Nehemia 1:4 - Labrador Inuttitut Heritage Bible

⁴ Oᴋautsille taimaitut tussarapkit, iksivalerpunga ᴋêalungalo, ogguarlarmalo uvlut ᴋapsit nâvlugit, nerritaililungalo tuksiarlungalo ᴋilaub Gûdingata sângane,

Nehemia 1:4 Iomraidhean Croise

II Samuel 12:16

Davidiblo Gude tuksiarvigiva nukapiarârsuk pivlugo, nerritaililunelo itterporlo, pamangalunelo unnuak nâlugo netterme.

II Atannit 22:19

Tamanna pivlugo, omattit auksititaulaungmat oᴋautsinut tussarlauktarnut, nikkanarsarlauravillo illingnik Nâlekab sângane, tussarlauravit oᴋauserilauktamnik, iglugasaksuit tamakkoa innungillo pitjutigillugit, asserortaujuksaungmatta, ominarsijaujuksaungmattalo, annoraᴋotitillo allilaurangne, kugviorlauravillo sâmne; tagva uvanga tussarlaurivara, Nâlegak oᴋarpok.

II Kronika 6:13

Salomoble ikkovrak kannujaujok sannalaukpa, nappartilaukpâlo inniub avaluliorsimajub ᴋerᴋânut, tallitut tallimatut tukkimutotigijok, sannimutotigijorlo, tallitullo pingasotut poktotigijok; tapsoma ᴋânganut nangeriartorpok, serᴋortorlunelo illagêt Israelitit illunamasiatik sângine, agganelo issangmivait ᴋillangmut,

Esra 1:2

Imâk Korese Persiamiut attanningat oᴋarpok: Nalekab ᴋillaub Gudingata tunnitsivigilaukpânga attanniovingnik tamainik nunane, perᴋolaukpângalo, iglomik igluliorlugo Jerusaleme Judame.

Esra 10:1

Esralo taimak tuksiartillugo, kigligiksarlunelo ᴋêavlunelo pamangatillugo Gudib iglungata sângane, kattimalerput tapsomunga Israelitinit illagêt unnuktoksuit, angutit arnallo, sorutsillo, innugasaksuit ᴋêavaksoadlarmatta.

Esra 9:3

Tamattominga tussarama annorâka allikpakka, ulligalo, niaᴋungmalo nujangit, umikkalo nusukpâkka, iksivalungalo unainalivlunga.

Esra 9:5

Tunnergutiblo unnuksiutib tunnijauviane nikkovipunga paksarnimnit annoralijarlunga, ullilijarlungalo alliksimajunik, serᴋortorpungalo aggakkalo issangmilugit Nalekamut Gudimnut,

Nehemia 2:20

Tagva uvanga kiovakka, oᴋarlungalo: ᴋilaub Gûdingata sullitiniarpâtigut tamattominga; uvagullo kivgaujogut tapsomunga, parngnaileromavogut, sanajomalutalo, ilipsele ilangiutiviᴋangilase, idluarneᴋaraselonêt, erᴋaumajaksaᴋaraselonêt Jerusaleme.

Nehemia 2:4

Tagva atanniub oᴋautivânga: Sunamigle tuksiarᴋit? Tagva ᴋilaub Gûdinganut tuksiarpunga,

Imgerut 102:15

Tagva nallojut Nâlekab attinga sivuragijomârpât, attannîllo nunamêtut illûnatik opinarnît;

Imgerut 136:26

ᴋillaub Gûdinga ᴋujagissiuk; pitsiarninga itsainarmat issoᴋangitomut.

Imgerut 137:1

Babelib kôngine iksivalaukpogut, ᴋêalutalo Zione erᴋaumalaurangaptigo.

Daniel 10:2

Naliutomi tâpsomani uvanga Danieli kiksatsainarpunga vôgit pingasut nâvlugit.

Daniel 2:18

Kilaub Gudinga ᴋinuvigivlugo nâpkigijaujomavlutik nalonadlartoᴋ tamanna pivlugo; Danieli ilangillo toᴋotauᴋonagit Babilonib ilisimajungit ilagivlugit.

Daniel 9:3

Tagva kênara sâtipara Nâlekamut Gudemut, tuksiarlunga ᴋinuvlungalo, nirritailivlunga, pôᴋsajamik attisivlunga, argjanullo sauvlunga.

Jona 1:9

Oᴋautivaillo: Ebreeriovunga: Nâlegarlo ᴋilaub Gudinga imarbingmik nunamiglo pingortitsijoᴋ, sivôragivara.

Sefania 3:18

Katersoromârpakka katimaniksanik kiksasungnartunik kiksauteᴋartut, ilingnit pijovinît; tâpkoa oᴋumaijutigijat naggonautigilauᴋpât.

Rômiunut 12:15

Kuviasuktut ᴋuviasuᴋatigisigik, ᴋugviortullo ᴋugvioᴋatigilugit.