Nehemia 10:37 - Labrador Inuttitut Heritage Bible

³⁷ ᴋakᴋojaksaptalo innerᴋârtungit, tunnergutiksaptalo sivurlingit, nappârtullo tamaita paungâlungit, Weineliksallo iptingit, orksuglo innerᴋârtut âtsomagaptigik ajoᴋertuijunut inninut Gûdib iglunganêtunut; nunaptalo tallimaujoanik Levitinut, Levitit tallimaujoanik peᴋarᴋovlugit iglugasaksoaptingne perorsêviktalingne tamaine.

Nehemia 10:37 Iomraidhean Croise

II Kronika 31:6

Israeliblo Judablo ᴋittorngangit, Judakut iglugasaksoangine nunnaᴋartut, âtsivuttauk tuktuvait saukallo tallimaujunginik, ivsornaititaumajullo, ivsornaitilauktamik (tunnilauktamik) Nalekamut tallimaujunginik, kattititaᴋartitsivullo mânelo ikkanelo.

Nehemia 13:10

Tussarpungalo Levitit aitûsiaksangit tunnijaulaungimatta tapᴋonunga; tamana pivlugo Levitit imgerpaktullo, pinniaraksanik pinniartuksat, ᴋemâlaukput attunît perorsêvingmingnut.

Nehemia 13:12

Tagva Judakut ilûnâmasiatik ᴋakᴋojaksat Weineliksallo iptingita orksullo tallimaujoat âpait Perᴋutitalingmut.

Nehemia 13:5

Âᴋiksoilaungmat taipsomunga innemik angijomik Takᴋamungalo illijilaukpok sivurngane tunnergutiksanik Nerᴋiksanik, Weihrauchemiglo, ilûlerkutiniglo, ᴋakᴋojaksallo tallimaujoanik, Weineliksallo iptinginik orksumiglo, aitûsiaksanik Levitinut, imgerpaktunullo, upkoaniglo udsertortunut, tunnergutiksallo ajoᴋertuijunut.

Nehemia 13:9

Perᴋojivungalo inne sujungaititauᴋovlugo; Nâlekablo iglungata perᴋutingit ittertinivakka takᴋamunga, tunnergutiksat nerᴋiksat, Weihrauchelo.

Exodus 13:12

Ilingatitaksarivatit Nâlekamut tamaita angmaijut igliarmik, nergjuteᴋotivillo erniarirᴋârtangit tamaita; angutaujut perᴋutaujuksauvut Nâlekamut.

Exodus 13:2

Ivlernartikit uvamnut erniangorᴋârtut tamaita, igliarmik angmaijut tamaita Israêlikune, inungnelo nergjutinelo: Uvanga pigivakka.

Leviticus 23:17

Niaᴋôjângnik sanervaiᴋitârtitaksângnik maggûngnik efab tallimaujoatut maggûktut oᴋumaitigijûngnik ᴋaitsijuksauvose iglupsingnit; sanaugatsiarmit sanajaujuksauvuk, pubjusauteᴋartilugik igajaujuksauvuk, pijariorutiovlutik Nâlekamut.

Mâlaki 3:10

Katersortapse tellimaujoat ilûnaita âsigik ᴋematulivingmut, nerᴋiksaᴋarᴋovlugo iglumne, ôktorsingalo mâna mattomunga, oᴋarpoᴋ Nâlegaᴋ Zebaot, ᴋilaub igalângit angmaromângimangâpkit ilipsingnut, saimanartoᴋsoarmiglo koveriluse nimniornadlartomik.

Mâlaki 3:8

Inûb Gude arᴋtaiviginiarᴋaûk? Ilipsele arᴋtaivigivapsinga. Oᴋarposele: Sunamik arᴋtaivigivitigît? Katersortapse tellimaujoanik tunergutiniglo isautijaujunik.

Numbers 18:15

Igliamik angmaijut uvinilingne tamaine tunijaujut Nâlekamut, inômangât nergjuteomangâllônêt, perᴋutiginiarpatit; erniangoᴋârtorlo inungne pisiarijaksarivat, nergjutillo ivsornartut erniariᴋârtangit pisiarijaksarivatit.

Numbers 18:18

Nerᴋingillo perᴋutigilârpatit, sôrlo sakkiaᴋ isautijauᴋattartoᴋ tallerlo isautijaujoᴋ ᴋongmut perᴋutigigangne.

Numbers 18:21

Levikunullo ahâk Israêlikut perᴋutingita tellimaujungit tamaita kingormgutijaksautisimavakka, akkiksauᴋovlugit kivgartorninginut piniarnerijanginut ilagêktut tupingane.

Rômiunut 11:16

(Sanaukab sanamajub) sivorlerpângat ivjornaikpat, niaᴋôjaksaᴋtauᴋ ilûnane ivjornainivoᴋ; amârlo ivjornaikpat, akkerungittauᴋ ivjornainivut.

Deuteronomy 14:22

Karngasortavit unuksiningita tallimaujungit ilûnaita, perorsêvingme perortut jârit tamât, ingmikôrtitaksarivatit.

Deuteronomy 18:4

Senaugaksavît, vainevîllo, orᴋsuvillo pijariorutingit, saugakotivîllo salijaujut sivorlerpângita merᴋungit, tunijaksarivatit tâpsomunga.

Deuteronomy 26:2

Tigusijuksauvotit nunavît perutsiangita pijariorutit ilanginik angergautijarnik nunamit Nâlekab Gûdivît tunijanganit ilingnut; ilijaksarivatillo amârgaujarmut, ailutillo inemut Nâlekab Gûdivît annerijanganut atterminut iniksauᴋovlugo.