Nahum 1:5 - Labrador Inuttitut Heritage Bible

⁵ ᴋaᴋaksuit sajukput sângane, ᴋaᴋallo auksivut; tâpsoma najorningane nuna aulajâdlarpok, ilâ, silaksoak, tamaitalo tagvane ineᴋartut.

Nahum 1:5 Iomraidhean Croise

II Samuel 22:8

Nuna sajukpilulaukpok, aulatitaulunelo, ᴋillaub tungavingit aulavut, sajukpilutiglo ningaumajartillugo.

Hiobe 26:11

ᴋilaub sukkangit sajukpilukput, kakkilâdlarlutiglo suarninga pivlugo.

Hiobe 9:5

Tâpsoma ᴋakᴋât nûtipait missigiᴋârtinnagit, mumikpaillo ningarnermine.

Imgerut 104:32

Nuna takkosarpâ, tagva sajukpilukpok; ᴋakᴋat aktorpait, tagva isserlukput.

Imgerut 114:4

ᴋakᴋat ᴋiggertalaukput saugârsuktitut, ᴋakᴋârulaillo saugarᴋatitut.

Imgerut 114:6

Illipse ᴋaᴋᴋaujose, ᴋiggertarlaurapse saugârsuktitut? ᴋakᴋârulaujose saugarᴋatitut?

Imgerut 18:7

Nuna sajukpilalaukpok, aulatitaulunelo, ᴋaᴋᴋiallo tungavingit aulavut sajukpilalutiglo ningaumajartillugo.

Imgerut 18:8

Iserluk ᴋongmualaukpok kinganganit, ikkomalo nungutsijok ᴋanninganit, auma annilaukpok tâpsomangat.

Imgerut 46:6

Nallojut perajalukput, attaniovîllo aulavut; nuna auksilerpok tâpsoma nippine tussaktauᴋoguniuk.

Imgerut 68:8

Tagva nuna sajukpilulaukpok, ᴋillaillo kussilaukput Gûdib sângane; Sinai tâmna, Gûdib, Israelib Gûdigijangata sângane.

Imgerut 98:7

Immarbik iktullijârle tâpsomanêtullo; nuna inneᴋartullo tâpsoma ᴋângane.

Exodus 19:18

ᴋakᴋarle Sinai ilûnnane iserludlarpok, Nâlekab akᴋarvigingmago ikomakut; iserlungalo ᴋongmuarpok sorlo ikomaksoaᴋarviksûb iserlungatut, ᴋakᴋarlo ilûnnane sajukpiludlarpoᴋ angijomik.

Jesaiase 24:1

Ahak, Nâlekab nuna piksairutivlugo asserorpâ, ᴋânga mumiklugo inungillo siamartillugit.

Jesaiase 24:20

Nuna majangadlarpoᴋ tallatotut, aulajârpoᴋ ᴋângattaujarviktut, idluitulliningita nênermatsuk, ochojuksauvoᴋ makkitsungnarane.

Jesaiase 5:25

Taimaimat Nãlegaᴋ katsungaitomik ningalerpoᴋ inuᴋotiminut, agganelo issakpait tâpkonunga, pattakpaillo, ᴋaᴋᴋat sajukpiluktillugit timingillo toᴋungajut aktarlukkutitut egidlugit apᴋosinermut.

Jeremia 10:10

Nâlagarle Gudeovoᴋ mikseᴋârtoᴋ; Gudeovoᴋ ômatsainartoᴋ, ataniovlunalo issoᴋangitoᴋ; tâpsoma ningaumajârningane nuna sajukpilakpoᴋ, inôᴋatigêksuillo tâpsoma silungninga sappilerpât.

Jeremia 4:24

Kaᴋᴋat ulernaigilauᴋpakka, sunaubvalo sajudlarput, ᴋaᴋᴋârulaillo ilûnatik aulajâdlarput.

Hesekiel 38:20

Mingeriat imânêtut, tingmiat ᴋilaub ikianganêtut, nergjutillo naternamêtut, pâmgortullo ilûnatik pâmgorpaktut nunab ᴋângane, inuillo ilûnatik nunab ᴋânganêtut, sajugomârmatta kênama sângane, ᴋaᴋᴋallo oggotitaujomârput, imnallo katararomârput, ᴋarmallo ilûnatik nunamut oggojomârput.

Joel 2:10

Nuna sajukpilukpoᴋ sângine; ᴋilait sajukput; seᴋineᴋ taᴋᴋerlo tâᴋsipuk, uvloriallo ᴋaumanitik saᴋᴋijârtailitipait;

Amos 9:5

Nâlekab Gûdib Zebaotib nuna aktormago, aukporlo tagva, tagvanelo nunalit ilûnatik kiksadlalârput; kôksoatullo kutjilârpok; kôkililermivlunelo Egiptenib kôksoangatut;

Migga 1:4

Kaᴋᴋârsuillo augomârput tâpsoma atâne, naᴋsallo ᴋoplugomârput, sorlo kutsuᴋ aungmat ikomame, sorlo imeᴋ ᴋorlormat aksangajokut.

Habakûb 3:10

Takolutit ᴋaᴋaksuit ôlikput; imersuit iktulijartut ᴋângerput: itinersûb nipinne anivâ, agganelo ᴋongmuartipait.

Saggaria 4:7

Kinauvêt, ᴋaᴋaksoangojotît? Serûbabelib sângane naternangoromârpotit: tâpsomalo ujarak pijariaᴋortojok tikiutilârpâ ᴋôrᴋsudlarnermut: Pilluangolerle, pilluangolerle.

Mâlaki 4:1

Ahâk, uvloᴋ neliutijomârpoᴋ, kiaksautitut ikoalâvoᴋ; piojorijullo ilûnatik idluitulijullo ilûnatik igvît kipakungititut îtsomârput; uvlûblo neliutijomârtûb ikitsomârpait, oᴋarpoᴋ Nâlegaᴋ Zebaot, amiakoᴋartitsomângilaillo amârmiglônêt akkeromiglônêt.

Mattêuse 27:51

Ahâglo, tagva katimaviksûb upkoᴋsoanga alikpok maggolivlune, pikangat ununga tikidlune.

Mattêuse 28:2

Ahâglo, nuna sajukpilâdlarpok. Nâlekab Engelingata ᴋilangmit akᴋarlune ujaraksoak iluviub pânganit aksaᴋârtitsartormago, ingidlunalo ᴋânganut.

Takotitaunermik 20:11

Iksivautaksoarmiglo ᴋaᴋortamik takogivunga, tâpsomanelo iksivajomik; tâpsoma kênanganit nunalo ᴋilaglo ᴋemâvuk, tâpkungnungalo iniksamik nagvârtoᴋangilak.

Takotitaunermik 6:14

Kilaglo ᴋemâvok, sorlo aglait imusersimajut, ᴋakᴋallo, ᴋikertallo ilûnaita nûtaulerput inimingnit.

Idluarsaijut 5:5

ᴋakᴋat auksilaukput Nâlekab sângane, ila Sinai Nâlekab Israelib Gûdingata sângane.