Nahum 1:6 - Labrador Inuttitut Heritage Bible

⁶ Kina nangerungnarᴋâ tâpsoma ningarningata sânganê? Kina sapilungilâk ᴋaningaumajârninga katsungailerpât? Kaningaumajârninga ikoâlavok ikomatut, ᴋairtullo ᴋoplortauvut tâpsomunga.

Nahum 1:6 Iomraidhean Croise

I Atannit 19:11

Tamnalo oᴋarpok: Annilerit, nangeriartorlutillo ᴋakᴋame Nâlekab sângane. Ahâglo Nâlegak ᴋângerpok, annorelo angijoksoak sôngojorlo, ᴋakᴋanik kopluijok, ᴋairtuniglo serᴋomitsijok sivurlerpok Nâlekamik; Nâlegarle annoremêlaungilak. Annorible kingorngane nunab sajukpiludlarninga; Nâlegarle nunab sajukpiludlarninganêlaungilak.

Hiobe 26:11

ᴋilaub sukkangit sajukpilukput, kakkilâdlarlutiglo suarninga pivlugo.

Hiobe 40:11

“Ningarnivit ilûngertorninga tamât serᴋitiuk; piojorijut ilûnaita takkonârkit, manigotitikillo.

Hiobe 9:5

Tâpsoma ᴋakᴋât nûtipait missigiᴋârtinnagit, mumikpaillo ningarnermine.

Imgerut 130:3

Nâlegak igvit ajornerit akkileromagungne: Nâlegak kina îtsungnarniarᴋâ?

Imgerut 2:12

Ernek kunnissiuk, ningarᴋonago, nungutauᴋonaselo apᴋome; ningarninga ikkoalasarainiarmat; pilloridlarpulle illunatik tatteartut tapsominga.

Imgerut 76:7

Igvit kappianadlarᴋotit, kina sângne nangerungnarᴋa ningaleruvit?

Imgerut 76:8

Idluarsainerub ᴋajusimaninga tussartauᴋogungne ᴋillangmit, tagva nuna ᴋoaᴋsârpok innilangalunelo;

Imgerut 90:11

Tagva ajochertortigut issumaksarsiornermik toᴋᴋojuksauniptingnik, sillatulerᴋovluta.

Jesaiase 10:16

Taimaimat Nâlegaᴋ, ᴋilangmiugasaksuit Nâlegangat pitsartuerutijaunartomik tillikleromârpoᴋ pitsartujoᴋsoaᴋotingita akkorngannut, nâlegauvingatalo attâne ikkoalajoᴋaromârpoᴋ ikkomab ikkoalaningatut.

Jesaiase 13:13

Tamanna pivlugo ᴋilak aulatitsomavara, nunalo sajukpilaklune nûtitaujomârpoᴋ inniminit ᴋilangmiugasaksuit Nâlegangata ᴋaningajâdlarninganut, ningausinga katsungailerpat.

Jesaiase 27:4

Ningarneᴋ illumnẽngilaᴋ. Ukpigait perornerdluktullo kakkilautiggit akkerartulinga! Sorsuklugit tikkitsomârpakka, illũnaita ikkillugit.

Jesaiase 33:14

Idluitullijut Zioneme ᴋoaᴋsârput, piungitut sajungnermut tikkitauvut (oᴋarpullo): Nallipta ikkoma nungutsijoᴋ najorlugo ajungilâ? Nallipta ikkomaᴋsoaᴋ ᴋamisuitoᴋ najorlugo ajungilâ?

Jesaiase 66:15

Ahâgle, ikkomakut Nâlegaᴋ tikkitsomârpoᴋ, ᴋamutingillo aᴋᴋunaᴋsoatut-iput, ningaumajârnine saᴋᴋijârtipâ ikkomakut suangadlarninelo ikkomab ikkoalaningagut.

Jeremia 10:10

Nâlagarle Gudeovoᴋ mikseᴋârtoᴋ; Gudeovoᴋ ômatsainartoᴋ, ataniovlunalo issoᴋangitoᴋ; tâpsoma ningaumajârningane nuna sajukpilakpoᴋ, inôᴋatigêksuillo tâpsoma silungninga sappilerpât.

Jeremia 21:12

Ilipse, Dâvidib kinguvângit, imâk oᴋarpoᴋ Nâlagaᴋ, Idluarsaileritse uvlângoningane, oᴋumaiksartitaujorlo piulisiuk oᴋumaiksartitsijub agganginit, ᴋaningaumajârnera aniᴋonago ikomatut, ikoâlaniarlune ᴋamitaujungnarungnailune, piniarnerijase idluitut pivlugit.

Jeremiab Ogguarutigijangit 2:3

Ningarnerme ilungertortome Israêlib nakjua tamât kipivâ; aggane talerpît issagungnaipait ômisuktit sânginit; Jâkolo ikipâ, sorlo ikomaksoatut avatâne siamartotut.

Jeremiab Ogguarutigijangit 2:4

Omisuktotut pitiksine ᴋeluvâ, nangerporlo aggane talerpît issaklugit akkerartortotut, takominartut tamaita toᴋodlugit; ningarninelo kovivâ ikomatut Zionib paningata tuppinganut.

Jeremiab Ogguarutigijangit 4:11

Nâlekab ningaumajârnine nâmaksitilaukpâ, ningarnersoane kovilaukpâ; Zionemelo ikitsivok ikomamik nungutsijomik tungavinginik.

Hesekiel 21:31

Kaningaumajârneralo kovijomavara ilingnut, ningaumajârnima ikomanga supôrdlugo ilingnut: pititsomavagillo angutit nâpkiningneᴋangitut agganginut, asseroinermik ilisimajut.

Hesekiel 30:16

Ikomaᴋartitsijomârpungalo Egipteneme; kapiaktoadlarneᴋaromârpoᴋ Sineme, Nôlo serᴋomitaujomârpoᴋ, Nôfemelo akkerartortoᴋaromârpoᴋ uvloᴋ nâvlugo.

Hesekiel 39:6

Ikomamiglo tilikleromârpunga Magogemut, tâpkonungalo terliktulik nunaᴋartunut ᴋikkertane, ᴋaujijuksauvullo uvangaugama Nâlegaᴋ.

Hesekiel 7:8

Mânakut ilungertornera kovijomavara ilingnut, ningaumajârneralo nâmaksititsomavlugo ilingnut, erᴋartoromavagillo iluserijatit maliklugit; maᴋojungnartulinitillo tamaita tikiutitsomavakka ilingnut.

Nahum 1:2

Nâlegak Gudeovok ilungertortok, akkiniarporlo; Nâlegak akkiniarpok ningarnermiglo ilumikpok; Nâlekab akkerartortine akkiniarpait, ômigijiminullo ningarnek torᴋorpâ.

Sefania 2:2

Perᴋojak aulangitok aniᴋârtinago, uvlok anigorᴋârtinago iviksukatitut serᴋalijaumajutitut, Nâlekab ningarninga katsungaitoktôᴋârtinago ilipsingnut, Nâlekab ningarningata uvlunga tikiᴋârtinago ilipsingnut.

Mâlaki 3:2

Kiale uvloᴋ tikiviksanga sapingilârᴋaûk? Kinalo nangerungnalârᴋâ tâmna saᴋᴋijârpât? Goldemik auksititsijûb ikomangatut ipoᴋ, ergortuijûblo ubvautingatut;

Mâlaki 4:1

Ahâk, uvloᴋ neliutijomârpoᴋ, kiaksautitut ikoalâvoᴋ; piojorijullo ilûnatik idluitulijullo ilûnatik igvît kipakungititut îtsomârput; uvlûblo neliutijomârtûb ikitsomârpait, oᴋarpoᴋ Nâlegaᴋ Zebaot, amiakoᴋartitsomângilaillo amârmiglônêt akkeromiglônêt.

Takotitaunermik 16:1

Tempelemillo nippersoarmik tussarpunga oᴋartomik Engelinut 7 inut: Iluleᴋutit Gûdib ningausinganik imalit kovijartorsigik nunamut.

Takotitaunermik 16:8

Engelillo sitamangata iluleᴋutime imanga kovivâ seᴋinermut, tâmnalo pititaulerpok inuit ôlugit ikomamut.

Takotitaunermik 6:17

Uvloᴋsoak ningaumavinga neliutingmat, kinalo nâmagijaujungnarniarᴋâ?