Nahum 2:9 - Labrador Inuttitut Heritage Bible

⁹ Silberemik aᴋsârnialeritse, goldemik aᴋsârnialeritse; ᴋomergutaujut kigleᴋangimatta, perᴋutit pivianartut unuktovaksôngmatta.

Nahum 2:9 Iomraidhean Croise

II Kronika 36:10

Jarelo ᴋângermat, Nebukadnezar tilliklerpok aijauᴋolâlo Babelemut, illulerᴋutit pivianartut Nalekab iglunganêtut illagilugit, Zedekialo ᴋattanguta attanningortipa Judakunut Jerusalemiunullo.

Jesaiase 33:1

Kappianarmek igvit asserorsaijotit, nangmineᴋ asserortaulungigalloartotit sulle; igvillo aksorôtjijotit, nangmineᴋ aksorôtijaulungigalloartotit sulle. Asserorsainit pijarêrungne, igvittauᴋ asserortaujomârpotit; aksorôtjineᴋ nãmaksigungne, igvittauᴋ aksorôtijaujomârpotit.

Jesaiase 33:4

Aᴋsârnigarijase nungutaujomârput, sôrlo piglertaujârtut nungutsivangmatta, piglertatitut pangaliktutitut (akkerartortise) pangaligomârput tagvane.

Jeremia 25:34

Keadlaritse, pairᴋsijôjose, nipliadlarluselo; argjane aksapalloaritse, ilipse aulatsijose saukanik; uvluksase nâmaksikpatta toᴋotauᴋovluse, serᴋomitsomagapse oggojomârposelo iluleᴋutitut pivianartotut.

Jeremia 46:5

Sôᴋ taimaitomik takovêk? Kuksalâdlarput utimuarlutiglo; sôngojungillo sâlauvut, ᴋemâdlarput ᴋeviarungnaratiglo; kapiasungneᴋ ilûnânêpoᴋ, oᴋarpoᴋ Nâlagaᴋ.

Jeremia 51:56

Asserorsaijûb tikidlarmago tâmna Babilone, pitsartujungit tigujaudlarput, pitiksingit navlorsimavut; Nâlagaᴋ Gudeongmat akkiniartoᴋ, nalonangitomik akkiniaromârpoᴋ.

Hesekiel 26:12

Perᴋutitillo aᴋsârnigarijomârpait, niorvgutitillo arᴋtautigilugit; avaloᴋsoatillo serᴋomilârpait, iglotillo takominartut asserorlugit; ujarᴋatillo ᴋejuktillo siorᴋatillo egitsomârpait imânut.

Daniel 11:8

Gudingoangillo inungoaliarimajangillo auktisimajut, piᴋutingillo pivianartut goldimit silbirimillo sanamajut, aularutijomârpait Egiptinimut; tâpsomalo jârit ilangit nâvlugit ataniᴋ avanimioᴋ unangmitaililârpâ.

Nahum 3:17

Niaᴋôsertaumajut piglertatitut iput, angajoᴋâksoatillo piglertatitut katimgajutitut, avalut okᴋoaliningine tangmârtertutitut uvlorme niglatâdlartome, seᴋinerle nuisimalerpat tingilutik ᴋemâvut, noᴋarvingillo ᴋaujimajaulungilat.

Takotitaunermik 18:12

Niorvgotiksanginik goldemik silberemiglo, ujarᴋaniglo pivianartunik, sapanganiglo, saitemiglo aupaluktamiglo, aupaloriktomiglo, sunatuinarniglo ᴋejungnik tipitsiariktunik, sunatuinarniglo iluleᴋutinik togânik, sunatuinarniglo iluleᴋutinik ᴋejungnik pivianartunik, ᴋakᴋorlerniglo, kikiangniglo, ujarᴋaniglo;

Takotitaunermik 18:16

Oᴋarlutiglo: Kappianarmêk, kappianarmêk, iglugasaksuit angijut, annorârsimalauktut saitinik, aupaluktaniglo, aupaloriktuniglo, ᴋalersimajullo goldinik, ujarᴋaniglo pivianartunik, sapanganiglo,