Nehemia 1:2 - Labrador Inuttitut Heritage Bible

² Hanani ᴋatangutima ilangat, angutit ilangit ilagilugit tikkipok Judamit. Appertsorpakkalo Judit ᴋemâmajut, amiakojullo parngnanairsortaunermit, Jerusalemelo pitjutigivlugit.

Nehemia 1:2 Iomraidhean Croise

Genesis 14:10

Naᴋsarlo Siddim kutsolingnik ittersaᴋadlarpoᴋ. Kemâgamiglo Sodomab Gomorrablo attanîgik (illangillo) takanunga kattakput; amiakungillo ᴋemâlerput ᴋaᴋᴋanut.

II Atannit 24:14

Aularutivaillo Jerusalemiut illuêngarlutik, angajoᴋajat ilunnaita, sorsuktuksat ilunnaita, parngnanaigutsaumajut 10,000 dit, igloliortut ilunnaita, sabviortullo ilunnaita; amiakoᴋarkojilungilarlo nunab innunginik erkananginerpangojunik kisianik.

II Atannit 25:12

Nunamiullo erkananginerpânginit sorsuktuksat angajoᴋangata ilangit nokkarkovait, perorsêvilerijioᴋovlugit Weineliksanik, ᴋakᴋojaksaniglo.

Esra 9:14

Uvagulle ama perᴋojatit serᴋomijaksarivitigik innuᴋattigêksuillo makkoa, taimaitunik makkojungnartoggit aipaniᴋattigivlugit. Ningariniangipittigut, nungutauᴋârtinata, amiakoᴋarungnaiᴋârtinago, piulijauneᴋarungnaiᴋârtinagolonêt?

Nehemia 7:2

ᴋatangutigalo Hanani, Hananjalo igloksub Jerusaleme Angajoᴋânga (anguteôngmat nertornartok, Gûdemiglo sivuraluartok asinginit unuktunit) perᴋovâka,

Jeremia 44:14

Judab amiakunginit nunamut Egiptenemut aisimajunit taikane nunaᴋaromavlutik, aulartoᴋarᴋonago, amiakoᴋarᴋonagolo Judab nunanganut utertuksauvlutik, kajungilâraloarpatta tâvunga uteromavlutik nunagijomangmilugo; utertoᴋarniatsangimat ᴋemâjut kissimik.

Hesekiel 6:9

Tâpkoalo anigoijigijapse erᴋaumajomârpânga inôᴋatigêksuit aularutijauvigilârtangita akorngane, allaigama ômatinginik ajortulilauᴋtunik ᴋemaijuniglo uvamnik, ijinginiglo ajortuligosuktunik gudingoaliarimajanginik: ingmingniglo maᴋojugilârput idluitulinitik piniarnerijatik maᴋojungnartulinermingne tamiane pivlugit.

Hesekiel 7:16

Anigoijulle anigoilârput, ᴋaᴋᴋanêlârpulle sorlo naᴋsab tingmiangititut, ilûnatik ogguarlutik idluitulinermingne.