijarlutiglo, sorlo Davide, Gadelo attanniub takkojoᴋotinga, Nathanelo nallautaijok perᴋojilaungmatta, Nalekamille perᴋojak tamna pivok, nallaitaijoᴋotingittigut.

II Kronika 29:30

Attanniublo Hiskiab angajoᴋaunerôjullo, Levitit perᴋovait Nalegak nertorlugo Davidib Assafiblo takkojub imgerutingit attorlugit piᴋovlugit. ᴋuviasuklutiglo nertordlerput okkolutiglo, opigosularmiglo.

II Kronika 5:13

Imailaukporlo attausênak Trompetesijarajarune imgerajarunelo, nippe attausênak tussartaunajarune Nalegak nertorlugo ᴋujagilugolo. Trompetillo, Cimbelillo noᴋaᴋseraggillo sunatuinait, nertordlertullo Nalekamik, pitsiarmat napkiningningalo sorairniatsangimat issoᴋangitomut, nippingit pigialermatta: tagva Nalekab iglunga illumertaulerpok nuvujarmik,

II Kronika 7:6

Ajochertuijullo nangerput pinniaraksamingne, Levitillo Nalekab noakseraliᴋotinginik, attanniub Davidib sannajauᴋolauktanginik attorlugik, Nalegak ᴋujalivigilugo, napkiningninga soraijuimat, Davide imgerlune nertordlerlaurangat tapkutiguna. Ajochertuijullo akkingerlugit Trompetesijarput, Israelitilio illunamasiatik nangerput.

Esra 6:16

Israeliblo ᴋittorngangita, ajochertuijut, Levitit parngnanairsortaumalauktullo ᴋittorngangita assingita Gudib iglungata attortautainarninga uvloksiorpât ᴋuviasuklutik;

Nehemia 11:20

Israelitillo assingit, ajoᴋertuijut, Levitillo Judab iglugasaksoangine ilûnainêlaukput, attunît nangminerijamingne.

Nehemia 12:43

Uvlormelo taipsomane tunnergutit unnuktut tunnijauvut, ᴋuviasulaukpullo; Gûdib ᴋuviasungneᴋartilaungmagit angijomik, arnallo sorrutsillo ᴋuviasulaukputtauk, Jerusalemiullo ᴋuviasungningat tussartaulaukpok ᴋaningitomit.

Nehemia 8:17

Ilagêllo ilûnâmasiatik uttersimajut parngnanairsimavingmit, sanavut iglunik akkerolingnik, innigivaillo. Israelib ᴋitorngangit Josuab Nunib erningata nalliuninganit uvlok tamânna tikkidlugo taimailiorlaungimatta; ᴋuviasungnevaksoaᴋalaukporlo.

Imgerut 149:3

Attinga nertoraksarivât okigêserlutik; ᴋillautinut, Harfinnullo nipliajorvigijaksarivât.

Imgerut 30:1

Nakorivagit Nâlegâk, igvit angijorortilunga ᴋellulauramga, ômigijikkalo ᴋuviasuᴋolungilattit pivlunga.

Deuteronomy 16:11

Serrijuksauvotillo Nâlekab Gûdivît sângane, igvit, ernîllo, panîllo, kivgallo angut, kivgallo arnak; Leviteojorlo itertarvingnêtok, takorngartarlo, iliarsuglo, uigarnerlo, akunapsingnêtut, ineme Nâlekab Gûdivit annerijangane aterminut iniksauᴋovlugo.

Deuteronomy 20:5

Angajokâllo inuit oᴋarvigijaksarivait, oᴋarlutik: Kina nutâmik igloliorsimavâ atijauviksiornagolô? Tâmna iglominut angergariartorle, toᴋoᴋonago unatarnerme, tâpsomalo assianut atijauᴋonago.

Filippimiunut 4:4

Kuviasutsainaritse Nâlekame, amalo oᴋarpunga: ᴋuviasugitse.

Takotitaunermik 5:8

Aglaillo tigungmagit, ômajut sitamat taipkoa Angajoᴋaunerôjullo 24 it pâmakterput Saugârsûb sânganut, ilûnatiglo atunit harfeᴋarput iluleᴋuteᴋarlutiglo goldinik isseluanerutiksamik tatatunik; tamadja ivsornaitut tuksiarningit.