Nehemia 1:9 - Labrador Inuttitut Heritage Bible

⁹ Sâniarupsele uvamnut perᴋojakkala kamagigupsigik, pinniarutigigupsigiglo, ajaktortaumagalloarupselo ᴋilaub issua tikkidlugo; sulle tagvangat kattersoromavapse, atsomaluselo innemut annerijamnut, atera tagvaneᴋovlugo.

Nehemia 1:9 Iomraidhean Croise

I Atannit 8:48

Taimaglo sâlerpatta illingnut omamut tamânut, tarnermullo tamânut, omigijimik, aularutijimik nunangane, tuksiarpattalo illingnut, sâlutik nunagijamingnut atâtagijanginut tunnilauktarnut, iglugasaksoarnut annerilauktarnut, iglomullo igloliorlauktamnut aternut.

I Atannit 9:3

Nâlekablo oᴋautiva: Tuksiarnit, ᴋenunîllo, ᴋenunerilauktat uvamnut, tusarlaukpara, iglolo tamânna igloliorlauktat, atimnik pititsiᴋovlunga tagvunga soraijuitomik, ivsornaiviotilaukpara; ijikkalo omatigalo tagvanêtuksauvut nelliutune tamaine.

I Kronika 16:35

Oᴋaritselo: Ikajortigut Gûde piulijivut, katitilutalo piulitigullo nallojunit, attit heiligeôjok ᴋujagilugo, igvillo nertorlutit piᴋovluta.

Esra 6:12

Gudelo kujusimalauktok tagvane inneᴋaromavlune, toᴋᴋotsilerle attannernik innuᴋattigêksoarniglo tamainik, aggamingnik issaktunik Gudib iglunga Jerusalemêtok ablatsangortitsomavlugo serkomitsomavlugolonêt. Uvanga Dariuseôjunga tamanna perᴋolaukpara, illungertornermut piniartauᴋovlugo.

Imgerut 106:47

Ikajortigut Nâlegak Gûdivut, kattersortigullo nallojunnit; nertordlerᴋovluta atternik hailigeôjomik, nakorsarᴋovlutalo nertornarnernik.

Imgerut 107:3

Nunannillo kattersulauktangit unangat, pângat, avangat imarbingmillo;

Imgerut 147:2

Nâlekab Jerusaleme sannavait, aijaliktaumajullo Israeleme kattersorpait.

Jesaiase 11:12

Saimaseromârporlo kattilerutiksaujunik nallojunut, unangmijaujullo Israêlitit kattititsomârpait, siamanggajullo Jûdamiut kattersoromârpait nuaᴋsûb kiglinginit sittamanit.

Jesaiase 27:12

Taipsomane Nâlegaᴋ katjugomârpoᴋ sullugainernik kôksûb kiglinganit Egiptenib kôksoanga tikkidlugo; illipselo, Israêlikkut, nallekârluse kattititaujomârpose.

Jesaiase 56:8

Nâlegaᴋ Gûde, ajaktortaumajunik Israêlitinik kattersoijoᴋ, oᴋarpoᴋ: Ununersanik kattersoijomârpunga sulle, kattititaumajunut pitillugit.

Jeremia 12:15

Imaitsomârporlo: Nussuksimajarêrupkit, uteromârivunga nâpkigijomavlugillo; tikiutitsomalerivakkalo atunit kingormgutijaminut, atunillo nunaminut.

Jeremia 3:14

Uteritsetôᴋ, ᴋitorngaujose kingupiartorsimajose, Nâlagaᴋ oᴋarpoᴋ, aipaujomagama ilipsingnut; katersoromagapse, atauseᴋ iglugasaksoarnit, magguglo ᴋitorngarênit, tikiutitsomavapselo Zionemut:

Jeremia 31:10

Nâlakab oᴋausinga tusarsiuk, inôᴋatigêksoangojose ilipse, oᴋautigisiuglo ᴋikertane ungasiktune; oᴋaritselo: Israêlikunik siamartitsilauᴋtûb katersoromârivait ama, pairijomârlugillo, sorlo saukanik mianersijûb saukane pairingmagit.

Jeremia 32:37

Ahâk, katersoromavakka nunanit tamainit ajaktortauviotilauᴋtamnit tâpkoninga ningarnimne, ᴋaningaumajârnimnalo, ilungertudlarnermelo; tikiutitsomagivakkalo tamaunga, terliklutiglo inôᴋojomavakka;

Jeremia 6:22

Imâk Nâlagaᴋ oᴋarpoᴋ: Ahâk, inugiartoᴋsoarnik tikitoᴋaromârpoᴋ nunamit taggardlermit, inôᴋatigêksuillo allakâromârput nunamit ungasingnerpângojomit.

Hesekiel 14:6

Taimaimat Israêlib ᴋitorngangit oᴋautikit: Imâk oᴋarpoᴋ Nâlegaᴋ Nâlegaujoᴋ: Uteritse, allaivluselo gudingoapsingnik, kênaselo sangutisigik maᴋojungnartulinipsingnit tamainit.

Hesekiel 36:24

Tigujomârapse inôᴋatigêksuit akornganit, katersoromârluselo nunanit ilûnainit, tikiutiluselo nunaᴋotipsingnut.

Leviticus 26:3

Maligaksaukojakka arvertarvigigupsigik, perᴋojakkalo nâlekupsigik piniarlugillo;

Saggaria 8:7

Imâk oᴋarpok Nâlegak Zebaot: Ahâk, inuᴋotikka piulijomavakka nunamit seᴋerngub nuiviata nalânêtomit seᴋerngublo nipiviata nalânêtomit;

Mattêuse 24:31

Engelinalo tilijomârpait tiptulautilijartut nipperᴋortojunik; anerijangillo katitilugit anorenit sitamanit, ᴋilaub issuanit issuanut.

Deuteronomy 12:21

Iniksak Nâlekab Gûdivît annerijanga atterminut iniksauᴋovlugo ungasiluarpat ilingnit, tagva toᴋotsigit tuktuvaᴋotivît saugakotivîllônêt, Nâlekab tunijangata ilingnut, ilanganik, sorlo perᴋogapkit, itertarvingnelo nerrigit, tarnivît pijomajanga tamât maliklugo.

Deuteronomy 12:5

Iniksarle Nâlekab Gûdipse annerijomârtanga kinguvârêngnipsingnit tamainit atterminut iniksautitsomavlugo, inigijomârtanga tâmna torâvigijaksarivase, tagvungartuksauvluselo;

Deuteronomy 30:1

Imaitsomarporlo, ukkua tamarmik nelaupatit, saimartitaunerûb ôminarsiᴋojaunerûblo, sâtitama ilingnut, erᴋaumagungnelo inôᴋatigêᴋsuit, Nâlekab Gûdivît ᴋemâviotitangita ilingnut, akornganêtilutit,