Nehemia 10:29 - Labrador Inuttitut Heritage Bible

²⁹ Ilauvut ᴋatangutimingnut erᴋanartunut, tikkipullo angerlutiglo angermaringnermut, agvertaromagamik Gûdib malligaksauᴋojangit malliklugit, tunnilauktangit Mosekut, Gûdib kivgaᴋotingagut, nallautsititsijomagamik, pinniaromagamiglo Nâlekab atanniotivigijipta perᴋojangit, idluarijangillo, ilûsiksauᴋojangillo tamaita malliklugit;

Nehemia 10:29 Iomraidhean Croise

II Atannit 10:31

Jehuble kamagingila Nâlekab Israelib Gûdingata perkojangit malliklugit agvertarlune omamut tamâmut; Jerobeamib Israelitinik idluitullititsilauktub idluiningit allârlungimagit.

II Atannit 23:3

Atannerlo nangerpok nappajut ilangane, angerᴋattigêngnekartitsivorlo Nâlekab sângane, Nâlegak malliklugo agvertaromagamik, perkojangillo, illusiokojangillo, idluarijangillo malligomavlugit, omamut tamânut, tarnemullo tamânut, angerᴋattigêngnerub oma oᴋausertangit aglaksimajut aglangne tamakkonane nallautsititsomavlugit. Innugiartoksuillo ilunnatik angerᴋattigêkput.

I Kronika 9:2

Sivorngane nunaᴋalauktut pigijamingne iglugasaksoaᴋotimingnelo Israeliteôlaukput, ajuᴋertuijut, Levitit, Nethinimilo.

II Kronika 34:31

Attannerlo nangerpok innimine, angerᴋattigêngneᴋartitsivorlo Nalekab sângane, Nalegak malliklugo agvertaromagamik, perᴋojangillo, illusioᴋojangillo, idluarijangillo malligomavlugit omamut tamânut, tarnemullo tamânut, angernerub oᴋausertangit aglaksimajut aglangne tapᴋonane tamaita malliklugit pinniaromagamik.

II Kronika 6:16

Manna Nalegak Israelib Gudinga, kivgait Davide, atâtaga, soᴋᴋosijuititsivigilauruk oᴋauserilauktarnik tapsomunga, oᴋarlutit: Ajoksartuksaungilatit angumik, sâmne iksivajomik Israelib iksivautangane, ernitit kammatsiartuinarpatta apᴋotigijamingnik, agvertarᴋovlugit perᴋojamne, sorlo igvit sâmne agvertarlauravit.

Nehemia 13:25

Suarpakkalo, oᴋarnerlugvigilugillo, angutillo ilangit annaulerpakka nussuilugillo, angermaringnermiglo Gûdib sângane tigusivunga tapᴋonangat: Panise tunnijaksaringilasse taipkoa erninginut paningillonêt tigunagit ernipsingnut, nangminipsingnullonêt.

Nehemia 7:46

Nethinimit: Zihab ᴋitorngangit, Hasufab ᴋitorngangit, Tabaotib ᴋitorngangit,

Nehemia 8:2

Esrablo ajoᴋertuijub perᴋojat âpait ilagêt, angutit arnallo ilûnatiglo tussarungnartut tapᴋoninga sânginut, takkit 7 ingata uvlungita sivurlingane,

Nehemia 8:3

Attuarpaillo apᴋosinerme silliktome immiub itterviksoangata sânganêtome, uvlarârsungmit uvlub ᴋetterarninga tikkidlugo. Inugasaksuillo siutingit ilûnatik torarput aglanut perᴋojaktalingnut.

Nehemia 9:2

Israeliblo kinguvangit avitipait takkorngartat ᴋitornganginit tamainit, nangeriartorlutiglo ajornitik, atâtagijamiglo idluitulliningit kigligiutigilugit.

Nehemia 9:38

Taimailingagalloarlutalo Angerᴋattigêngneᴋartitsivogut soᴋosijuitomik, aglaklutalo, angajoᴋaunerôjuptingnullo, Levitinullo, ajoᴋertortiptingnullo nakkitertauᴋovavut.

Imgerut 105:45

Nâlatsiartuksauᴋovlugit idluarijanginnik, ivlersijuksauᴋovlugillo malligaksauᴋojanginnik. Halleluja.

Imgerut 119:106

Angermarikpunga malligomavaralo, idluarnivit idluarijangit torᴋoromagapkit.

Imgerut 8:1

Nalegak attannerijavut, ila ânanaudlartoksôvok attit, nunanne illunaine, ᴋujalinermik illingnik torârtitsijoᴋartunne ᴋillangmut!

Imgerut 8:9

Nâlegak attannerijavut, ila ânanaudlartoksôvok attit nunanne illunaine!

Jesaiase 14:1

Nalekab Jâko nâpkigijomârpâ, Israêle aneriluarlugo, âtillugik nunangangnut. Takkorngartallo tikkitsomârput, Jâkokkunut kattimgajomavlutik.

Jeremia 26:4

Oᴋautijaksarivatillo: Imâk oᴋarpoᴋ Nâlagaᴋ: Tusaromangikupsinga, arvertaromanase perᴋojamne, sâpsingnut pititamne,

Jeremia 34:15

Ilipsele anusingorsimalauᴋpose mâna, piniarluselo idluarijamnik, ᴋaujititsigapse kipalûtjârinipsingnik inôᴋatipsingnik; sâmnalo angeᴋatigêngneliolauᴋpose iglome attimnut taijaujome;

Hesekiel 36:27

Anerneralo pititsomârpara ilupsingnut, arvertartiluselo ilusioᴋojamne, idluarijakkalo malilârpase piniarlugillo.

Leviticus 20:26

Ivsornaituksauvoselo sâmne, Uvanga Nâlegaujunga ivsornainama, ingmigolingatipapselo inôᴋatigêksoarnit perᴋutauᴋovluse uvamnut.

Mâlaki 4:4

Erᴋarsigik kivgama Môsesib perᴋojangit, perᴋojijutigilauᴋtakka tâpsomunga Israêlikut tamaita pivlugit Hôrebeme, maligaksallo idluarsaijutiksallo.

Numbers 5:21

Tagva ajoᴋertuijûb arnaᴋ kigligiksartitaksarivâ angermaringneᴋ ôminarsijutiksaᴋ atorlugo, ajoᴋertuijûblo arnaᴋ oᴋautijaksarivâ: Nâlekab ôminartungortilitit oᴋarnilutiksangortilutillo inôᴋativit akorngane, Nâlekab ᴋoktorait uvinêrutikpago, nâllo publertilugo;

Johannese 1:17

Perᴋojalle Môsesekut tunijauvut, saimanek mikseᴋârnerlo Jêsuse Kristûsekut pivuk.

Johannese 15:14

Ilipse ilannârivapse, piniarutjigupse perᴋojamnik.

Johannese 7:19

Môsesib perᴋojanik tunitjivigilaungilâsê? Akunapsingnelo maliktoᴋangilak perᴋojanik! Sôᴋ toᴋonasuarpisingâ?

Apostelit Piniarningit 11:23

Tâmna tagvunga pigame, Gûdiblo saimanersoanga misigileramiuk, ᴋuviasulerpok kaiblarlugillo tamaita pivait, ômamut ilûnânut nipingatsainarᴋovlugit Nâlekamut.

Apostelit Piniarningit 17:34

Angutille ilangita najugarivât, okpilerlutiglo; taipkoa ilangat Dionîsiuse, kiglisiniarpaktut ilangat, arnarlo Damarisemik atilik; asingitalo ilagivait.

Apostelit Piniarningit 23:21

Igville nâlangniarnagit, taipkoa akorngane anguteᴋarmat ununersanik 40 nit, tâpsominga pinasuartunik, taipkoa angeᴋatigêlaukput nerrijomanginermik imeromanginermiglo, Paulusemik toᴋotsilauᴋâratik, mânalo opalungairsimavut, utaᴋivlutiglo angerniarnernik.

Rômiunut 12:9

Naglingneᴋ takkormôrtailile. Ajorneᴋ ômigisiuk, ajunginerle ungagisiuk.

Deuteronomy 33:4

Mosesib tunitjivigilauᴋpâtigut perᴋojanik, kingormgutijaksanik Jakob ilagêktoksôninginut.

Deuteronomy 5:1

Mosesiblo Israêlikut tamaita ᴋaiᴋovait, oᴋautilugillo: Ilipse, Israêlikut, perᴋojat maligaksallo, oᴋautigijakka uvlome siutipse sângane, tusarsigik ilinialugillo, puigorniarasigiglo, tamakkoa maliklugit piniarᴋovluse.

Deuteronomy 5:32

Taimaimat kamatsiaritse piniarᴋovluse sorlo Nâlekab Gûdipse perᴋongmase; talerpingmullônêt saumingmullônêt sangujuksaungilase.