Nahum 1:4 - Labrador Inuttitut Heritage Bible

⁴ Imarbik suakpâ panertilugolo, kôllo ilûnaita ipteriliktipait; Basan Karmelelo ᴋunolerpuk, nuvugulâllo Libanoneme ᴋunolerput.

Nahum 1:4 Iomraidhean Croise

Genesis 8:1

Gudible Noa erᴋarpâ, ômajullo tamaita nergjutillo tamaita umiaᴋsoamioᴋatingit, anoremiglo anordlertitsivoᴋ nunab ᴋângagut, imaᴋsoarlo tinersoariarpoᴋ.

II Samuel 22:16

Tagva imiksuit kôdlartut takkojaulaukput, nunaksublo tungavinga ulligêrtaumalaukpok, Nalekab suadlarninganut, kingangata annerninganut, annerteridlarninganullo.

Hiobe 38:11

“Oᴋarlungalo: Mânna tikkilugo tikkituksauvotit, ᴋaninginersamulloungitok; mâne malliksuatit, piojorijut nokᴋartuksauvut.

Imgerut 104:7

Suarnernulle ᴋemâlaukput; kallungnivît nippinganut, aulasâdlalaukput.

Imgerut 106:9

Imarbiglo iviktalik suvlolingnik suarpâ, tagva ipterilingalerpok; tassiorpaillo ittinertigut, sorlo sunaᴋajuitokut.

Imgerut 114:3

Immarbik takkolaukpok tamattominga ᴋemâlunelo; Jordane uttilaukpok;

Imgerut 114:5

Sulauᴋit igvit immarbiôjotit ᴋemâlauravit? igvillo Jordaneojotit uttiûrlauravit?

Imgerut 18:16

Tâmna tilliklilaukpok ᴋôtsiktomit ailungalo; ᴋaᴋᴋilaukpângalo imaksoarnit.

Imgerut 74:15

Igvit puailavingnik kôngniglo puailaᴋojivotit; igvit kôksuit ᴋôtsainarlauktut imeᴋarungnaitipâttit.

Jesaiase 33:9

Nuna takkorannêdlune pannerpoᴋ, Libanone takkominaidlune erᴋivoᴋ, Sâronelo naternauvoᴋ perortoᴋangitoᴋ, Bâsanelo Karmelelo merᴋoᴋarungnairpuk.

Jesaiase 42:15

Kaᴋᴋat ᴋaᴋᴋârulaillo asseroromavakka, iviksukallo ᴋânginẽtut pannilertitsomavakka; kôksuit ᴋikkertangortitsomavakka tassillo imeᴋarungnairtillugit.

Jesaiase 44:27

Imarbiksûb ittininganut oᴋartunga: Ipteriligit! ingergarnerillo pannilertungortitsomavakka.

Jesaiase 51:10

Igviungilatît imarbingmik imaerutjijoᴋ, imarmik iktullijâdlartomik, imarbiublo erᴋanik apᴋosineliortoᴋ, pissugviksautillugo uttertitaumajunut?

Hesekiel 30:12

Kôksoangillo imairutitsomârpakka, nunalo aulaijomavlugo inuit idluitut agganginut: nunalo tâpsomanêtullo asserortauᴋojomârpakka takorngartat agganginut; uvanga Nâlegaujunga taimak oᴋarpunga.

Hesekiel 38:20

Mingeriat imânêtut, tingmiat ᴋilaub ikianganêtut, nergjutillo naternamêtut, pâmgortullo ilûnatik pâmgorpaktut nunab ᴋângane, inuillo ilûnatik nunab ᴋânganêtut, sajugomârmatta kênama sângane, ᴋaᴋᴋallo oggotitaujomârput, imnallo katararomârput, ᴋarmallo ilûnatik nunamut oggojomârput.

Amos 1:2

Oᴋarporlo: Nâlegak kalingoalârpok Zionemit, nippinelo anitilârpâ Jerusalemit; mianersijullo nerrinasugvingit ogguaromârput, Karmeliblo ᴋânga ᴋunoleromârpok.

Amos 5:8

ᴋenersiuk uvloritjanik killulerektunik siaktuniglo sanajok, toᴋub tagganganik ablatsangortitsijok uvlângordlugo, uvlorlo unnuaᴋtut tâᴋtungordlugo; ᴋaiᴋojijok imarbiub imanginik nunablo ᴋânganut kovilugit; Nâlekamik ateᴋartok;

Mattêuse 8:26

Tagva oᴋautivait: Ilipse okpernikitose, sôk nangiarᴋisê? Makiporlo, anorelo imarlo inerterpak; ikubliamarilerpok tâva.

Josua 3:16

Tagva imek timânit kôktok nokᴋarpok ᴋallerêktilunelo, ungasidlartomik, iglugasaksoarnit Adamemik attelingnit Zarthanib sanianetomit; immerle attânut pijok imânut, imânut tarriolingmut kêtaulerpok nungulunelo. Taimak innugasaksuit iᴋârput Jericho sâlugo.