Nehemia 1:3 - Labrador Inuttitut Heritage Bible

³ Tapᴋoalo oᴋautivânga: Amiakut parngnanairsortaunermit tagvane nuname ᴋanoêtomêput angijome mittautigijaunermêlutiglo; Jerusalemib avaloksoangit serᴋomisimavut, upkoaksoangillo ikkisimavut.

Nehemia 1:3 Iomraidhean Croise

I Atannit 9:7

Tagva Israelitit pêjarniarpakka nunamit tunnilauktamnit tapᴋonunga; iglolo ivsornaiviotilauktara atimnut, pêjaromavara kênarma sânganit; Israelitillo oᴋausiovaktungoromârput, oᴋangoarutingorlutiglo inuᴋatigêksoarnut ilûnnainut.

II Atannit 25:10

Kalderillo ᴋattimgajoksoangita, sorsuktuksat angajoᴋaksoanganetut Jerusalemib avaluksoangit serᴋomipait.

II Kronika 36:19

Gudiblo iglunga ikkipât, Jerusalemiblo avalungita ᴋarmangit serᴋomipait, igloksoaᴋotingillo illunaita ikkipait, perᴋutingillo pivianartut illunaita asserorpait.

Esra 2:1

Tamadsa nunab (Judab) ᴋittorngangit, takpaungartut parngnanairsimavingmit, Nebukadnezarib Balelemiut attanningata tikkiutilauktangit Babelemut, uttertullo Jerusalemut Judamullo attunit iglugasaksoarnut igloᴋarvigilauktamingnut.

Esra 5:8

Attannek nallojungnaititaule uvagut tikkisimagapta Judit nunanganut, Gudib angijoksojub iglunganut, igluliortaujomut ujarᴋanit angijunit iktoriktunit, ikkatjello illijauvut senneranginut sullijaksarlo tamanna katsungaitomik pinnasuartauvok pivalliadlarlunelo taipkoa agganginut.

Nehemia 11:3

Tamadsa niaᴋôjut nunab inunginit Jerusaleme Nunaᴋartut. Judable iglugasaksoangine, ilûnatik attunît nangminerijamingne nunaᴋalaukput iglugasaksoarmingne: tagva Israelitit, ajoᴋertuijullo, Levitillo, Nethinimillo, Salomoblo kivgangita ᴋitorngangit.

Nehemia 2:13

Unnuarmelo horsekut annilerpunga nâksab itterviksoangagut, puailavingmut Drachemik atelingmut, itterviksoarmullo perorsaijomik atelingmut tikkidlunga; ᴋemergovakkalo Jerusalemib avaluksoangita ᴋarmangit serᴋomisimajut, upkoaksoangillo ikkomamut nerrijaumalauktut.

Nehemia 2:17

Tagva oᴋautivakka: Takᴋovasse ᴋanoêtok attortavut, Jerusaleme asserorsimangmat, upkoaksoangillo ikkisimangmatta. ᴋaititse Jerusalemiblo avaluksoangita ᴋarmangit senâlerlavut, mittautiksaujungnailerᴋovluta.

Nehemia 2:3

Oᴋarlungalo atannermut: Atannek innôle issoᴋangitomut, uvanga tautorluktuksaungilanga? Iglugasaksuit atâtagijama illijartortaumaningita najugangat asserorsimavut, upkoaksoangit ikkomamut nerrijaumavut.

Nehemia 7:6

Taipkoa sivurngane takpaungarlauktut parngnanairsimavingmit, Nebukadnezarib Babelib atannertangata aulartilauktangita, Jerusalemêlo nunaᴋalauktut, Judamelo attunît iglugasaksoamingne.

Ester 1:1

Ahasverosib atanniolauktûb Indiamit Aetiopia tikkidlugo, nunanut 127ginut, nelliuningane pijoᴋalaukpok,

Imgerut 79:4

Sillaliptingnut kangusuktitaksangorpogut, mittautiksangorlutalo, allêᴋutiksangorlaptalo avatiptingnêtunnut.

Salomob Okâl 25:28

Angut annernerminik nunojungnangitok, iglugasaksoatitun avaluksoakarungnaitutitut-ipok.

Jesaiase 43:28

Tamanna pivlugo angajoᴋaujut ivsornaitovingme ivlernarungnairtipakka, Jâkokkut ôminartillugit Israêlikkullo mittautaunartillugit.

Jesaiase 5:5

Mãnalo ᴋaujititsomavapse, ᴋanoᴋ perorsêviga vaineliksatalik piniarvigijomârapko. Sappûlutangit pêjaromavakka asserortaurᴋovlugo, avalungillo serᴋomitsomavakka tullerajartaurᴋovlugo.

Jeremia 24:9

Unertûtigijomavakka egiorᴋatângorᴋovlugit nunaᴋsûb ataniovingine tamaine idluiᴋutauvlutik; oᴋarnerlutiksauᴋovlugit allêᴋutiksauᴋovlugillo, mitautiksauᴋovlugillo, ômigijaksauᴋovlugillo nunane tamaine ajaktortauvigijomârtangine uvamnut.

Jeremia 29:18

Maligomavakkalo saviksoarmut, kângnartoᴋsoarmullo, nusilingnartomullo, unertutigijomavakkalo egiortartauᴋovlugit nunaᴋsûb ataniovingine tamaine idluiᴋutauᴋovlugit, tataminiarutauᴋovlugillo, mitautiksauᴋovlugillo, sinaungajutiksauᴋovlugillo inôᴋatigêksuit tamaita akorngane ajaktortauvigijangine uvamnut:

Jeremia 39:8

Ataniublo iglunga inuillo iglungit Kaldêamiut ikipait ikomamut, Jerusalemiblo avaloᴋsoangit serᴋomipait.

Jeremia 42:18

Imâk oᴋarmat Nâlagaᴋ Zebaot, Israêlib Gudinga: Sorlo ningaumajârnera ᴋaningaumajârneralo kovijaumangmat Jerusalemib inunginut, taimaktauᴋ ᴋaningaumajârnera kovijaulârivoᴋ ilipsingnut Egiptenaliarupse; ôminarsitiksaujomârposelo, tataminiarutiksauvluselo, oᴋarnerlutjaujutiksauvluselo, mitautiksauvluselo; nunalo tamanna takoniarungnaipase kingorngane.

Jeremia 5:10

Majoraritse ᴋarmaᴋsoanginut, asseroiluselo; nungumariniarasigigle; akkerungit (ᴋitorngangit) aularutisigik; pêrᴋutaungimatta Nâlakamut.

Jeremia 52:14

Kaldêamiullo sorᴋsuktoᴋatigêksoangita, ataniub udjertortingita angajoᴋâᴋsoanganêtut, Jerusalemib avaloᴋsoangit igupterpait ilûnaita.

Jeremiab Ogguarutigijangit 1:7

Kapiasuktitaunime saksârtitaunimelo uvlungine Jerusalemib erᴋarpait ᴋuvianadlartut tamaita ilauktut neliutine sivorline; inungit katangmatta ômigijingita agganginut, ikajortiksarsinginamiglo, ômigijingita takonârpât, mitauteᴋarpullo pikaluktauninginik.

Jeremiab Ogguarutigijangit 2:9

Upkoaksoangit kivivut nunamut; tâpsoma itârtaugêkutingit asserorpait serᴋomilugillo; ataninga angajoᴋâksoangillo inôᴋatigêksuit perᴋojaᴋangitut akornganêput; ila, nelautaijungit takotitjutesilungilat Nâlekamit.

Jeremiab Ogguarutigijangit 3:61

Tusalaukpotit mitauteᴋarninginik, Nâlegak, kajusijutigijanginiglo uvanga pivlunga.

Jeremiab Ogguarutigijangit 5:1

Nalegak, erᴋailaurit sunamut tikitaumangâpta; takosarit, mitautaunivullo ulernaigilauruk.

Leviticus 26:31

Iglugasaksoaselo sunaᴋarungnaititsomârpakka, ivsornaitoviᴋotiselo asserorniluᴋungortitsomavlugit, naijomangilanga tipitsiariksautigijapsingnik.

Leviticus 26:33

Ilipselo siamartitsomârpapse inôᴋatigêksuit akornganut, kingunipsingnalo saviksoak amujomârpara; nunaselo asserornilukungoromârpok, iglugasaksoaselo sunataᴋarungnairomârput.