Nehemia 1:6 - Labrador Inuttitut Heritage Bible

⁶ Siutikik kamatsiarliktôk, ijikiglo uitalerlîk, Tussarᴋovlutit kivgaᴋotivit tuksiarninganik, tuksiarutigijamnik mânna sângne uvlotilûgo unnuamelo, Israelitit kivgaᴋotitit pivlugit; ᴋanorlo Israelib ᴋitorngangita idluitulliningit, pinniarlauktavut ilingnut, kigligiutigigapkit; uvangalo atâtamalo iglomioᴋatangit idluitullilaurivogut.

Nehemia 1:6 Iomraidhean Croise

I Atannit 8:30

Taimâk tagva tusalaurit kivgavit inuᴋotivillo Israelitit ᴋenuninginik ᴋenuneriniartanginik mâne; tusalerit tamattominga inneme, innigijarne ᴋillangme, tusalaurit isumagijungnailugillo ajornerit.

I Atannit 8:47

Omamiutarilerpatsuglo nuname parngnanairsimavigijamingne, sâlerpattalo tuksiarlutiglo illingnut, nuname parngnanairsimavigijamingne oᴋarlutiglo: Idluitullilaukpogut, tammarlauklutalo uivêtolaukpogut;

II Kronika 28:10

Mannalo kajusimavose Judamiut Jerusalemiullo ᴋittorngangit attanniotivigijomavlugit, angutillo arnallo kippalungortitsomavlugillo illipsingnut. Idluineᴋangilak illipsingne, illa illipsingne, akkerartortomik Nalekamut Gudipsingnut?

II Kronika 29:6

Atâtagijavut tammarlaungmatta, pinniarlaukpullo Nalekab Gudipta idluigijanginik, ᴋemmalaukpâllo. Kênatik sangulaungmagit Nalekab iglunganit, tunnulaukpâllo;

II Kronika 6:40

Taimak manna Gudiga ijikik uitalaulik, siutikiglo ᴋammatsiarlaulik, tuksiarnermik inneme omane.

Esra 10:1

Esralo taimak tuksiartillugo, kigligiksarlunelo ᴋêavlunelo pamangatillugo Gudib iglungata sângane, kattimalerput tapsomunga Israelitinit illagêt unnuktoksuit, angutit arnallo, sorutsillo, innugasaksuit ᴋêavaksoadlarmatta.

Esra 10:11

Tagva manna Nalegak atâtagijapse Gudingat kigligiksarvigisiuk, pinniarluselo namagijanganik, apterluselo nunab innuᴋattigêksoanginit, nullinillo takkorngartanit.

Nehemia 1:11

ᴋanoktôk Nâlegak siutikik kamatsiarlik, kivgaᴋotivit tuksiarninganik, kivgaᴋotivillo assima tuksiarninganik, tussudlartut atit sivuragijomavlugo; kivgaᴋotillo uvlome sullitilauruk, napkiningneksiᴋolugolo angutib ipsoma kênangata sângane. Imiksaliorteôlaurama atannermut.

Imgerut 102:17

Tâpsoma ᴋemaksimajut tuksiarningit sâvigivait, tuksiarningillo nachogingilait.

Imgerut 106:6

Ajortullilaukpogut atâtagilauktavut illagilugit; namangitullilaukpogut, Gûdeᴋangitôlauklutalo.

Imgerut 130:2

Nâlegak nippiga tussalauruk, siutikik kamalîk ᴋennunima nippinganik.

Imgerut 32:5

Tagva ajornimnik kigligiksarvigilaukpagit, idluitullinikkalo angiaritailivakka. Oᴋalauktunga: Nâlegak tappanimnik kigligiksarvigijomavara; tagva issumagijungnaivigilaukparma ajornima idluitoksôninginit, Sêla.

Imgerut 34:15

Nâlekab ijikita idluartut kamagivait, siutikitaklo nipliadlarningit.

Imgerut 55:17

Unnuktillugo uvlangotillugolo ᴋetterartillugolo ârusugomavunga ᴋêajomalungalo; tagva nippiga tussarniarpâ.

Imgerut 88:1

Nalegak Gûde; piulijiga, nipliadlarpunga sângne, uvlotillugo unnuamelo:

Jesaiase 6:5

Tagva oᴋarpunga: Kappianarmêk uvanga nungutaksauvunga ᴋangasinâᴋartunga ivsornartoᴋsôjûngnik inuillo ᴋangasinâᴋartut ivsornartoᴋsôjunik akkornganne nunaᴋartunga, ijîngma takkongmakko attaneᴋ ᴋilangmiugasaksuit Nâlegangat.

Jeremiab Ogguarutigijangit 5:7

Atâtavut idluitulidlalaukput, itsungnaipullo; uvagullo idluituliningit erᴋsukpavut.

Daniel 9:15

Mânalo, Nâlegaᴋ Gudivut, inuᴋotitit aularutivatit nunamit Egiptenimit aggangnut pitsartudlartunut, tusaumajaujungortilutillo sorlo uvlomi ingmat; uvagut idluitulidlarpogut nâmangitulivlutalo.

Daniel 9:20

Oᴋartilunga, tuksiartilungalo, kigligiutjitilungalo ajornimnik inuᴋotimalo Israêlitit ajorninginik, manijitilungalo tuksiutjinimnik Nâlekab Gudima sânganut, Gudima ᴋaᴋᴋanga ivsornaitoᴋ pivlugo;

Daniel 9:4

Tuksiarpungalo Nâlekamut Gudimnut, kigligiksarlungalo oᴋarlunga: Nâlegaᴋ, Gudeojotit angijoᴋ sivôranartoᴋsôjorlo, angirutigijarnik nâpkiningnimiglo nalautsititsijotit nagligijingnut piᴋojarniglo nâliktunut;

Daniel 9:5

Idluitulidlarpogut takormôrlutalo, nitornangitomik piniarpogut oᴋautsarêdlutalo, sanguvluta aglât piᴋojarnit idluarijarnillo;

Daniel 9:8

Nâlegaᴋ, uvagut, atanivullo, angajoᴋâᴋsoavullo, atâtagijavullo kangusudlartuksauvogut idluitulivigigaptigit.

Lukase 18:7

Gûdible anerijane piulinajangilagît, uvlut unanuallo nâvlugit nipliavigingmatsuk, unêt akunêralloarunê?

Lukase 2:37

Mânale uigarniojok jâreᴋalerdlune 84 nik, katimavingmit nûlungimariktok, tuksiarnermullo nerritailinermullo Gûde kivgartorpâ uvlullo unnuallo tamaita.

Efêsusemiunut 2:3

Tâpkoa akorngane uvaguttauᴋ mattoma sivorngagut taimailaurivogut ilûnata, uvinipta ikliguningit maliklugit, uvingublo pijomajanga erᴋarsautingillo nâleklugit; ingergaptalo ningautsib ᴋitorngarilauᴋpâtiguttauᴋ assiptitut.

I Timôteusemut 5:5

Tâmnale uigarniovok idluartok, inutôgune, Gûdemik tattetuaᴋarune, sorairanelo ᴋenuvlune tuksiarlunelo uvlôtilugo unnuamelo.

II Timôteusemut 1:3

ᴋujagivara Gûde, kivgartortara sivorlerijakka maliklugit issumamut ivsornaitomut, sorairnanga erᴋatsainarapkit tuksiarnimne uvlôtilugolo unnuamelo.

I Johannesib 1:9

Ajornivulli kigligiksautigiguptigik, tâmna nitornartôvluni idluartôvoᴋ, issumagijungnaivigigamitigut ajorniptingnit, sujungaitilutalo idluitunit tamainit.

I Samuel 15:11

Kaᴋᴋialerpunga Saule attaningortilaurapko; tunnusimangmanga, oᴋautsikkalo nallautsitilaungimagit. Tamanna Samuelib issumajarutigilerpa, niplialunelo Nalekamut unnuak nâlugo.