Nehemia 1:7 - Labrador Inuttitut Heritage Bible

⁷ Idluitullivigilaukpaptigit, perᴋojallo, innatsinerillo, idluarnerillo, perᴋolauktatit kivgaᴋotingnut Mosemut, malilaungilavut.

Nehemia 1:7 Iomraidhean Croise

I Atannit 2:3

Kamagikillo kamagijaksat Nâlegak Gûdit pivlugo, agvertarᴋovlutit tapsoma apᴋosiningine, kamatsiarᴋovlutillo illusioᴋojanginik, perᴋojanginiglo, idluarijanginiglo, kigligiudsininginiglo, sorlo aglaksimangmat Mosesib perᴋojangine, sillatôᴋovlutit piniarnerne ilûnnaine, namullo sangulervigijarne;

II Kronika 25:4

ᴋittorngangille toᴋᴋolaungilait. Taimak aglaksimangmat perᴋojane, Mosesib aglangine, Nalegak perᴋojingmat, oᴋarlunelo: Atâtat toᴋᴋotaujuksaungilat ᴋittorngat pivlugit, ᴋittorngallonêt atâtat pivlugit; nallialle ajornine pivlugit toᴋᴋotaujuksauvok.

II Kronika 27:2

Pinniarporlo Nalekab namagijanganik, taimaluatsiak sorlo atâtanga Usia pinniarlaungmat; kissiane Nalekab Tempelinganut itterlungimat; innugasaksuille idluitullivut sulle.

Esra 7:6

Illisimatsiangolauktok aglangnik, Mosesib perᴋojanginik Nalekab Israelib Gudingata tunnilauktanginik. Attanniublo tunnitsivigiva tamainik pijomajanganik, Nalekab Gudingata aggangita ᴋollangiarninginut tapsominga.

Imgerut 106:6

Ajortullilaukpogut atâtagilauktavut illagilugit; namangitullilaukpogut, Gûdeᴋangitôlauklutalo.

Imgerut 89:31

Illusioᴋojakka ivsornaijungnaitipagit, perᴋojakkalo mallilungipapit:

Imgerut 89:32

Tagva ajorningit nallipsaromavakᴋa issaᴋaumut, idluitulliningillo sugiarnermut.

Jesaiase 1:4

Kappianarmêk nunaᴋatigêt idluitullijoᴋsuit, innugasaᴋsuit ajortoliksuit, kassẽtoᴋsuit kinguvângit, ᴋitorngat asserorsaijut, tâpkoa Nâlegaᴋ ᴋemangmatsuk ivlernartitorlo Israêlikkune oᴋarnerlûtigingmatsuk tunnulugo.

Daniel 9:11

Ilâ, Israêlitit ilûnamaritik piᴋojatit tapagivait, ᴋalusirialutik aglât nippît tusaromanago; tamanna pivlugo ôminarᴋojiniᴋ kovijauvoᴋ uvaptingnut, angimaringnerlo aglaᴋsimajoᴋ Mosesib Gudib kivgangata piᴋojangine, idluitulivigigaptigo.

Daniel 9:13

Sorlo aglaᴋsimangmat Mosesib piᴋojangini, idluinirub tamattoma angijoᴋsûb tikipâtigut; sullili Nâlegapta Gudipta saimaninga ᴋinuarilungilavut, sâgiaromavluta idluituliniptingnit, miksiᴋârnilo tukkisijomavlugo.

Hosea 9:9

Sôngojomik idluitiput nangminermingnik sorlo Gibiab uvlungine; idluituliningit tâpsoma erᴋaumalârpait, nelipsalârpaillo ajorningit.

Leviticus 27:34

Tamadja perᴋojat, Nâlekab perᴋojijutigijangit Mosesemut Israêlib ᴋitorngangit pivlugit, ᴋakᴋame Sinaime.

Sefania 3:7

Oᴋarpunga: Âhamarik, erᴋsiginiarpalukparma, inertertauniarpalukpotit; ininga piniarvioᴋonago kajusijutigilauktamnik tâmna pivlugo: uvlârolaukpulle asserornartulijomavlutik.

Mâlaki 4:4

Erᴋarsigik kivgama Môsesib perᴋojangit, perᴋojijutigilauᴋtakka tâpsomunga Israêlikut tamaita pivlugit Hôrebeme, maligaksallo idluarsaijutiksallo.

Deuteronomy 4:1

Manalo, Israêl, maligaksat idluarsautiksallo Ajuᴋertûtigijakka ilipsingnut tusarsigik, piniarᴋovluse tâpkoninga; inôᴋovluse, iterᴋovluselo nunalo Nâlekab, atâtapse Gûdingata, tunijanga ilipsingnut pigilugo.

Deuteronomy 4:5

Ahâk, ajuᴋertorpapse maligaksanik idluarsautiksaniglo, sorlo Nâlekab Gûdima perᴋongmanga, taimailiorᴋovluse nuname aivigijapsingne pigijomavlugo.

Deuteronomy 5:1

Mosesiblo Israêlikut tamaita ᴋaiᴋovait, oᴋautilugillo: Ilipse, Israêlikut, perᴋojat maligaksallo, oᴋautigijakka uvlome siutipse sângane, tusarsigik ilinialugillo, puigorniarasigiglo, tamakkoa maliklugit piniarᴋovluse.

Deuteronomy 6:1

Tamadjalo perᴋojat, maligaksallo, idluarsautiksallo Nâlekab Gûdipse ajuᴋertûtauᴋojangit ilipsingnut, piniarᴋovluse tâpkoninga nuname ikârvigijaksapsingne pigijomavlugo;

Takotitaunermik 19:2

Erᴋartuiningit mikseᴋârtôvlutiglo idluartôngmatta, anguniartoksoak erᴋartulaungmago, anguniarnerminut nunamik asseroilauktok, kivgamelo aungit akkiniarutigilugit, tâmna pidlalaungmago.