5 Nakorijane erᴋaumavait; ingerarlutik naukiutivut; ᴋarmaksoarmut aisaraidlarput, pinnailutallo âᴋiksortauvut.
Nerrimârvingmik âᴋiksoivut, pigârput pigârvingme, nerrivut imerlutiglo. Opalungaileritse angajoᴋaujose, sappûlutaᴋ mingoarsiuk!
Taipkoale akkornganne merngortortoᴋaromângilaᴋ naukiutijoᴋaranelo, sikkungijoᴋaromângilaᴋ siniktoᴋaranelo; tapserutingit pêromângilat, ittigagutingita singingit kiktoraromângilat.
Inôᴋatigêᴋsuit kangusuktitaunît tusaumavât, nunalo nâmavoᴋ niplianernik; pitsartujoᴋ naukiutingmat pitsartujomut, ᴋallerêktilutiglo pâlaksimavut.
Pitiksilît katimaᴋolersigik Babiloneme, ilûnaita pitiksimik ᴋellusijungnartut; ilumavlugo tangmâritse avatâne; aulartoᴋarniarane; suliarijangit maliklugit akkiniarsiuk; piniarnerijangit maliklugit piniarvigisiuk; iktoriktaidlarmat Nâlakamut, Israêlib ivsornaitoᴋsôjunganut.
Kôb kipputingit angmartauvut, iglutsiarlo suppujauvok.
Mianersijitit sinidlarput, ataniojotit Assiriame; erᴋanartatit merngoêrserput; inuᴋotitit ᴋaᴋaksoarne siamangavut, katersoijuksaᴋangilarlo tâpkoninga.
Horsilijartut kajusidlartut, saviksoak ᴋeblertok, ᴋalugiarlo ᴋaumalâjok; toᴋotallo unuktoᴋsuit, toᴋungajut timingit ᴋalerêt; toᴋungajut timingit kigleᴋangilat; toᴋungajut timingit aporvigivait;
Horsingit sukaliluarput pûsevâlungnit, kêsuktoᴋsônersauvlutiglo amarᴋunit unuksiortunit; horsilijartungillo pangaliᴋatârput; ilâ, horsilijartungit ungasiktomit tikiput; sukalidlarput nektoraliktitut nerrisâdlaromajutitut.